Калас: Русија да прифати одговорност за соборувањето на авионот на „Малезија Ерлајнс“ во 2014 година - Канал 5

Свет

Калас: Русија да прифати одговорност за соборувањето на авионот на „Малезија Ерлајнс“ во 2014 година

 Европската Унија го повторува својот повик до Русија да ја прифати својата одговорност за соборувањето на авионот на „Малезија Ерлајнс“ при што загинаа 298 невини жртви, вклучувајќи и 80 деца.

Калас: Русија да прифати одговорност за соборувањето на авионот на „Малезија Ерлајнс“ во 2014 година

Европската Унија го повторува својот повик до Русија да ја прифати својата одговорност за соборувањето на авионот на „Малезија Ерлајнс“ при што загинаа 298 невини жртви, вклучувајќи и 80 деца, од 17 националности, од кои повеќето европски граѓани, и целосно да соработува во напорите за спроведување на правдата, порача денеска високата претставничка на ЕУ за надворешни работи и безбедносна политика Каја Калас во изјава по повод 11-годишнината од падот на малезискиот авион на летот MH17 на територијата на Украина на 17 јули 2014 година.

- Изразуваме најдлабоко сочувство до семејствата и најблиските на жртвите. Европската Унија ја повторува својата целосна поддршка за сите напори за утврдување на вистината, правдата и одговорноста, во согласност со Резолуцијата 2166 на Советот за безбедност на ОН, истакна Калас.

Таа додава дека ЕУ ја поздравува пресудата на Европскиот суд за човекови права од 9 јули 2025 година и одлуката на Советот на Меѓународната организација за цивилно воздухопловство (ИЦАО) од 12 мај 2025 година, според кои Русија е одговорна за соборувањето на авионот и за смртта на 298 лица.

- Судот, исто така, утврди дека Руската Федерација е одговорна за дополнителното страдање што овие настани им го нанесоа на најблиските на жртвите. Советот на ИЦАО заклучи дека Руската Федерација ја прекршила забраната според меѓународното право за употреба на оружје против цивилни воздухоплови во лет. Во својата одлука донесена на 30 јуни 2025 година, Советот на ИЦАО им наложи на (подносителите) Австралија и Холандија и на (тужениот) Руската Федерација да започнат преговори со добра волја за целосна отштета за соборувањето на авионот на летот MH17, додава Калас.

Според неа, Пресудата на Европскиот суд и одлуката на Советот на ИЦАО се важни чекори кон вистината, правдата и одговорноста за сите жртви на летот MH17 на релација Амстердам - Куала Лумпур, нивните роднини и најблиски.

Тагови: ЕУ Каја Калас русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Сексипилна водителка покажа како се подготвува за Светското првенство

Светското првенство во фудбал, кое ќе се одржи во САД, Канада и Мексико, наскоро доаѓа, а спортските новинари ширум светот ќе имаат полни раце работа.

Фото: Сексипилна водителка покажа како се подготвува за Светското првенство

Италијанските новинарки доминираат во спортскиот свет, а по Дилета Леота, уште една убавица го привлекува вниманието на јавноста.

Станува збор за новинарка по име Елеонора Инкардона.

Се чини дека италијанската спортска новинарка Елеонора Инкардона решила да ги „наполни батериите“ за претстојното првенство, а за тоа морала да отпатува во Египет.

Таа сега објави фотографии од одморот на Инстаграм, а своите верни обожаватели ги почасти со жешки сцени.

На фотките, секси водителка позира во бикини, а во прв план се нејзините облини во мали бикини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан веќе не се крие: Ја објави првата заедничка фотографија со новото момче

Најпознатата американска старлета, Ким Кардашијан и големиот шампион од Формула 1, Луис Хамилтон, повеќе не кријат дека се во врска.

Ким Кардашијан веќе не се крие: Ја објави првата заедничка фотографија со новото момче

По месеци шпекулации за нивната врска, Ким и Луис ја испратија најјасната порака досега - нивната романса стана јавна.

На почетокот на јуни, Ким објави серија фотографии од својот секојдневен живот на својот Инстаграм профил, а посебно внимание привлече еден момент забележан додека вози велосипед низ улиците на Њујорк.

Видеото и фотографиите го прикажуваат како се обидува да направи заедничко селфи со Луис Хамилтон, по што накратко ја губи рамнотежата, што предизвика смеа кај присутните.

Ова е нивната прва заедничка објава на социјалните мрежи, а доаѓа кратко откако за прв пат беа видени заедно на јавен настан. На почетокот на мај, тие заедно присуствуваа на бродвејската претстава „Страв од 13“, а откако го напуштија театарот, фотографите ги фотографираа држејќи се за раце.

Тагови: Ким Кардашијан Луис Хамилтон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: Нов супер автомобил од Ауди: 987 КС и брзина од над 350 км/ч

Германскиот производител на автомобили Ауди го претстави новиот супер автомобил Нуволари, модел кој не го враќа името R8, туку ја презема улогата на врвен спортски автомобил во понудата на германскиот производител.

Видео: Нов супер автомобил од Ауди: 987 КС и брзина од над 350 км/ч

Именуван е по легендарниот италијански возач Тачо Нуволари, кој победи за Ауто Јунион, претходникот на денешниот Ауди, кон крајот на 1930-тите.

Нуволари користи плуг-ин хибриден погон базиран на 4,0-литарски двоен турбо V8 мотор, заедно со три електрични мотори, за вкупна системска моќност од 987 КС.

Ауди вели дека моторот може да се сврти до 10.000 вртежи во минута, додека автомобилот забрзува од 0 до 100 км/ч за 2,6 секунди и достигнува максимална брзина од повеќе од 350 км/ч.

Ауди ќе произведе само 499 единици од овој модел, а премиерните испораки се закажани за првата половина на 2027 година. Nuvolari со тоа станува најмоќниот и најбрзиот сериски Audi досега, надминувајќи го дури и електричниот RS e-tron GT Performance.

Ова не е прв пат Audi да го користи името Nuvolari. Уште во 2003 година беше претставен концептот Nuvolari quattro со V10 мотор, кој го најави дизајнерскиот правец на подоцнежните модели како што е првата генерација Audi A5.

Новиот Nuvolari сега се враќа на името во сосема поинакво издание, како ограничен хибриден супер автомобил што го означува почетокот на нова спортска ера за брендот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер