Здравје

Како храната, алкохолот и постот влијаат на мирисот на телото?

Секој човек има уникатен мирисен профил, слично како отпечаток од прст.

Сè, од типот на личност, екстровертноста, доминантноста и невротичноста, до расположението и здравјето, влијае на тоа како таа личноста мириса. Многу од овие фактори се вон контрола на човекот - но, не сите. И храната што се јаде има значително влијание. Тоа влијае, не само на нашиот целокупен мирис на телото, туку и на тоа како другите нè гледаат, вклучително и колку привлечни им изгледаме, според мал, но растечки број истражувања, пишува Софија Кваља за „Би-би-си“. Инаку, освен храната, и постот има влијание и врз мирисот на телото.

За здивот и потта

Податоците покажуваат дека околу една третина од возрасните ширум светот имаат некаков вид на халитоза, т.е. здив со лош мирис.

- На биолошко ниво, храната влијае на мирисот на нашето тело на два главни начина. Тоа се нашите црева и нашата кожа... Како прво - цревата. Додека храната се вари, бактериите во цревата ги разградуваат хранливите материи. Некои од овие хемиски реакции ослободуваат гасови - испарливи молекули што излегуваат од телото, вели Бегдаче. Ова може да предизвика лош здив или халитоза, во зависност од тоа што јадеме, вели Лина Бегдаче - доцент на Државниот универзитет на Њујорк во Бингамтон.

Сепак, американскиот научник вели оти постојат и други причини за тоа, освен варењето на храната.

- На второ место е кожата. Хемикалиите од храната, откако ќе се метаболизираат, патуваат низ крвотокот и стигнуваат до ткивата. Некои се излачуваат преку потта, каде што реагираат со бактериите на кожата и создаваат мирис, додава Бегдаче.

И потта, сама по себе нема мирис - бактериите што се размножуваат во неа го предизвикуваат непријатниот мирис. Најчестиот „виновник“ за тоа е сулфурот. Сепак, занимливо е што некои истражувања покажуваат дека сулфурните соединенија понекогаш можат да ја направат личноста попривлечна.

Овошје и зеленчук

Брокулата, зелката, прокељот и карфиолот се здрави, но се полни со сулфурни соединенија. Кога овие соединенија патуваат низ крвотокот и стигнуваат до кожата, потта може да добие остар мирис, според нутриционистката Кери Бисон.

Лукот и кромидот, пак - исто така влијаат на мирисот на здивот, но и потта, бидејќи овде се работи за разградување „смрдливи соединенија“, како дијалил-дисулфид и алил-метил-сулфид кога се метаболизираат. Овие соединенија испаруваат во различни фази - веднаш по јадењето, а некои дури и по половина час. Сепак, истражувањата покажаа дека иако со лукот, здивот добива лош мирис, всушност може да Ве направи попривлечни.

Во едно испитување, 42 мажи носеле влошки што впиваат пот под пазувите 12 часа. Оние кои јаделе многу лук биле оценети како значително попривлечни.

- Го повторивме испитувањето три пати затоа што нè изненади, рече научникот Јан Хавличек од Карловиот Универзитет во Чешка, додавајќи дека верува оти антиоксидантните и антимикробните својства на лукот можат да придонесат за попријатен мирис на телото.

Шпарглата содржи соединение наречено аспарагинска киселина, коешто ослободува сулфурни соединенија за време на варењето, па и тоа се одразува на урината и потта и нивниот мирис. Овие мириси можат да траат со часови, но не се јавуваат кај секого, бидејќи таа способност зависи и од генетиката.

Општо земено, колку повеќе овошје и зеленчук јадеме, толку попријатен станува нашиот мирис. Претходно истражување спроведено во Австралија откри дека луѓето кои јаделе повеќе храна заснована на растенија, имале попријатна, „овошна и цветна“ пот. Оние кои јаделе храна богата со каротеноиди (како што се моркови, тиква и домати), исто така, имале попривлечни тонови на кожата. Спротивно на тоа, диетите богати со јаглехидрати лачат најмалку привлечни мириси.

- Постојат многу голем број ароматични соединенија, а за повеќето од нив не знаеме точно како функционираат... Но, тие, веројатном имаат поголемо влијание отколку што мислиме, додаде Хавличек.

Месо и риба

Истражувањата покажуваат дека мажите кои не јадат месо, мирисаат попријатно, поблаго и попривлечно од оние кои јадат месо. Оваа храна може да предизвика мирис на телото бидејќи протеините се разградуваат на аминокиселини и масти коишто се излачуваат преку потта. Рибата и гравот содржат триметиламин - супстанција со многу непријатен мирис. Постои и ретко нарушување наречено триметиламинурија или „синдром на мирис на риба“, кое го спречува разградувањето на ова соединение.

- За изненадување, месото го влошило мирисот... Современите луѓе јадат многу повеќе месо отколку нашите предци, вели д-р Хавличек.

Алкохол и кафе

Алкохолните пијалаци - особено кога се внесуваат почесто и во големи количини, може да предизвика миризба. Кога се разградува од црниот дроб, тој ослободува ацеталдехид, испарливо соединение со силен, застоен мирис на алкохол. А, исто така, алкохолот го дехидрира телото и го намалува производството на плунка, што поттикнува размножување на бактериите и подолготраен лош здив.

Според истражувањата, кај луѓето, кои пијат алкохол секој ден, има поголема веројатност да имаат лош здив и повеќе сулфурни соединенија во здивот.Од друга страна пак, мажите кои пијат пиво за време на експериментот, биле „попривлечни“ - но, само за комарците.

Кофеинот во кафето и чајот ги стимулира потните жлезди - особено во пазувите и препоните, создавајќи услови за повеќе бактерии, што пак, може да го заостри мирисот на телото. Иако молекули на кофеин се пронајдени во потта, сè уште не е јасно дали самиот кофеин го менува мирисот на телото.

Пост

Занимливо е што и постењето може да го промени мирисот на телото. Во еден експеримент, жени кои постеле 48 часа, имале поблаг мирис на пот од оние кои јаделе нормално. Притоа, сепак, се покажа дека постот го влошува мирисот на здивот. Научниците, општо земено, се согласуваат дека не постои универзална формула за тоа како храната влијае на мирисот на телото и перцепцијата за привлечност. Заклучокот гласи - има многу варијации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Кроу привлекува внимание во Венеција, ослабнал 26 килограми

Расел Кроу се појави на 83-тиот Меѓународен филмски фестивал во Венеција во петокот, привлекувајќи внимание со својата значително послаба фигура.

Тој пристигна на црвениот тепих со својата партнерка, Бритни Терио, а парот присуствуваше на проекцијата на филмот „What Love Builds“ во салата „Дарсена“.

За оваа пригода, Кроу (62) избра елегантен црн костум и бела кошула, а сивата коса ја зачешла наназад. Додека позираше за фотографите, ја држеше раката околу половината на својата партнерка. Бритни (42), неговата партнерка со која е во врска шест години, носеше црн фустан што ја следи линијата на телото и има длабоко деколте, а изгледот го надополни со црни чевли со високи потпетици и дијамантски накит.

Откри колку килограми изгубил

Кроу изгубил значителна тежина во текот на изминатата година. За време на неодамнешното гостување во подкастот „The Joe Rogan Experience“, тој откри дека ослабел 26 килограми.

Исто така, сподели дека значително го намалил консумирањето алкохол, иако не се откажал целосно од него. По снимањето на филмот „Nuremberg“, како што рече, тежел 126 килограми. „Сега тежам 100,9 килограми“, откри тој.

View this post on Instagram

A post shared by Drew McIntyre (@dmcintyrewwe)

Актерот неодамна објави фотографии од теретана на социјалните мрежи, а неговата физичка трансформација ги воодушеви многубројните обожаватели. Во коментарите, тие забележаа дека тој повторно изгледа како „Гладијатор“, алудирајќи на неговата култна улога како Максимус во филмот „Gladiator“ од 2000 година, која ја одбележа неговата кариера. Му помогна и здравствена програма.

Актерот исто така спомена дека во тој период му помогнала програмата „Way2Well“. Како дел од програмата, тој прима инјекции кои, според него, помагаат да се ублажат последиците од стари повреди здобиени за време на физички напорни филмски улоги.

„Не ја разбирам науката зад сето тоа, но чувствувам вистинска корист во рамената и колената. И инјекциите и инфузиите го смирија воспалението во моето тело“, рече Кроу.

Во врска е со Бритни од 2020 година

Кроу и Бритни Терио се заедно од ноември 2020 година; Тие за првпат се појавија заедно на црвениот тепих како пар во октомври 2022 година, на премиерата на неговиот филм „Poker Face“.

Се запознале уште во 2013 година, на снимањето на трилерот „Broken City“. Терио е од Њу Орлеанс и претходно работела како актерка и навивачка.

Кроу претходно беше во брак со Даниел Спенсер, со која ги има синовите Чарлс и Тенисон. Тие стапија во брак во 2003 година, се разделија во 2012 година, а нивниот развод беше официјално финализиран во 2018 година.

Извор: Индекс.хр

Тагови: Расел Кроу

Свет

Трамп: Би сакал да видам обединета Ирска

Американскиот претседател Доналд Трамп изјави дека „би сакал да види“ обединета Ирска, тврдејќи дека „тоа на крајот ќе се случи“.

За време на средбата со ирскиот премиер на имотот Фармли во Даблин, американскиот претседател рече дека обединета Ирска би била „големо признание за сите“. „Како би можело тоа да биде лошо?“, праша тој.

Еден новинар го праша за неговото мислење за ирското обединување. Свртувајќи се кон ирскиот премиер Михол Мартин, кој седеше до него, Трамп додаде: „Разговараме за тоа, а вие го имате вистинскиот човек овде кој би можел да го придвижи процесот. Но, да, мислам дека тоа би било фантастична работа“.

Q: What’s your view on Irish unification?

Trump: I’d love to see it unified. I think it would be a great thing. How could it be bad? pic.twitter.com/88FOXsBOoM
— Acyn (@Acyn) September 12, 2026

„Новинарите се обидуваат да ми наместат стапица“

Тој подоцна дополнително го нагласи својот став за време на обраќањето во резиденцијата на американскиот амбасадор. Тој се потсети како еден новинар го прашал што мисли за обединувањето на Северна Ирска и Република Ирска.

„Морате да разберете дека со новинарите – барем кога станува збор за мене – секое прашање е стапица. Тие секогаш се обидуваат да ви наместат стапица, прашувајќи: 'Што мислите за обединувањето на Северна Ирска и Ирска?' Мислам дека дадов добар одговор. Утре ќе читаме за тоа“, предвиде Трамп.

„Тоа е едно од оние прашања на кои, без разлика што ќе кажете или колку добро ќе го кажете, нема добар одговор, нели? Има четири или пет такви – би можел да набројам и други, но нема да ве охрабрувам. Сепак, тоа беше едно од тие прашања. Всушност, реков дека, искрено, тоа би било многу одлична работа. Мислам дека би било одлично“, додаде тој. За време на средбата со Мартин, тој рече дека односите меѓу Ирска и САД „никогаш не биле толку добри како сега“. Тој го опиша Мартин како „пријател“ и рече дека „имале одличен однос уште од почетокот“. Трамп подоцна ќе отпатува во своето одморалиште за голф во Дунбег, округот Клер, каде што се одржува турнирот „Ириш опен“.

Бурнам ја отфрли можноста за референдум

Британскиот премиер Енди Бурнам поттикна политичка дебата на островот Ирска претходно оваа година, кога изјави дека референдум за обединување „не доаѓа предвид“. Според одредбите на Договорот од Белфаст, односно Договорот од Велики петок од 1998 година, британскиот министер задолжен за Северна Ирска е должен да распише референдум за статусот на Северна Ирска доколку смета дека обединувањето ќе биде поддржано од мнозинството гласачи. За да дојде до уставна промена, и граѓаните на Република Ирска мора да гласаат за обединување.

Извор: Индекс.хр

Тагови: Доналд Трамп

Автомобилизам

Зошто Германците ја намалуваат брзината на автопатите дури и таму каде што нема ограничување?

Препорачана брзина од 130 км/ч во Германија: Што значи „Richtgeschwindigkeit“?

На одредени делници од германските автопати сè уште не постои општо ограничување на брзината. Сепак, сè поголем број возачи се придржуваат до брзина од околу 130 км/ч, а за тоа постојат неколку причини.

Во Германија постои таканаречена „Richtgeschwindigkeit“ – препорачана брзина од 130 км/ч.

Иако не е задолжителна на делниците без ограничување, надминувањето на оваа брзина може да има последици во случај на сообраќајна несреќа.

Ако возачот ја надмине брзината од 130 км/ч, може – под одредени околности – да сноси делумна одговорност за евентуалната штета.

Компаниите воведуваат сопствени ограничувања

На однесувањето на возачите влијаат и политиките на компаниите. Сè повеќе фирми ја ограничуваат брзината на службените возила на 130 км/ч, делумно за да ја намалат потрошувачката на гориво и трошоците за возниот парк.

Препораки за компаниите издадоа и организациите „Agora Verkehrswende“ и „Öko-Institut“, истакнувајќи дека ограничувањата на брзината можат да придонесат кон помала потрошувачка на гориво и поголема одржливост.

Некои институции одат и чекор понатаму. Државната канцеларија за финансии на Северна Рајна-Вестфалија (*Landesamt für Finanzen Nordrhein-Westfalen*) препорачува максимална брзина од 110 км/ч за службените возила на автопатите.

Ограничување од 130 км/ч важи и за возилата со кои управува „BwFuhrparkService“, организацијата одговорна за голем дел од возниот парк на германската војска.

Според „Autoblog.nl“, постојат и извештаи дека почитувањето на ова правило се следи преку телеметрија. Горивото е уште една причина за возење со помала брзина.

На крајот на краиштата, постои и многу практична причина: цената на горивото.

Кога литар гориво во Германија чини околу 2,30 евра, возењето со поголеми брзини резултира со значително поголема потрошувачка.

Според тоа, фактот што на одредени делници од патот нема ограничувања на брзината, не значи дека повеќето возачи ќе возат со максимална брзина.

За многумина, 130 км/ч е едноставно компромис помеѓу брзината, потрошувачката на гориво, безбедноста и трошоците.

Извор. Б92

Тагови: Германија