Како се распределува богатството во Европа: Нееднаквоста е највисока во Шведска, најниска во Словачка - Канал 5

Живот

Како се распределува богатството во Европа: Нееднаквоста е највисока во Шведска, најниска во Словачка

Податоците од ЕЦБ и УБС откриваат драматични разлики во распределбата на богатството низ цела Европа.

Како се распределува богатството во Европа: Нееднаквоста е највисока во Шведска, најниска во Словачка

Најбогатите 10% во Германија и Италија поседуваат повеќе од 60% од вкупното богатство, додека Шведска е на врвот по нееднаквост со џиниев коефициент од 0,75.

Распределбата на богатството е еден од клучните индикатори за еднаквост во општеството. Иако е нееднаква во повеќето земји, важно е нивото на нееднаквост.

Според податоците од Европската централна банка (ЕЦБ), во првиот квартал од 2025 година, најбогатите 10% од домаќинствата во еврозоната поседувале дури 57,4% од вкупното нето богатство, додека горните 5% поседувале 44,5%. Спротивно на тоа, долните 50% од домаќинствата имале само околу 5% од богатството. Овие бројки јасно ги покажуваат огромните разлики во распределбата на богатството низ цела Европа, пишува Euronews.

Кои земји водат во однос на нееднаквоста на богатството, а кои имаат најрамномерна распределба?

Нееднаквост во богатството во Европа

Извештајот за глобалното богатство на УБС за 2025 година го прикажув џиниевиот индекс за распределба на богатството за европските земји од 2024 година. Џиниевиот коефициент ја мери нееднаквоста на скала од 0 до 1 - колку е поголема вредноста, толку е поголема нееднаквоста.

Според извештајот, Шведска има највисока нееднаквост во богатството со резултат од 0,75, додека Словачка има најнизок - 0,38.

Покрај Шведска, високи нивоа на нееднаквост се забележани и во Турција (0,73), Кипар (0,72), Чешка (0,72) и Латвија (0,7), сите над 0,7.

На другиот крај од скалата, Белгија (0,47) и Малта (0,48) ја следат Словачка со коефициенти под 0,5.

Меѓу петте најголеми европски економии, Германија е на врвот на листата со џиниев резултат од од 0,68, додека најниско ниво на нееднаквост е во Шпанија (0,56). Италија (0,57), Велика Британија (0,58) и Франција (0,59) се помеѓу.

Зошто Шведска е прва во светот во однос на нееднаквоста во богатството?

Иако Шведска често се опишува како модел на социјална еднаквост, нејзината распределба на богатството е меѓу најнееднаквите во Европа.

Д-р Лиза Пелинг, директорка на шведскиот тинк-тенк „Арена Иде“, вели дека главните причини се укинувањето на бројните даноци на богатство во текот на изминатите децении. Шведска нема даноци на наследство, подарок или имот.

Покрај тоа, многу ниските корпоративни даноци им овозможуваат на богатите дополнително да го зголемат своето богатство.

Најбогатите 5% и 10% од домаќинствата

Податоците на ЕЦБ покажуваат дека најбогатите 5% од домаќинствата во 20 европски земји поседуваат помеѓу 30,8% од богатството (Малта) и 54% (Латвија).

Групата со најниска нееднаквост ги вклучува Малта, Кипар (31,4%), Холандија (32,8%), Грција (33%) и Словачка (34,4%). По Латвија, Австрија (53,1%) и Литванија (51,7%) имаат најголем удел.

Кога се разгледуваат најбогатите 10%, уделите варираат од 42,7% во Малта до дури 64% во Латвија и Австрија. Во Германија (60,5%) и Италија (60,3%), најбогатите 10% поседуваат и повеќе од 60% од вкупното богатство. Во Франција, овој удел е 54,8%, а во Шпанија, 53,4%.

Куќите и становите се клучен фактор

Експертите на „Eurofound“, д-р Карлос Вакас-Сориано и Естер Шандор, истакнуваат дека стапките на сопственост на дом се еден од клучните фактори во разликите во распределбата на богатството. Земјите со повисок процент на сопственост на дом имаат помала нееднаквост, додека таму каде што другите видови финансиски средства се почести, нееднаквоста се зголемува.

Извор: bizportal.rs

Тагови: богатство Европа нееднаквост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ: Нештетно уништени над 27,5 тони небезбедно УХТ млеко поради зголемено присуство на афлатоксин

Инспекциските служби на Агенцијата за  храна и ветеринарство (АХВ) на граничниот премин Блаце, минатата недела спречија увоз од Република Косово на две пратки УХТ млеко, со вкупна тежина од 27 520 килограми.

АХВ: Нештетно уништени над 27,5 тони небезбедно УХТ млеко поради зголемено присуство на афлатоксин

Инспекциските служби на Агенцијата за храна и ветеринарство (АХВ) на граничниот премин Блаце, минатата недела спречија увоз од Република Косово на две пратки УХТ млеко, со вкупна тежина од 27 520 килограми, поради утврдено присуство на афлатоксин над максимално дозволените концентрации дефинирани со позитивните законски прописи.

Небезбедните количини млеко кои биле наменети за пласман во синџир маркети во земјава, минатата недела под надзор на официјален ветеринар, нештетно се уништени на депонијата Дрисла.

Мострите за лабораториско тестирање на двете небезбедни пратки УХТ млеко, земени се во рамки на Мониторинг програмата која инспекциските служби на АХВ на граничен премин ја реализираат за пратките со храна од животинко потекло кои се увезуваат во земјава.

На 17 јули годинава Агенцијата донесе и Решение за воведување на посебни безбедносни мерки при увоз на млеко, производи од млеко, како и производи кои содржат згуснато млеко и млеко во прав со кои ги засили официјалните контроли при увоз на овој тип производи од животинско потекло преку вршење на задолжителни лабораториски испитувања и проверки на усогласеноста со барањата за квалитет, со цел на домашниот пазар да се пласираат исклучиво безбедни и квалитетни производи и да се обезбеди фер конкуренција и заштита на домашните производители и потрошувачите, стои во соопштението од Агенцијата за храна и ветеринарство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3,.

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3, каде што во рамки на проектот „Нашето Маало-детска интерактивна просторна инсталација“, организирана од архитектот Ружица Ивановиќ, дечињата заедно со своите родители учествуваа во боење и цртање на претходно изработената макета од архитектката. На тој начин, на детската работилница најмладите карпошани освен што се дружеа помеѓу себе , тие и го развиваа својот креативен и уметнички потенцијал.

Во училишниот двор на ООУ „Петар Поп Арсов“, со почеток од 20:00, часот, во една пријатна, релаксирана и маалска атмосфера беше прикажан филмскиот класик од Димитрие Османли - „Мирно лето“, каде што меѓу присутните карпошани беше и претседателот на Советот на Општина Карпош, Христо Саракинов. Филмските проекции во рамки на културното лето ќе траат до 27-ми овој месец, каде што љубителите на добриот филм, заедно со своите соседи, роднини и пријатели, во предвидениот термин на истата локација, ќе можaт да уживаат во селектираните филмски остварувања од домашната македонска кинематографија.

Вечерта кулминираше со рап изведбата на „Стефан Трајковски- Жабата“, кој со своите авторски изведби ја крена публиката на нозе и направи одлична забава пред своите маалски другари, соседи и пријатели. На настапот на „Жабата“, на фонтана во Карпош 3 беше присутен и заедно со жителите на Карпош 3 се забавуваше и дружеше првиот човек на Општината, Сотир Лукровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62%

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62% во однос на одлуката од 17.8.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 3,795%, кај дизелот за 4,842%, кај екстра лесното масло за 3,958% и кај мазутот зголемувањето е за 6,467%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.

Од 25.8.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 101,50 (денари/литар)

Масло за горење Екстра лесно 1 (ЕЛ-1) 100,50 (денари/литар)

Мазут М-1 НС 45,576 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 3,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 2,00 ден/лит.

Малопродажната цена на Мазутот М-1 НС се зголемува за 1,850 ден/кг. и сега ќе изнесува 45,576 ден/кг.

Напоменуваме дека ова се максималните цени на нафтените деривати од 00:01 часот на 25.8.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер