Оние кои ги анкетиравме се жалат на повисоки цени од 10% на производи кои речиси секое семејство ги става во кошничката без размислување како масло, јајца и кафе. Други пак велат иако зголемувањата за сега не се драматични, сепак потребно е државата да интервенира навремено со цел да се спречи дополнителен удар по нивниот џеб.

Директорот на ДПИ Влатко Стојкоски во кус телефонски разговор ни посочи дека направиле анализа, која покажала дека цените на зејтинот и јајцата, биле за 10 до 30% пониски споредбено со земјите од регионот., Од ДПИ велат дека во досегаШните контроли не се изречени санкции. Инспекторите ќе останат на терен и во напредниот период.

Од Организацијата на потрошувачи предупредуваат дека без навремена реакција може да следи нов ценовен шок, бидејќи дел од производите низ маркетите засега сè уште се продаваат по стари набавни цени, кои веќе се зголемени. Затоа предлагаат мерки како ограничување на трговските маржи кај основните производи.

-Основната работа која треба да се направи сега е со Владини мерки да се сочува овој стандард на граѓаните, а исто така да им се помогне и на бизнис секторот и тие да ја совладаат на некој начин оваа криза која според мое лично мислење не очекувам дека брзо ќе престане. Маржа да се воведе соодветна на самите производи во малопродажбата со цел граѓаните да ги имаат истите цени барем за време на овие кризни состојби одредено време..Кога ќе се одмрзнат фактички дека пораснуваа цените, се зголемуваа меѓутоа сепак имаше влијание и граѓаните беа мирни барем неколку месеци. Маријана Лончар-Велкова - претседател на Организација на потрошувачи.

Со апел да не се зголемуваат цените неоправдано и да не се користи актуелната ситуација за профитерство, премиерот Христијан Мицкоски минатата недела оствари средба со претставниците на големите маркети. По средбата посочи дека заклучокот е да се задржат фер цени на производите, додавајќи дека состојбата ќе продолжи внимателно да се следи и дека ќе се интервенира доколку има потреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.