Судбина

Како се греат луѓето на минус 71 степен- Марија од Сибир го шокира светот (ВИДЕО)

Во сибирскиот град Јакутск, живата паѓа до „дно“, на -71 степен Целзиус! Покрај тоа, просечната температура во јануари е околу -50 степени.

Многу луѓе се прашуваат како луѓето преживуваат во овие нехумани услови. Некои од одговорите ги даде Марија Солко, жителка на Јакутск. Таа во видео ги сподели своите коментари со светот. Даде одговори за тоа како изгледаат куќите во екстремен студ, како преживуваат и како се загреваат.

Земјата е постудена од воздухот

Повеќето жители се греат со централно греење. Сепак, иако не е логично, цевките за топла вода не се под земја поради замрзнатата земја, туку над земјата! Ова е преседан во споредба со остатокот од светот. Главниот проблем со овој систем е што жителите не можат да ја регулираат температурата - може да биде или премногу ладно или премногу топло во станот.

Од друга страна, оние што имаат индивидуално греење на гас можат сами да ја прилагодат температурата во својот дом. Марија открила и голема разлика во цените: додека платила само 8 долари во декември, нејзините роднини во зграда со централно греење добиле сметка од дури 130 долари.

За да се задржи топлината внатре, зградите често имаат три влезни врати, а речиси сите куќи се дрвени, бидејќи овој материјал најдобро се прилагодува на екстремни услови. Мов се користи како природна изолација, исполнувајќи ги празнините меѓу гредите.

Нема одмрзнување

Јакутск се наоѓа околу 450 километри јужно од Арктичкиот круг во Сибир, а она што го прави посебен е фактот што земјата никогаш не се одмрзнува, дури ни во лето. Иако температурите во лето можат да надминат 30 степени, земјата останува трајно замрзната.

Градот има население од околу 355.500 жители, а луѓето главно се занимаваат со сточарство и риболов. Жителите велат дека едвај го чувствуваат студот, бидејќи телото и мозокот со текот на времето се навикнуваат на екстремните услови.

Во најстуденото населено место во светот, Ојмјакон, нема канализација бидејќи цевките замрзнуваат. Тоалетите се претежно надвор од куќите, мобилните телефони замрзнуваат, а автомобилите не се исклучуваат преку ноќ во зима, бидејќи не би можеле да ги запалат наутро.

Тагови: Сибир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протоколарна средба на претседателот на Собранието со британскиот амбасадор Метју Лосон

Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент.

Денеска во Собранието се одржа протоколарна средба на претседателот на Собранието на Република Македонија, Африм Гаши, со британскиот амбасадор Метју Лосон. Беа констатирани одличните билатерални односи меѓу Република Македонија и Обединетото Кралство, кои се одвиваат на редовна основа со развојна динамика.

Претседателот Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. Го истакна значењето на проектната помош за Собранието што се одвива преку Весминстер фондацијата за демократија и со која се зајакнуваат функциите на Собранието и Службата.

Амбасадорот Лосон изрази задоволство за потврдата на продолжување на веќе воспоставената соработка.

Претседателот Гаши го информираше амбасадорот за процесот на дигитализација на Собранието, за зајакнувањето на надзорната улога на Собранието, како и за подигнувањето на нивото на политичката култура во Собранието и подобрувањето на перцепцијата на законодавниот дом во јавноста.

Двајцата соговорници разменија мислења околу претстојните активности на Собранието, можностите и модалитетите во рамките на веќе утврдената соработка, но и за потенцијалите на друг вид на соработка од взаемен интерес. Беше изразена посебна благодарност до Обединетото Кралство за водечката улога и поддршка во развитокот и во клучните историски моменти на нашата земја како независна европска демократија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Стој за УСЈЕ“: Средбата со министерот за животна средина беше позитивна

Од иницијативата „Стоп за УСЈЕ“ попладнево беа на средба со министерот за животна средина Мухамет Хоџа.

Средбата како што оценија потоа, била позитивна во насока на изнаоѓање на некакво решение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.