Калас: Во следните пет години потребни ни се јасни резултати во проширувањето на ЕУ - Канал 5

Свет

Калас: Во следните пет години потребни ни се јасни резултати во проширувањето на ЕУ

„Проширувањето е геостратешка инвестиција во сопствен интерес на Европската Унија. “

Калас: Во следните пет години потребни ни се јасни резултати во проширувањето на ЕУ

Каква и да се сегашните тешкотии, наша одговорност е да работиме за подобра иднина, бидејќи проблемите на нашите соседи денес, ќе бидат наши проблеми утре, порача кандидатката за висока претставничка на ЕУ за надворешни работи и безбедносна политика и за потпретседателка на Европската комисија, Каја Калас на денешното сослушување пред членовите на Комитетот за надворешни работи (АФЕТ) на Европскиот парламент.

- За повеќето наши соседи, Европската Унија има силна моќ на привлекување - од Западниот Балкан, до Украина. Како што рече една гласачка додека го напушташе гласачкото место минатиот месец во Молдавија, Европа нуди живот со можности. Проширувањето е геостратешка инвестиција во сопствен интерес на Европската Унија. Тоа ја прави нашата Унија посилна, ги прави новите членки на европското семејство постабилни и побезбедни и на сите ни овозможува просперитет. Во следните пет години, потребни ни се јасни резултати на тоа поле, рече Калас, најавувајќи дека за постигнување на оваа цел ќе соработува со еврокомесарката за проширување Марта Кос.

Калас најави и дека ќе соработува и со еврокомесарката за Медитеранот, Дубравка Шуица во поддршка на партнерите на ЕУ во медитеранскиот регион и во изградба на заемно корисни партнерства и во зајакнувањето на регионалната стабилност и економската интеграција.

- Заедно сме многу посилни и затоа ако ме потврдите на оваа позиција ќе дадам се од себе за да им служам на европските интереси и да ја зајакнам позицијата на Европската Унија во светот, нагласи Калас.

Според неа, тоа нема да биде лесно во услови на предизвиците за Европа, како руската агресија врз Украина и здружувањето на автократските режими кои имаат за цел да го променат меѓународниот поредок заснован на правила и да ја искористат отвореноста на демократските општества за активности против нив.

- Мора да бидеме свесни за оваа закана и соодветно да одговориме на неа, заедно со нашите најблиски сојузници и партнери и без да изгубиме ниту една педа од тоа што сме. ЕУ има толку многу да им понуди на нашите граѓани преку вредностите за кои се залагаме, основните права, можностите и безбедноста што ја обезбедуваме за нас и за нашите партнери, како шампиони на мирот, рече Калас.

Таа посочи дека нејзини два главни приоритети на кои ќе се посвети во нејзината работа ќе бидат руската војна против Украина и конфликтот на Блискиот Исток.

- Победата на Украина е приоритет за нас. Ситуацијата на бојното поле е многу тешка и затоа мора да продолжиме да работиме секој ден онолку колку што е потребно и со онолкава воена, финансиска и хуманитарна помош колку што е потребна, рече Калас, додавајќи дека поддршката за Киев треба да биде поткрепена и со јасен пат за членство на земјата во ЕУ.

Во однос на Блискиот Исток, таа како приоритети ги посочи заложбите за прогласување итен прекин на огнот и безусловно ослободување на сите заложници, повик до сите страни да покажат најголема воздржаност, обезбедување на хуманитарната поддршка и непоколеблива посветеност на мировно решение според моделот за две држави, со поддршка за палестинските власти и признавање на правото на постоење на Израел од страна на целиот свет и земјите во регионот.

Калас се осврна и на проблемот со мигрантите, нагласувајќи дека треба да се гарантира слободното движење во рамките на ЕУ, но и да се зајакне заштитата на нејзините надворешни граници, да се воспостават корисни партнерства во справувањето со илегалната миграција и да се спречи губењето на човечки животи долж мигрантските рути.

- Најдобар можен начин за тоа е да се справуваме со основните причини за миграцијата, потенцира Калас.

Кандидатката за високо претставничка на ЕУ за надворешни работи и безбедносна политика се осврна и на односите со Кина, посочувајќи дека два најважни предизвици во нив се нелојалната конкуренција на кинеските компании и поддршката на Пекинг на руската агресија на Украина, без која, според Калас, Русија нема да може да ја продолжи војна со ист сила. Затоа, како што нагласи, и Кина треба да се соочи со последиците од ваквото нејзино однесување.

Калас говореше и за потребата од зајакнување на соработката на ЕУ со партнерите од Азиско-пацифичкиот регион, како Јапонија, Јужна Кореја, Австралија, Нов Зеланд и земјите од Југоисточна Азија, но и со САД, Индија, Велика Британија и државите од Африка, Јужна Америка и Карибите во одбрана на заедничките вредности, зајакнување на отпорноста и справувањето со климатските промени.

- Стравуваме од отворената војна на нашиот континент, што ни ја впива душата. Но, да го претвориме овој страв во акција. Не можеме да прифатиме Русија, Иран и Северна Кореја да произведуваат повеќе воена опрема и муниција од нашата атлантска заедница во целина. Треба да инвестираме повеќе во одбраната и да преземеме поголема одговорност. Имаме средства за да ги надминеме, порача Калас.

Според неа, во услови на нови видови безбедносни предизвици, потребна е драстична промена на начинот на размислување во сите слоеви на општеството и зајакнување на подготвеноста за одбрана.

- Мирот не е само отсуство на војна, тоа е секојдневна работа за правда, човекови права и подобар живот, поради сето ова сакам да продолжиме да го насочуваме тоа преку нашите партнерства на теренот, истакна Калас, најавувајќи и зајакнување на „зелената дипломатија“ и користење на сите потенцијали за подобра иднина за европските граѓани и на партнери на ЕУ ширум светот.

Инаку, покрај членовите на АФЕТ на сослушувањето присуствуваа и европратеници од комитетите на ЕП за развој, за меѓународна трговија и за правата на жените и родовата еднаквост, како и на поткомитетите за безбедност и одбрана и за човекови права. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Се урна воен хеликоптер во Турција- нема информации за жртви

Воен хеликоптер С-70 се урна и се запали во турскиот град Малатја, објавија локалните медиуми.

Се урна воен хеликоптер во Турција- нема информации за жртви

Според Ројтерс, откако се слушнал силен тресок во близина на контејнерската населба Саманкој, воениот хеликоптер се урнал и се запалил.

На местото на настанот во источна Турција пристигнале пожарникари, медицински служби и екипи за пребарување и спасување, додека полицијата презела безбедносни мерки во поширокото подрачје.

Сè уште нема прецизни информации за бројот на лица во воениот хеликоптер, ниту за нивната здравствена состојба.

Тагови: турција хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Двајца загинати, меѓу кои и напаѓачот во пукотницата во близина на Белата куќа (ВИДЕО)

Едно лице е убиено, а четворица други се повредени во пукотница на повеќе локации во населбата Логан Серкл во Вашингтон, на околу една милја од Белата куќа. 

Двајца загинати, меѓу кои и напаѓачот во пукотницата во близина на Белата куќа (ВИДЕО)

Осомничениот напаѓач, исто така, почина откако се забарикадирал во стан на седмиот кат од зграда над теретаната Вида Фитнес, објави NBC Washington. Смртта на осомничениот беше потврдена за NBC News од два извори на федералните органи за спроведување на законот и еден полициски службеник.

Вршителот на должноста шеф на полицијата Џефри В. Керол претходно на прес-конференција изјави дека стрелецот бил пронајден со прострелна рана во станот каде што се забарикадирал. Според него, стрелецот се чини дека се застрелал во себе.

Полицијата влегла во станот откако слушнала истрел

Полициските преговарачи претходно стапиле во контакт со осомничениот. Откако слушнале истрел од станот, полицајците ја отвориле вратата насилно и влегле, каде што го пронашле ранет.

Полицијата, исто така, потврди нови информации за жртвите од пукотницата. Вкупно пет лица биле застрелани, од кои едно починало на местото на настанот. Останатите четири се однесени во болница. Едно лице е во критична состојба, додека другите тројца имаат повреди кои не се опасни по живот.

Пукањето се случило на раскрсницата на 15-та улица и улицата П во северозападен Вашингтон. Сè уште не е јасно дали жртвите биле застрелани внатре или надвор од зградата. Идентитетот на стрелецот не е објавен.

Сведок: „Слушнавме многу гласни истрели“

Оскар Васкез, менаџер на блискиот центар „Повикај ја мајка ти“, рече дека првпат го слушнал противпожарниот аларм во зградата. Минута до два откако сите го напуштиле местото, ги слушнале истрелите. „Слушнавме многу гласни, силни истрели. Не звучеа како истрели“, рече Васкез.

„Видовме луѓе како трчаат кон нас. Целиот тим се врати внатре и се обиде да извлече што е можно повеќе луѓе од улицата. После тоа, ги заклучивме сите врати. Полицајците ни рекоа да не пуштаме никого внатре и се држевме подалеку од прозорците“, рече тој.

Вида Фитнес се наоѓа на источната страна од 15-та улица, додека „Повикај ја мајка ти“ се наоѓа на северната страна од улицата П, веднаш зад аголот, во истиот блок.

Полицијата ги блокираше околните улици

Полициската управа на Вашингтон претходно издаде итно предупредување до жителите да ја избегнуваат областа околу 15-та улица и улицата П.

Спроведувањето на законот ги блокираше околните улици, а издадена е наредба за засолнување на местото за блокот 1500 на 15-та улица. Полицајци во тактичка опрема и бројни служби за итни случаи пристигнаа на местото на настанот.

Агенти од федералното биро за алкохол, тутун, огнено оружје и експлозиви (ATF) исто така беа вклучени во операцијата, помагајќи ѝ на локалната полиција.

13 училишта во готовност

13 училишта во близина на местото на пукањето беа ставени во готовност, потврди портпаролот на јавните училишта во Вашингтон (DCPS). Ова значеше дека никој не можеше да влезе или да излезе од училишните згради, додека часовите и другите активности во училиштата се одвиваа нормално.

Рајан Дубики, жител на блиската зграда, рече дека околу 8 часот наутро по локално време, слушнал приближно пет гласни тресоци од неговиот стан.

„Беа доста распоредени, па помислив дека станува збор за градежни работи“, рече тој.

Набргу потоа, како што раскажа тој, „полицијата беше насекаде“. Управата на неговата зграда потоа испрати предупредување до станарите за можен активен напаѓач.

Тагови: Белата куќа напаѓачот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Субару со нов пристап кон европскиот пазар: Од 2028. остануваат само електричните автомобили

Субару се збогува со боксер автомобилите во Европа. 

Субару со нов пристап кон европскиот пазар: Од 2028. остануваат само електричните автомобили

Од 2028 година ќе продаваат само електрични автомобили.

Субару ќе ги повлече сите модели со мотори со внатрешно согорување од европската гама до крајот на 2027 година. Брендот, кој со децении се карактеризираше со боксер мотори и погон на сите тркала, треба да им понуди на европските клиенти исклучиво електрични автомобили од 2028 година. Одлуката ја потврди германското претставништво на Субару за списанието Auto Motor und Sport.

Промената ги вклучува и бензинските и хибридните модели, па така Outback, Impreza, Crosstrek и Forester во нивните сегашни верзии постепено ќе исчезнат од понудата. Нивното место ќе го заземат електричните модели развиени во соработка со Тојота.

Прв што ќе си замине е бензинскиот Outback

Повлекувањето започнува со Outback, чија сегашна верзија со 2,5-литарски атмосферски боксер мотор од 169 КС треба да ја напушти европската понуда подоцна оваа година. Во 2027 година, Impreza, Crosstrek и Forester ќе следат со дволитарски e-Boxer хибриден погон со 136 КС.

Ова ќе го остави Subaru во Европа без дизајнот на моторот што стана еден од неговите заштитени знаци. Сепак, ова не е глобално збогување со boxer: брендот продолжува да развива вакви погони за други пазари, меѓу другите во комбинација со целосен хибриден систем.

Европските регулативи ги зголемуваат трошоците

Како причини за промената, Subaru ги наведува европските ограничувања за просечните емисии на CO₂ и барањата за безбедносни системи и системи за помош на возачот. Прилагодувањето кон тие правила ја отежнува хомологацијата и продажбата за помалите марки на автомобили.

За Subaru, кој продава релативно малку автомобили во Европа, инвестирањето во адаптирање на постојните бензински модели станува сè потешко да се оправда. Затоа тие ќе се фокусираат на електричната понуда.

Три електрични модели ја преземаат понудата

Според сегашниот план, европската понуда од 2028 година ќе се состои од Solterra, Uncharted и E-Outback. Сите три модели се технички поврзани со автомобилите на Тојота: Solterra со bZ4X, Uncharted со C-HR+ и E-Outback со bZ4X Touring.

Subaru официјално го најави електричното трио во јули 2025 година, тогаш како проширување на гамата на постојните модели со боксер мотори. Особено го истакна подобрениот погон на сите четири тркала, подолгиот досег и побрзото полнење. Интересно е што името Outback ќе остане во Европа дури и откако бензинскиот модел ќе исчезне.

Тагови: Субару

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер