Македонија

Какви економски последици има протестот на превозниците врз економиите од регионот?

Во милиони евра се бројат штетите по економиите само на земјите од Западен Балкан поради протестот на транспортерите.

Иако бизнисот нема прецизни пресметки колкави се тие на дневна основа, сепак стопанствениците и во земјава, но и регионот велат дека се од големи размери..

Последиците од блокадите, според најголемата стопанска комора во земјава ги трпат сите. Од СКМ за Канал 5 велат ова нема да влијае директно на инфлацијата, но запирањето на синџирот на снабдување кое според бизнисот го немаше ниту во време на ковид кризата ќе има доглорочни последици.

„Запирање на трговсдките текови на границите значи и не можност за увоз на нека е и најобична трговска стока што значи многу кратни многу сежни се последиците и во моментов е многу тешко да се квантифицира конкретна бројка меѓутоа последиците се сериозни... Вакво запирање немаше ни во ковид кризата според нас не би требало да се дозволи вакво запирање на трговските теокови.“ - Татјана Штерјова - Стопанска комора.

И додека македонските стопаснки комори ги прават пресметките – од српската стопанска комора велат директната штета од блокадие на границите е 100 милиони евра дневно на ниво на земјите од Западен Балкан. Првиот човек на комората, Марко Чадеж, вели немањето слух од самата Европска Унија ја загрози и нивната економија, и ги повика како унија да реагираат.

„100 милиони евра е штетата за економиите од регионот на Западен Балкан секој ден. 55 милиони евра е штатата само од неможноста за извоз од Србија. Овде зборуваме само за директна штета од стоката, а на тоа треба да се додаде и фактот дека секоја компанија која извезува доколку не ја испорача стоката навреме плаќа одредени пенали. Од една компанија тие се движат помеѓу 10 и 50 илјади евра, и тоа во еден ден. Имајте во предвид 10 000 компании извезуваат само од Србија, па можеме да израчуванаме за колкави штети говориме.“ - Марко Чедаж – Стопанска комора на Србија .

Финансиски проблеми трпат и земјите од Шенген зоната кон кои се насочени блокадите. Министерот за транспорт на Бугарија Гроздан Караџов, рече дека како земја члека на ЕУ она што може да го направат е да ја повикаат Унијата час поскоро да седне и да разговара со Македонија и Србија за да се даде шанса на дијалогот.

„Затоа е правилно да се седне и да се разговара со европските институции за да се бара заемно корисен компромис. Нема потреба самите земји, Србија и Македонија, нивните економии да страдаат толку колку и нашите економии и на тој начин да се казнуваме едни со други.„ - Гроздан Караџов – министер за транспорт на Бугарија во оставка.

Предупредувачкиот протест на камионџиите според најавите ќе трае до 2 февруари, но дали дотогаш ќе има некакво решение засега е неизвесно. Од ЕК вчера кажаа дека ја следат ситуацијата, но без дадат ветувања дека нешто би променило.

Тагови: камионџии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По „Безбеден град“ намален вкупниот број загинати на македонските патишта

За 35 лица е намален бројот на загинати во сообраќајни несреќи во првите осум месеци годинава, споредено со истиот период лани.

Од 96 жртви во 2025, бројот годинава е намален на 61. Бројките ги сподели министерот за внатрешни работи Панче Тошковски при денешниот старт на „Безбеден град“ во Велес. Тој посочи дека намалувањето на бројот на жртви е резултат на повеќе фактори, меѓу кои и зголемената контрола и санкционирањето на сообраќајните прекршоци.

Со пуштањето во функција во Велес, системот го опфаќа целото подрачје на СВР Велес – Велес, Кавадарци, Неготино и Демир Капија. Само за ден и пол системот во Велес веќе регистрирал 151 сообраќаен прекршок. Од нив, 124 се регистрирани во саботата, а уште 27 денеска до пладне. Најголем дел се за прекумерна брзина, додека три до четири прекршоци се за минување на црвено светло.

-Вчера (сабота) регистрирани се 124 казни, а денес до пладне 27 казни, односно за ден и пол вкупно 151. Ова е многу помалку во споредба со бројките што ги имавме во некои претходни периоди. Велес доби и команден центар за овој систем, сместен во поранешните простории на Министерството за одбрана, кои се целосно реконструирани. Тој го покрива подрачјето на СВР Велес, односно градовите Велес, Кавадарци, Неготино и Демир Капија. Најголем дел од овие 151 казна се за брзо возење, а само три-четири се за минување на црвено светло на семафор. – Панче Тошковски – Министер за внатрешни работи

Но, црниот биланс на патиштата и натаму е присутен. Само во изминатите два дена во две тешки сообраќајки загинаа три лица – двајца кај Илинден, меѓу кои татко и неговиот 17-годишен син, и 21-годишен млад фудбалер во несреќата на патот Гостивар–Стража. Во двете несреќи има и повеќе повредени. Во сообраќајката кај Илинден повредени беа две лица, едното повредено 17 годишно момче е во кома, а 17 годишната девојка е тргната од респиратор, велат од Ургентен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Ќе се намалува ДДВ-то за дизел горивата

На владина седница денеска ќе се донесе мерка за намалување на ДДВ за дизел горивото од 18 на 10 проценти – информира премиерот Христијан Мицкоски.

Во продолжение погледнете ја целосната изјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Со настaпи на Хозе Карерас и Дејвид Гета, над 200 илјади граѓани ја прославија 35-годишнината од независноста

Над 200 илјади граѓани присуствувле на настаните кои во текот на еден месец се одржуваа на повеќе локации по повод 35 години од независноста на Македонија, посочи премиерот Мицкоси.

Тој оцени дека државата достоинствено ја одбележала независноста и дека прославата била од светски калибар. Најави дека вакви настани ќе се организираат секоја година и дека Владата ќе поддржува ваков тип културни и спортски манифестации. На обвинувањата од СДСМ за сумата одвоена за концертот на Дејвид Гета, Мицкоски одговори дека се од општествено одговорни компании и дека резервите на Државната лотарија сега се насочувле назад кон граѓаните, а не во приватни џебови како што тоа било случај во минатото.

„Ја следам оваа естрада што ја прави опозицијата. Мислам дека се единствени коишто во овој период не се задоволни затоа што прославата на 35-годишнината, којашто траеше повеќе од еден месец, помина навистина прекрасно. Имаше мнигу среќни и многу задоволни граѓани. Оние кои очајуваа на времето парите ги трошеа во приватни џебови кај Перпарим и останатите, а ова влада сето она кое што е дел од резервите на Државна котарија го враќа назад кај граѓаните, кај културата и кај уметниците. Има разлика не сме исти, владата на СДСМ и ДУИ добивката од Лотарија најчесто преку сомнителни тендери и јавни набавки ги враќаше во приватни џебови на неколкумина виоски функионери, за кои има судски просеси“– Христијан Мицкоски, претседател на Владата

Од опозиоциската СДСМ пак бараат јавно да се објаваат договорите И исплатите на добавувачите и на секој изведувач поединечно кој настапил за време на одбележувањето на независноста. Во спротивно бараат да се отвори истрага кој ќе утврди каде завршил секој денар.

„Владата мора да ги објави договорите, анексите, фактурите, банкарските исплати, примателите, изведувачите, добавувачите и пресметаните даночни обврски. Сомнежите за дилови се оправдани, поради начинот, одлуката, криењето информации и отворањето на јавниот повик, кој траел само пет работни дена и на кој пристигнала само една понуда. Значи условите биле однапред приспособени за конкретен организатор бил договорен. Колку точно чинел настапот на Дејвид Гета – неговиот хонорар, продукцискиот пакет, сцената, техниката, транспортот и меѓународниот тим. И кога бил договорен и исплатен“- Маја Борозан, портпаролка на СДСМ

35 годишнината од незавиноста се одбележуваше повеќе од еден месец ширум земјава. Прославата стартуваше на 9-ти август од стадионот Билјанини извори во Охрид, а карванот насловен „Силно светнал ден“ помина низ 11 градови. На 1-ви септември на градскиот плоштад во Скопје настапи и светската оперска ѕвезда Хозе Карерас.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.