Каматата на кредитите во ноември 4,80%, на депозитите 2,18% - Канал 5

Економија

Каматата на кредитите во ноември 4,80%, на депозитите 2,18%

Просечната каматна стапка на вкупните кредити, во ноември 2025 година, забележа месечен и годишен пад од 0,02 п.п. и 0,56 п.п., соодветно и изнесува 4,80%.

Каматата на кредитите во ноември 4,80%, на депозитите 2,18%

Просечната каматна стапка на вкупните депозити изнесува 2,18% и оствари месечен пад од 0,02 п.п., додека на годишно ниво е зголемена за 0,06 п.п, соопшти Народна банка.

Во ноември, просечната каматна стапка на новоодобрените кредити изнесува 4,54% и на месечна основа е зголемена за 0,05 п.п., при годишно намалување од 0,28 п.п. Просечната каматна стапка на новопримените депозити бележи пад на месечна и на годишна основа од 0,07 п.п. и 0,53 п.п., соодветно и изнесува 2,27%.

Просечната каматна стапка на вкупните кредити на корпоративниот сектор, во ноември, е пониска за 0,02 п.п. во однос на претходниот месец и изнесува 4,41%. Притоа, промената е резултат на намалувањето кај сите компоненти: каматните стапки на денарските кредити со валутна клаузула и на каматните стапки на кредитите во странска валута (за 0,02 п.п., соодветно), како и на каматните стапки на денарските кредити без валутна клаузула (за 0,01 п.п.). На годишна основа, оваа каматна стапка забележа пад од 0,64 п.п.

Во ноември, каматната стапка на новоодобрените кредити на корпоративниот сектор изнесува 4,51%, што претставува месечен раст од 0,14 п.п. Од аспект на валутната структура, зголемувањето произлегува од растот на каматните стапки на кредитите во странска валута и на каматните стапки на денарските кредити без валутна клаузула (за 0,22 п.п. и 0,16 п.п., соодветно), додека каматните стапки на денарските кредити со валутна клаузула се намалени (за 0,46 п.п.). Во споредба со ноември минатата година, каматната стапка на новоодобрените кредити на корпоративниот сектор е пониска за 0,17 п.п.

Просечната каматна стапка на вкупните депозити на корпоративниот сектор, во ноември, изнесува 2,60% и е намалена за 0,01 п.п. на месечно ниво. Месечната промена се должи на пониските каматни стапки на депозитите во странска валута и на каматните стапки на денарските депозити со валутна клаузула (за 0,08 п.п. и 0,01 п.п., соодветно), додека каматните стапки на денарските депозити без валутна клаузула бележат зголемување од 0,01 п.п. Kаматната стапка на вкупните депозити на корпоративниот сектор оствари годишно намалување од 0,08 п.п.

Овој месец, каматната стапка на новопримените депозити на корпоративниот сектор забележа месечен пад од 0,27 п.п. и изнесува 2,05%. Притоа, намалувањето е резултат на падот на каматните стапки на депозитите во странска валута и на каматните стапки на денарските депозити без валутна клаузула (за 0,59 п.п. и 0,16 п.п., соодветно). Истовремено, каматната стапка на денарските депозити со валутна клаузула изнесува 1,94%, за разлика од претходниот месец кога банките и штедилниците не примиле депозити од овој вид. Годишниот пад на оваа каматна стапка изнесува 0,38 п.п.

Каматната стапка на вкупните кредити на домаќинствата, во ноември, оствари месечно намалување од 0,02 п.п. и изнесува 5,19%. Падот во целост произлегува од пониските каматни стапки на денарските кредити без валутна клаузула (за 0,04 п.п.), додека каматните стапки на останатите категории кредити се непроменети. Каматната стапка на вкупните кредити на домаќинствата бележи намалување од 0,47 п.п. на годишно ниво.

Во ноември, просечната каматна стапка на новоодобрените кредити на домаќинствата се намали за 0,07 п.п. и изнесува 4,59%. Анализирано по валута, падот се должи на пониските каматни стапки на кредитите во странска валута и на каматните стапки на денарските кредити со валутна клаузула (за 0,26 п.п. и 0,06 п.п., соодветно), додека каматните стапки на денарските кредити без валутна клаузула забележаа зголемување (за 0,07 п.п.). Во споредба со истиот месец претходната година, оваа каматна стапка оствари намалување од 0,44 п.п.

Каматната стапка на вкупните депозити на домаќинствата, во ноември, е намалена за 0,01 п.п. во однос на октомври и изнесува 2,13%. Промената произлегува од намалувањето на каматните стапки на денарските депозити без валутна клаузула и на каматните стапки на депозитите во странска валута (за 0,02 п.п., соодветно), при раст на каматните стапки на денарските депозити со валутна клаузула (за 0,28 п.п.). Годишниот раст на каматната стапка на вкупните депозити на домаќинствата изнесува 0,08 п.п.

Во ноември, каматната стапка на новопримените депозити на домаќинствата6 изнесува 2,37% и забележа месечно зголемување од 0,01 п.п. како резултат на растот на каматните стапки на денарските депозити без валутна клаузула и на каматните стапки на депозитите во странска валута (за 0,01 п.п.). Овој месец, кај банките и штедилниците не се евидентирани новопримени денарски депозити со валутна клаузула. Оваа каматна стапка бележи годишно намалување од 0,51 п.п.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Андре Агаси разочаран од откажувањето на полуфиналето на Ролан Гарос

Легендата на светскиот тенис, Андре Агаси разочаран од откажувањето на полуфиналето на Ролан Гарос-„Вака успеав да стигнам до финалето на 56 години“.

Андре Агаси разочаран од откажувањето на полуфиналето на Ролан Гарос

Поранешниот шампион на Ролан Гарос остана без зборови на веста дека полуфиналето е откажано.

Организаторите на Ролан Гарос доживеаја вистински дебакл на крајот од турнирот, бидејќи полуфиналето помеѓу Матео Арналди и Флавио Коболи воопшто не се играше.

Арналди се повлече поради вирус, и тоа откако претходно го мина Матео Беретини во четвртфиналето, по помалку од два сета од натпреварот (7:5, 5:2).

Американскиот шампион на Гренд слем, Андре Агаси, беше изненаден од откажувањето на Арналди уште пред да излезе на теренот.

„Можев да го победам Арналди денес, на 56 години. Ако не се појавиш, не победуваш. Разочарувачки е. Овој турнир беше полн со изненадувања, но, ова не е изненадување што некој сака да го види. Тој имаше меч во два сета во четвртфиналето (Беретини му го предаде, видете весник) и имаше време физички да се опорави, но очигледно се справува со нешто. Ќе беше подобро ако беше нешто со што не можеше да се справи. Ова е разочарувачки“, рече Агаси во студиото на ТНТ Спортс.

Навивачите така останаа без натпреварот за кој купија билети, а Флавио Коболи стана финалист на Ролан Гарос и ќе игра за титулата против Александар Зверев, Германец кој има историска шанса да го освои својот прв Гренд Слем. Ова ќе биде негово петто финале на Гренд Слем и тој ќе игра во недела против десеттиот рангиран играч во светот за титулата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филибек: Европската перспектива е јасна, потребна е политичка волја од власта

Филибек укажа на фактот дека европската перспектива на Македонија и Западен Балкан е јасна, но дека за нејзина реализација е неопходна политичка волја од актуелната власт.

Филибек: Европската перспектива е јасна, потребна е политичка волја од власта

Европската перспектива е јасна, потребна е политичка волја од власта, порача генералниот секретар на Партијата на европските социјалисти (ПЕС), Џакомо Филибек, во рамки на меѓународната конференција на Социјалдемократскиот сојуз на Македонија и Корчуланската висока политичка школа, на која беше промовирана „Скопската иницијатива“.

Филибек укажа на фактот дека европската перспектива на Македонија и Западен Балкан е јасна, но дека за нејзина реализација е неопходна политичка волја од актуелната власт.

„Тука сум и со една јасна порака во однос на заморот што се чувствува во јавната дебата за интеграцијата на земјата во Европската Унија. Тој замор е последица на недостигот од политичка волја и решителност кај актуелната власт. Националистичката реторика што ја поттикнуваат не помага во процесот, туку дополнително ја збунува јавната дебата за европската иднина на државата“, потенцираше Филибек.

Филибек нагласи дека европската иднина на Македонија е неразделна од европската иднина на регионот, при што интеграцијата мора да се одвива паралелно и заеднички.

„Пораката што сакам да ја пренесам е јасна: иднината на Европската Унија е поврзана со интеграцијата на Западен Балкан и со полноправното членство на Македонија во европското семејство. Истовремено, иднината на Македонија е во Европската Унија, заедно со останатите земји од регионот. Тоа се два процеса кои мора да се движат паралелно и заедно да придонесат за конечно обединување на европскиот континент“, рече Филибек.

Филибек потсети и на улогата на СДСМ во реформските и европските процеси во државата.

„Во изминатите години СДСМ покажа лидерство токму во овој процес и го трасираше патот на реформите. Денес постои реална можност за напредок и таа шанса мора да се искористи. Европската Унија покажува јасна подготвеност за проширување, а тоа го потврди и претседателот на Европскиот совет, Антонио Кошта, за време на неговата посета на земјите од регионот“, рече генералниот секретар на Партијата на европските социјалисти (ПЕС), Џакомо Филибек.

прес конференција на Џакомо Филибек – генерален секретар на ПЕС, Скопска иницијатива

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денови за спорт на младите во општина Илинден

Општина Илинден пулсираше во духот на спортот и заедништвото. 

Денови за спорт на младите во општина Илинден

На спортските терени изминатите два дена се одржа традиционалната спортска манифестација „Денови за спорт на младите во Општина Илинден“, на која учествуваа околу 400 ученици од основните училишта во општината, како и учениците од СОСУ „Илинден“.

Согласно програмата, се одиграа финални општински натпревари во футсал, ракомет и одбојка во машка и женска конкуренција, турнир во баскет, атлетска трка, како и елементарни штафетни игри.

На атлетската трка на 60 метри во женска конкуренција, првото место го освои Јована Костова, второто место Бојана Стојчевска, а третото место Ангела Богдановска. Во машка конкуренција првото место го освои Роберт Митев, второто место Борјан Миленковски, а третото место Горазд Спасиќ.

На атлетската трка на 200 метри во женска конкуренција, првото место го освои Андреа Велковска, второто место Јана Миленковска, а третото место Јана Жарковиќ. Во машка конкуренција првото место го освои Горазд Димитриевски, второто место Дарко Трајановски, а третото место Филип Христовски.

На натпреварите во футсал во машка конкуренција, првото место го освои екипата на ООУ „Гоце Делчев“, а второто место екипата на ООУ „Браќа Миладиновци“. Во женска конкуренција првото место го освои екипата на ООУ „Ристо Крле“, додека второто место ѝ припадна на екипата на ООУ „Браќа Миладиновци“.

Во ракомет, во машка конкуренција првото место го освои екипата на ООУ „Гоце Делчев“, а второто место ООУ „Ристо Крле“. Во женска конкуренција првото место го освои ООУ „Гоце Делчев“, а второто место ООУ „Ристо Крле“.

Во одбојка, во машка конкуренција првото место го освои ООУ „Гоце Делчев“, второто место ООУ „Ристо Крле“, а третото место ООУ „Браќа Миладиновци“. Во женска конкуренција првото место го освои ООУ „Браќа Миладиновци“, а второто место ООУ „Ристо Крле“.

На турнирот во баскет за учениците од СОСУ „Илинден“, првото место го освои тимот на класот I-2, второто место го освои тимот од трета година, а трето место му припадна на тимот на класот IV-2.

Сите натпревари беа проследени од страна на градоначалникот на Општина Илинден, Александар Георгиевски, кој на најуспешните екипи и поединци им додели пехари и медали. Градоначалникот истакна дека Општина Илинден и понатаму ќе продолжи да вложува во спортот и младите, со цел создавање здрави генерации и поттикнување на спортските активности кај учениците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер