Какви ефекти може да предизвика евентуалното оспорување на протоколот со Бугарија од страна Уставен? - Канал 5

Македонија

Какви ефекти може да предизвика евентуалното оспорување на протоколот со Бугарија од страна Уставен?

-Апсолутно ние никогаш нема да се повлечеме од преговорите со Европската Унија. Апсолутно.

Какви ефекти може да предизвика евентуалното оспорување на протоколот со Бугарија од страна Уставен?

Владата нема да се повлече од преговорите со ЕУ, уверува премиерот Христијан Мицкоски одговарајќи на прашањето дали може да се очекува ваков потег откако Уставен отвори предмет за оспорениот Протоколот од вториот состанок на Заедничката меѓувладина комисија со Бугарија. Тој ќеја почека одлуката на уставните судии но тврди дека целта на владата останува членство во ЕУ.

-Апсолутно ние никогаш нема да се повлечеме од преговорите со Европската Унија. Апсолутно. Тоа не е цел на оваа влада. Напротив, цел на оваа влада е да бидеме дел од ЕУ. Околу поднесокот на поранешната пратеничка Поповска, претпоставувам таа треба да ви даде одговор. Така што, еве, да почекаме Уставниот суд да донесе конечна одлука поврзана со таа иницијатива,- изјави – Христијан Мицкоски – Претседател на Влада.

Министерот за надворешни Тимчо Муцкински пак не очекува одлуката на Уставен и во случај да го прогласи протоколот за неуставен, да има влијание на односите со Брисел и Софија. Самиот Протокол вели не формално правен дел од Преговарачката рамка, а Бугарија повторно ја повика на дијалог.

-По однос на нашите релации со ЕУ, не мислам дека самата одлука на Уставниот суд, каква и да биде ќе влијае по однос на тоа што го работиме последниот период. Нашата Влада покажува дека е посветена на евроинтеграциите, и по она што се прави на надворешен план, и и во однос на тоа што се прави дома. Не мислам дека самата постапка би требало да има било какво влијание на нашите билатерални односи коишто во моментот, реални треба да бидеме, не ги живеат можеби своите најдобри денови. Како досега и натаму ќе продолжам да повикувам на дијалог, ќе продолжам да повикувам да разговараме за големиот број проекти коишто можат да не обединат,- изјави – Тимчо Муцунски – Министер за надворешни работи и надворешна трговија.

Предметот во Уставниот суд е оформен по иницијатива на поранешната пратеничка од ДОМ Лилјана Поповска. Според неа со оспорениот Протокол е прекршен Уставот и тврди дека има несоодветна форма и содржина, дека излегува надвор од рамките на правен акт и и произведува штетни дејствија врз идентитетските прашања за македонскиот народ, јазик и држава.

Судот соопшти дека во тек е претходна постапка во која се испитуваат податоците и известувањата потребни за донесување на одлука. Уставните судии сега користат летни одмори, редовно судот почнува со работа од септември но неизвесно е кога оваа иницијатива би се нашла на дневен ред.

YouTube video

Тагови: Тимчо Муцунски Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер