Како татковците да го преживеат и поднесат првото момче на својата ќерка? - Канал 5

Забава

Како татковците да го преживеат и поднесат првото момче на својата ќерка?

Знаевте дека нема да биде лесно, но не се надевавте дека ова ќе ги разбуди вашите најлоши кошмари.

Како татковците да го преживеат и поднесат првото момче на својата ќерка?

Oдносот помеѓу таткото и ќерката е посебен и влијае врз градењето на самодовербата кај ќерката, но и на нејзиниот избор на партнери. Поврзаноста на ќерките со татковците е трајна, ќерките ретко ги напуштаат татковците, дури и тогаш кога се свесни дека тој не е добра личност. Додека мајките се грижат за храната, облеката и други секојдневни нешта, и нивното присуство се подразбира, татковците водат сметка за „покрупни“ работи, пред сè за парите. Тие често се идеализирана фигура која се појавува по завршените обврски и кога е време за игра и љубов. Повеќето татковци ги третираат своите миленички како принцези, нивните желби лесно ги исполнуваат, но нивните солзи тешко се поднесуваат.

Па сега замислете што се случува кога во таа идилична бајка, каде таткото витешки ја брани својата принцеза, од нигде никаде се појавува некој кој станува нов центар во светот за неговата мала принцеза.

На сите им е јасно, па дури и на татковците, дека постојат многу пресвртници во животот на секоја млада жена, а првото момче, секако, е една од многуте. Еве како татковците да се справат со овој важен предизвик.

Од витално значење е во оваа ситуација да покажете разбирање, да бидете смирени и да не дозволите вашиот заштитнички стремеж да прерасне во бес и издавање наредби. Тоа е многу тешко, но ова е линијата по која треба внимателно да газите!

Постојат два правци на овој пат: или вашата ќерка лично ќе ве запознае со своето прво момче, или ќе дознаете случајно и по грешка. Очигледно, подобро е таа лично да ве запознае со него, но вашата прва помисла во тој случај би можела да биде дека запознавањето по нејзина иницијатива може да значи дека врската е сериозна. Не паничете! Во секој случај, мора мирно да се справите со ситуацијата.

Ова зависи и од тоа колку години има вашата ќерка, но претпоставуваме дека е на возраст каде што е прифатливо да се има момче. Останете смирени и однесувајте се опуштено. Ако се среќавате со него за прв пат, бидете љубезни. Не мора да го третирате како свој одамна изгубен син, но треба да бидете пријателски расположени, со мала доза на авторитет кој е апсолутно дозволен за татковците, а дечкото е свесен за тоа. Ако сте љубезни и опуштени, па дури и се смеете во одреден момент од разговорот, не грижете се, тоа не значи дека сте „меки“ и дека повторно сте ѝ попуштиле. Ова ќе ѝ покаже на вашата ќерка дека ја почитувате нејзината личност и нејзиниот избор.

Еве неколку совети и насоки на порталот GoogMenProject за полесно да ја „преживеете“ оваа ситуација.

Не ѝ држете предавања!

Сте ѝ одржале многу предавања на разни теми, а таа веќе разговарала за тоа со мајка и, па не е добро при разговорот со вашата ќерка да инсистирате на тоа дека е премлада/премногу неодговорна/или дека не треба да има момче. Ова едноставно ќе ве оддалечи, ќе ве оттурне и ќе предизвика раздор во вашиот однос, а тоа на крајот повеќе ќе ве боли вас, отколку неа. Наместо тоа, треба да ѝ кажете дека очигледно не сте воодушевени поради тоа, но дека ја почитувате нејзината одлука и знаете дека таа е доволно одговорна за да биде внимателна.

Направете мало истражување

Никогаш не е на одмет да го проверите новиот убавец или да се распрашате за него. Секако, во дозволените граници! Денес може да се дознаат работи за луѓето од социјалните мрежи, па обидете да најдете некои информации за момчето таму. Ако се работи за некој од вашето соседство, тогаш ќе ви биде лесно да прашате за него соседи, познаници итн.

Охрабрете ја да биде отворена за својата врска

Доколку од почетокот покажете дека сте бескомпромисно против оваа врска, само ќе поттикнете тајност, криење и прикрадување, но и лажење. Кога тоа ќе се случи, никогаш не завршува добро, само непотребно се комплицира. Поради оваа причина, поттикнете ја вашата ќерка отворено да разговара за своето момче пред семејството. Поставувајте прашања, дури и ако ве боли, и бидете заинтересирани да дознаете повеќе за него.

Да се ​​биде татко на ќерка која штотуку го нашла своето прво момче не е лесно. Сепак, она што треба да го разберете и прифатите е дека вашата ќерка расте и таа заслужува малку повеќе доверба отколку што ѝ покажувате во тој момент. Затоа што потсвесно знаете дека нејзината среќа ви е најважна, па ќе ја преживеете оваа ситуација бидејќи очигледно неа ја прави среќна. Откако ќе го прифатите тоа, заедно со сите други неминовности што ги носи созревањето на вашата миленичка, ќе се ослободите од стравовите.

Или можеби овие стравови ќе се трансформираат во нешто друго, но јасно ви е дека додека сте присутен како родител, присутни се и грижите и стравовите, но ако се справите со нив на вистински начин, нема да ве оптоваруваат и во голема мера го деформираат односот со ќерката или децата. Тоа само ќе придонесе за подобра комуникација со нив и поголема меѓусебна почит.

Извор: ona.telegraf.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Трет пат за неколку дена авион Ф-16 соборува дронови, што навлегле во воздушниот простор на Романија

Романски борбен авион Ф-16 собори дрон кој влегол во воздушниот простор на земјата без дозвола, соопшти денес Министерството за одбрана во Букурешт, што е трет ваков инцидент за два дена, објави Ројтерс.

Трет пат за неколку дена авион Ф-16 соборува дронови, што навлегле во воздушниот простор на Романија

„Дронот беше безбедно соборен, на 12 километри од градот Сулина, во националниот воздушен простор, над територијалните води“, се вели во соопштението на министерството.

Властите вчера исто така соопштија дека е соборен еден дрон кој го нарушил воздушниот простор на Романија над ретко населена област во близина на границата со Украина.

Сличен инцидент се случи на 24 јули, кога дрон влезе во романскиот воздушен простор без дозвола над ненаселена област во округот Бузау.

Тагови: дрон Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Пирло нема да застане на чело на италијанската репрезентација- имал спорен договор со Русија

Андреа Пирло (47) се согласи да ја преземе италијанската репрезентација, но официјалната потврда сè уште не е пристигната. 

Пирло нема да застане на чело на италијанската репрезентација- имал спорен договор со Русија

Помеѓу поранешниот одличен играч од средниот ред и изборната клупа беше неговата соработка со Фонбет, голема руска компанија за обложување, што го претвори случајот во политичка и репутациска контроверзност.

Според информациите од италијанските медиуми, Пирло се договорил со Италијанската фудбалска асоцијација за четиригодишен договор вреден околу 1,5 милиони евра по сезона, со бонуси. Тој беше избран откако Пеп Гвардиола ја одби понудата, а проектот треба да трае најмалку до Светското првенство во 2030 година. Ројтерс објави дека ФИГЦ сè уште официјално не го потврдила договорот.

Пирло е амбасадор на рускиот бренд за обложување

Пред да потпише, Пирло мора да биде ослободен од договорот со Јунајтед ФК, клуб од Дубаи кој се натпреварува во втората лига на фудбалот на Обединетите Арапски Емирати. Сепак, во последните денови, неговата соработка со Фонбет, чиј глобален амбасадор е, стана многу поголем проблем.

Претседателот и сопственик на Јунајтед ФК, Сергеј Ломакин, има значајни деловни интереси во Фонбет, а со ангажирањето на Пирло, клубот го искористи неговото глобално признание за промоција на обложувалницата. На крајот на мај, Пирло учествуваше на фудбалскиот настан на Фонбет во Москва, што предизвика критики поради руската инвазија на Украина.

Самата соработка не беше нелегална. Како независен професионалец, на Пирло му беше дозволено да склучи комерцијален договор со Фонбет, а секторот за обложување не е опфатен со санкциите на Европската Унија. Сепак, должноста на италијанскиот тренер е некомпатибилна со активен договор за рекламирање со обложувалницата, па затоа тој ќе мора да ја прекине таа соработка пред да потпише со ФИГЦ.

Италијанските политичари бараат прекин на соработката

Случајот предизвика реакции од италијанските политичари. Лидерот на партијата Азионе, Карло Календа, рече дека луѓето кои учествувале во руската пропаганда по 2022 година не треба да бидат на национални функции.

На критиките се придружи и потпретседателката на Европскиот парламент, Пина Пичиерно, која смета дека Пирло, со својот углед, учествувал во нормализацијата на режимот на Владимир Путин. Бенедето Дела Ведова од партијата +Европа побара да се раскине договорот со Фонбет, додека Мауро Беруто од Демократската партија нагласи дека самата поврзаност на идниот селектор со индустријата за обложување е проблематична.

Поради притисокот од јавноста, се појавија информации дека претседателот на ФИГЦ, Џовани Малаго, го преиспитува назначувањето. „Кориере дела Сера“ пишува дека Пирло ги сметал критиките на политичарите за лицемерни и инструментализирани, но исто така дека е свесен дека неговиот договор сега е во опасност. „Ла Република“ исто така наведува дека соработката со руска компанија би можела да го попречи назначувањето.

Адвокатите се убедени дека назначувањето не е во опасност

Адвокатите на Пирло тврдат дека нема законска пречка. Според „Газета дело Спорт“, договорот со Фонбет содржи клаузула што дозволува раскинување во секое време и без исплата на надомест. Неговите правни застапници исто така работат на раскинување на неговиот договор со Јунајтед ФК и се уверени дека потоа ќе може да потпише за Италијанската фудбалска федерација.

Сепак, конечната одлука сè уште не е објавена. „Газета“ наведува дека контроверзноста веројатно нема да ги промени плановите на ФИГЦ, но дека ако договорот не успее, имињата на Антонио Конте и Роберто Манчини ќе бидат повторно отворени.

Пирло играше 116 пати за Италија и беше еден од клучните играчи во тимот што го освои Светското првенство во 2006 година. Како тренер, тој го водеше Јувентус, со кого го освои Купот на Италија и Суперкупот, а работеше и во „Фатих Карагумрук“, „Сампдорија“ и „Јунајтед ФК“.

Тагови: Андреа Пирло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Најмалку петмина загинати во страшна сообраќајка во Анталија, трудница меѓу повредените (ВИДЕО)

Во страшна сообраќајна несреќа што се случи во населбата Манавгат во Анталија, Турција, пет лица го загубија животот кога нивниот автомобил падна во клисура. 

Најмалку петмина загинати во страшна сообраќајка во Анталија, трудница меѓу повредените (ВИДЕО)

Двајца повредени се однесени во болница, од кои едната е наводно бремена жена , објави Хабер.

Голема трагедија се случи кога автомобил изгуби контрола и падна во клисура во населбата Манавгат во Анталија. Според првичните информации, пет од седумте лица во возилото го загубија животот, додека две се тешко повредени.

Несреќата се случила на патот Ташагил - Деребучак, во близина на населбата Бејдигин. Автомобилот, кој ја изгубил контролата од возачот, паднал во клисура покрај патот.

5 лица го загубија животот

Откако граѓаните што ја виделе несреќата ја пријавиле во центарот за итни повици 112, на местото на настанот биле испратени медицински екипи, пожарникари, членови на AFAD и жандармеријата. Екипите што се спуштиле во бездната и веднаш стигнале до возилото утврдиле дека пет лица во автомобилот го загубиле животот.

Двете лица што биле повредени во несреќата биле префрлени во болница со брза помош откако добиле прва помош на лице место.

Гувернерот на Анталија, Хулуси Шахин, во својата изјава во врска со несреќата изјави дека во возилото имало вкупно седум лица, од кои пет починале.

Гувернерот Шахин изјави дека една од повредените лица префрлени во болница била бремена и истакна дека екипите продолжуваат со истрагата и спасувачката работа на местото на настанот.

Тагови: Анталија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер