Како Месечината ѝ се доближува и се оддалечува од Земјата? - Канал 5

Живот

Како Месечината ѝ се доближува и се оддалечува од Земјата?

Научниците го мерат растојанието до Месечината со снимање на одразот на ласер од огледала поставени таму од вселенските сонди.

Како Месечината ѝ се доближува и се оддалечува од Земјата?

Со мерење на времето потребно светлината да стигне од Земјата до Месечината и назад, научниците можат прецизно да го измерат растојанието до нашиот природен сателит и менливоста на тоа растојание. Оддалеченоста на Месечината, всушност, се менува во текот на едномесечното орбитирање околу Земјата. Обично, таа оддалеченост е 385.000 километри, но орбитата на помалото тело не е совршен круг, па варира за околу 20.000 километри. Поради оваа променливост, некојпат појавата на полна Месечина изгледа поголема, и тоа се нарекува супермесечина.

- Движењето на Земјата и Месечината има многу интересни последици, а проучувањето на нивното движење со текот на времето може да им помогне на истражувачите подобро да разберат како секоја од нив се променила во текот на 4,5 милијарди години откако се создале Земјата и Месечината. Па, зошто Месечината се оддалечува? Сѐ тоа е поради плимата и осеката. Приливот и одливот се предизвикани од разликата во гравитацијата преку вселенското тело. Гравитационата сила што ја врши Месечината е околу четири отсто посилна на страната на Земјата што е свртена кон Месечината, во споредба со спротивната страна на Земјата, бидејќи гравитацијата слабее со растојанието. Оваа приливна сила предизвикува океаните да се распрснуваат во накачување и спуштање на водата насочена кон Месечината и кон спротивната страна. Тие го прават ова затоа што гравитационата сила што Месечината ја влече кон Земјата не е само просечната сила и не е иста насекаде, објасни Стивен Декирби, истражувачки соработник по физика и астрономија на Државниот универзитет на Минесота во САД.

Гравитацијата на Месечината е најсилна на блиската страна на Земјата, привлекувајќи ја водата во „испакнатина“ насочена кон Месечината. На другата страна од Земјата, пак, таа привлечна сила е послаба, пишува „Сајенс алерт“ (Science Alert).

- Значи, додека Земјата ротира, оваа „испакнатина“ се движи и постојано е насочена кон Месечината поради нејзината гравитациона привлечност. Во Њујорк или Лос Анџелес, нивото на водата може да се промени за околу 5 стапки поради тие плимни испакнатини, додаде Декирби.

Оваа вселенска појава, меѓу другото, предизвикува и забрзување на Месечината, што доведува до издолжување на нејзината орбита. А пак, тоа оддалечување на двете вселенски поврзани тела го прави денот малку подолг.

- Нема потреба од загриженост... И натаму ќе имаме затемнувања, плима и денови од 24 часа, уште милиони години. Месечината веројатно се создала пред околу 4,5 милијарди години, кога младата Земја била погодена од протопланета со големина на Марс - исфрлајќи голема количина материјал во Вселената. На крајот, тој материјал ја обликувал Месечината, којашто првично била многу поблиску до Земјата. Во тој случај, би ја виделе Месечината многу поголема на небото, појасни научникот.

Што ќе се случи во иднина? Дали Месечината на крајот „ќе ѝ избега“ на гравитационата привлечност на Земјата додека се оддалечува?

Можеби, по десетици милијарди години, ротацијата на Земјата на крајот би можела да се забави доволно, за Месечината да „се откачи“ од тој замислен „ланец“ во Вселената. Значи, сп наведувајќи дека овие настани се толку далечни во иднината што не треба да се грижите за нив.

Тагови: месечината

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Судир во Анкара: Солзавец, апсења на протестот пред самитот на НАТО

Повеќе од 100 лица беа приведени во Анкара на протестот против НАТО организиран од Комунистичката партија на Турција, додека полицијата употреби солзавец за да го растури собирот.

Судир во Анкара: Солзавец, апсења на протестот пред самитот на НАТО

Турските власти приведоа повеќе од 100 лица кои учествуваа на протестот против НАТО организиран од Комунистичката партија на Турција (ТКП) во Анкара, пред самитот на алијансата во градот следната недела, соопшти ТКП.

Во соопштението, ТКП вели дека организирала протести против НАТО во Анкара и Истанбул во понеделник, објави Ројтерс. Полицијата употреби солзавец за да го растури протестот на централниот плоштад Кизилај во Анкара, приведувајќи повеќе од 100 членови на партијата, вклучувајќи администратори, додека немаше судири меѓу демонстрантите и полицијата на протестот во Истанбул, кој се одржа на плоштадот Таксим.

Снимките од протестите во Анкара покажаа демонстранти кои држат знамиња и извикуваат слогани како „Убиецу НАТО, напушти ја земјата“ и „Нема премин за НАТО“.

„Денес се собравме во многу делови од Турција за да протестираме против НАТО. Рековме дека нема да ја предадеме Анкара на поддржувачите на НАТО, дека нема да дозволиме Анкара да молчи. Го исполнивме тоа ветување“, изјави генералниот секретар на ТКП, Кемал Окутан, во Истанбул.

Турција ќе биде домаќин на лидери од 32 сојузнички земји во Анкара како претставници на НАТО партнери на самитот на НАТО на 7 и 8 јули. Властите ја зајакнаа безбедноста низ турската престолнина пред состанокот на НАТО, а протестите се забранети.

Извор: Б92

Тагови: Анкара НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пустинска тврдина: Египет направи воен комплекс поголем од Пентагон (ВИДЕО)

Египет го отвори „Октагонот“, нов штаб на своите вооружени сили кој се смета за најголем воен комплекс во светот, со присуство на претседателот ал-Сиси и голема воена церемонија.

Пустинска тврдина: Египет направи воен комплекс поголем од Пентагон (ВИДЕО)

Египет го отвори новиот штаб на своите вооружени сили во недела, кој се смета за најголем во светот. Претседателот Абдел Фатах ал-Сиси присуствуваше на отворањето, во ретко јавно појавување во воена униформа.

Комплексот „Октагон“ се состои од осум згради, секоја во форма на осмоаголник, и се протега на околу 90 квадратни километри - површина приближно со големина на Лисабон.

Објектот е значително поголем од Пентагон, седиштето на Министерството за одбрана на САД, што го прави најголемиот воено-административен комплекс во светот.

Ал-Сиси на отворањето рече дека комплексот е „доказ за волјата на една нација која знае дека ништо не е невозможно“.

Претседателот беше придружуван до комплексот со борбени хеликоптери.

Комплексот се наоѓа источно од Каиро, во новиот административен главен град во пустината. Проценките покажуваат дека изградбата чинела околу 50 милијарди евра, што го прави еден од најскапите проекти откако ал-Сиси дојде на власт. Во меѓувреме, Египет се соочува со една од најтешките економски кризи во последните децении, со надворешен долг од околу 143 милијарди евра.

Тагови: Египет Пентагон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Алчноста за пари на Апасиев пред реформите, Левица го блокира Изборниот законик

Апасиев повторно го погази зборот, алчни само за пари Левица го блокираат Изборниот законик.

ВМРО-ДПМНЕ: Алчноста за пари на Апасиев пред реформите, Левица го блокира Изборниот законик

Левица и Димитар Апасиев докажаа дека нивните зборови не вредат ништо кога ќе дојде време да се преземе одговорност.

Иако со консенсуз од сите политички партии беше прифатено она што Димитар Апасиев и Левица го бараа, а тоа е повеќе пари за финансирање на кампањата од Буџетот, квази левичарите денес тој договор го поништуваат.

Левица со денови јавно зборува за принципи, демократија и една изборна единица, а кога на маса беше ставен договор во кој беа прифатени нивните барања, решија да го блокираат процесот и Изборниот законик.

Левица на чело со Апасиев потврди дека нивната политика не се темели на принципи, туку на дневен политички маркетинг и пресметана конфронтација.

Левица избра да прави политички театар

И вештачки кризи со цел да соберат политички поен плус наместо напредок, реформи и современ и функционален Изборен законик.

Левица избра да се служи со провиден политички маневр иако фактите се јасни, беше постигнат широк политички консензус и беа прифатени решенија кои ги бараше и Левица.

Левица избега од договореното, Апасиев се повлече и одлучи да го блокираат процесот.

Граѓаните на дело го видоа лицемерието и двојните стандарди на Апасиев и Левица.

Единствено што му е важно на Апасиев се повеќе пари, Апасиев едно зборува пред камерите, друго прави зад затворени врати глумејќи тврдокорен.

Левица нуди само популизам. Левица нема решенија, Апасиев нуди само блокади.

На Македонија и се потребни институции што функционираат и политичари што стојат зад својот збор, а не политички претстави и евтини маневри како тие на Апасиев и Левица кои заедно со Венко Заев и СДС ги кочат реформите.

Граѓаните не им веруваат на квази политичари кои ги интересираат само сопствени интереси и пари, впрочем за тоа говорат и анкетите каде СДС и Левица ја губат поддршката од народот.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер