Арнолд Шварценегер денеска полни 68 години.

Арнолд Шварценегер денеска слави роденден. Иако мислиме дека се знаеме за него – тој е Конан Варваринот и Терминатор, тој е полицаецот од градинката и најсилниот гувернер кој некогаш чекорел на планетата, сепак постојат неколку работи кои се уште ни се непознати.

Неговото семејство се срамело од него, бидејќи сонувал за “забранети работи“.

„Мојот татко беше полицаец кој сакаше да одам во војска, да се оженам со Хајди и да живеам среќно до крајот на животот. Децата во тоа време ги слушаа родителите, одеа по нивните стапки, а јас знам дека само сакав да побегнам од тоа место“ – изјави Арнолд.

„Се сеќавам дека еден ден видов еден магазин на кој на насловната страна беше Реџ Парк. На неа пишуваше: „Како мистер универзум стана Херкул“ и тогаш сфатив – тоа е тоа. Ова е мојата иднина. Во тоа време немаше бодибилдинг во Австрија. Пријателите ме исмеваа кога им кажав со што сакам да се занимавам и ми зборуваа дека сум будала и оти не треба да размислувам за такви глупости. Татко ми беше против идејата да станам бодибилдер и во една прилика ми рече дека го срамотам“ – се присетува популарниот Шварци.

„Беше 1965 година, имав 18 години и мојот татко ми договори средба со неговите пријатели од војската. Имаа план за мене – да станам тенкист. Отидов во војска. Никогаш не престанав да размислувам за тоа што сакам да бидам и постојано размислував како да тренирам сега кога сум во војска? Си реков самиот на себе дека ќе направам се за да станам најмускулестиот маж на светот – тренирав секој ден, трчав под полна опрема, чистев пушки, а потоа, кога останатите војници ќе паднеа од умор, јас тренирав уште три часа!

Наутро ќе станев пред сите и продолжував да тренирам. Правев стомачни и склекови. Во војска немаше тегови па морав да импровизирам.

Еден ден слушнав дека во Штутгарт ќе биде одржано натпреварување во бодибилдинг. Размислував да одам таму, но би морал да побегнам од касарната, а казната беше престрога – заминување во бункер, потполна изолација од неколку дена до неколку недели.

Секоја ноќ размислував за тао, дали да ризикувам се поради тоа натпреварување и после неколку непреспани ноќи се запрашав: „Арнолд што ти е на тебе? Никој не го сака тоа што ти го сонуваш – бодибилдинг, филмска кариера“.

Тогаш се сетив – на Рич Бак тоа му успеа. Решив да се фокусирам, да ја замислам својата цел и да тргнам кон неа.

Тоа и го направи – побегна од касарната и со воз отпатува за Штутгарт. На натпреварувањето не донесе никаква опрема, па мораше да позајми гаќи од еден друг натпреварувач кој го завршил претставувањето.

„Се сеќавам дека тие гаќи ми изгледаа како најмалите гаќи на планетата. Излегов, бев несигурен а тие постојано ме враќаа назад. Влегов во првите три, а публиката се посилно аплаудираше, а тогаш дојде време да се прогласи победникот....го слушнав моето име“ – се присетува Арнолд.

Арнолд победи и што е многу поважно сфати дека не “сонува глупав сон“.

По враќањето во касарната го фатиле при обидот тајно да влезе. Неколку дена поминал во бункер, а потоа претпоставените го повикале на рапорт.

„Се дереа на мене, викаа, јас се извинував, а потоа еден од нив ме праша „Вистина ли е дека си победил? Реков да, но малку ги излажав, им реков дека тоа е поради војската, тренингот и начинот на живот. Беа горди, но ми рекоа дека мораат да ме казнат. Ме ставија во кујната да чистам компири, но таму почнав да јадам се повеќе месо. Таа година “нафрлив“ 12 килограми мускули, а војската стана мојот тим. Претпоставените се решија да ми помогнат за да можам да тренирам, ми направија тегови и заедно направивме “подвижна теретана“ па така кога ќе идевме негде на терен, можев да ставам неколку работи во тенкот и да продолжам со вежбањето.

Актерот потоа посакал да започне со актерството, но луѓето околу него, повторно му говореле дека “зборува глупости“.

„Ми рекоа дека нема да успеам – акцентот ми е силен, преголем сум, седумдесеттите се, сите ги сакаат Дастин Хофман и Ал Пачино, погледни колку се ситни, никој нема да може да го изговори моето име....истото ми го рекоа и кога се кандидирав за гувернер.....И? Секој пат кога нешто ми зборуваа дека не можам, јас секогаш успевав!“ – изјавува Арнолд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.