Регион

Какви заклучоци донесоа лидерите на Самитот во Познан?

Лидерите кои учествуваа на Самитот ЕУ-Западен Балкан во рамките на Берлинскиот процес во Познан едногласно ја потврдија европската перспектива на регионот, според документот на полската влада од заклучоците на Самитот во Познан.

Предлогот на неколку држави е поддржан за да се организира парламентарен дијалог меѓу земјите од Западен Балкан, се наведува во извештајот "Европа- Западен Балкан".

"Учесниците ја поддржаа идејата за меѓупарламентарен состанок пред следниот самит, а парламентите треба да ги дефинираат условите и содржината на нивните состаноци", се вели во документот.

Нагласена е поддршката за приоритетите на Западен Балкан (Агенда за поврзување), регионалната економска зона, како и зајакнувањето на владеењето на правото и основните права во регионот.

Заклучоците се однесуваат на пет поединечни области - економија, поврзаност, безбедност, добрососедски односи, помирување и решавање на билатералните проблеми.

Како задача од највисок приоритет во решавањето на билатералните проблеми, се истакнуваат случаите на исчезнати лица и воени злосторства.

Документот исто така се однесува и на иднината на Берлинскиот процес, како и на следниот самит во 2020 година, кога домаќините ќе бидат Бугарија и Северна Македонија.

Самитот се одржа во Познан бидејќи со Берлинскиот процес во моментов претседава Полска, која како приоритети на претседателството ги наведе економската, културната и безбедносната соработка, соработката во граѓанското општество и на младите луѓе, развој на енергетиката и транспортната инфраструктура.

Во рамките на берлинскиот процес досега се одржаа пет самити: во Берлин (2014), Виена (2015), Париз (2016), Трст (2017) и Лондон (2018).

Свет

Две девојчиња се повредени во напад со нож пред училиште во Франција, напаѓачот е уапсен

Две девојчиња се полесно повредени во напад со нож кај Суфелвајсхајм, соопшти денеска француската полиција.

Според извештаите, повредените девојчиња се на возраст од шест и 11 години, јавува француската ТВ БФМ.

Полицијата соопшти дека осомничениот напаѓач е уапсен.

Шоу биз

Мартин Скорсезе и Леонардо ди Каприо ќе прават филм за Френк Синатра

Познатиот режисер Мартин Скорсезе наводно е подготвен да работи на биографскиот филм за Френк Синатра заедно со неговиот долгогодишен соработник Леонардо ди Каприо.

Variety објави дека режисерот сака да го сними проектот како адаптацијата на книгата Животот на Исус на Шусаку Ендо од 1973 година. Се вели дека Скорсезе бара од Ди Каприо да го игра Синатра, а Џенифер Лоренс да ја игра втората сопруга на Френк, актерката Ава Гарднер.

Филмот веќе го привлече интересот на големите студија. Apple, кој го финансираше буџетот од 215 милиони долари за „Killers Of The Flower Moon“ на Скорсезе, изрази интерес, но се вели дека Sony го води проектот.

Сепак, ниту еден иден проект сè уште не добил зелено светло од ќерката на Синатра, Тина, која го контролира имотот на нејзиниот татко, особено затоа што во него ќе биде прикажана жена со која Синатра имал афера додека тој бил во брак со нејзината мајка, Ненси Барбато, пренесува NME.

Македонија

До почетокот на следната седмица ќе се задржи променливото време

По нетипично високите температури за овој период од годината, промена на атмосферскиот притисок и серија на влажни бранови драстично ќе ги намалат температурите низ земјава, информираат од УХМР.

Уште од утринава снежна покривка може да се забележи на повисоките планински места. Според прогнозата, ниските температури и променливото облачно време со дожд на пониските и снег на повисоките места ќе се задржи до наредната седмица.

- До почетокот на следната седница ќе се задржи вакво време променливо облачно, со пониски температури, а потоа температурите ќе бидат во постепен пораст. Утре и за време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни. Во недела ќе има услови и за појава на изолирана нестабилност со грмежи. Поради спуштање на постудена воздушна маса, на планините врнежите повремено ќе минуваат во снег.-УХМР.

Иако хронично болните се најзасегнати при нагли промени на времето, тие можат негативно да влијаат и врз здравата популација велат лекарите. Д-р. Маргарета Трипуновска апелира особено внимателни да бидат лицата кои земаат терапија за регулирање на крвниот притисок, чии нагли варијации се причина за срцев и мозочен удар, за кои Брзата помош има најчести интервенции во вакви временски услови.

-Наглиот пад на температурите влијае на крвниот притисок бидејки имаме промена на атмосверскикот притисок, а тоа влијае на крвниот притисок. Затоа редовно треба да се мери притисокот овие денови, да се зема редовно терапијата. Но и здравата популација ги осеќа овие промени на температура најчесто имаме појава на главоболки, вртоглавици, нагони за повраќање, гадење треба едноставно да практикуваме здрав начин на живот, да имаме повеќе одмор, повеќе суплементи да земаме.- – Д-р. Маргарета Трипуновска – поликлиника Букурешт.