Живот

Како да си помогнете во текот на зимата ако чувствувате болки во зглобовите

Студеното време може да влијае на многу работи во нашите животи, вклучувајќи и влошување на болките во зглобовите.

Ортопедскиот хирург д-р Тимоти Гибсон за Парада (Parade) открива како да си помогнеме во намалувањето на болките во зглобовите за време на студените зимски денови.

„Важно е да разберете како студеното време влијае на зглобовите за да можете да се подготвите и, се надевам, да ги намалите симптомите кога ќе пристигне студеното време“, вели докторот.

Зошто зглобовите може да болат кога е студено?

Иако ова можеби не е случај за секого, студеното време може да влијае на осетливоста и болката во зглобовите. Гибсон истакнува дека студеното време може да влијае на зглобовите на неколку начини, вклучувајќи го и намалениот проток на крв. „Намалениот проток на крв во зглобовите може да предизвика вкочанетост и болка“, објаснува тој.

Покрај тоа, студот може да предизвика мускулна напнатост, што е уште една негативна страна. Гибсон објаснува дека „мускулите и другите меки ткива, како што се тетивите и лигаментите, можат да се стегнат кога е студено“. Студот го скратува опсегот во кој мускулите можат да се стегаат и растегнуваат, што ја намалува подвижноста и предизвикува вкочанетост што ја чувствувате, пренесува „Parade“.

Докторот објаснува: „Студениот воздух е погуст од топлиот воздух. Промените во барометрискиот притисок понекогаш може да предизвикаат проширување или контракција на ткивото околу зглобовите, предизвикувајќи непријатност“. Во прилог на oвa објаснување, д-р Гибсон сподели совети за тоа како можете да си помогнете ако го имате овој проблем.

Едноставен начин за намалување на болките во зглобовите кога е студено

Како потенцијално решение на проблемот, д-р Гибсон препорачува користење на опрема за компресија, известува Парада. „Компресивната опрема може да биде многу корисна за заштита на зглобовите од студ. Обезбедува топлина и поддршка на зглобовите. Полесно е да се остане топол и сув отколку да се загреете и да се исушите откако ќе се изладите и измокрите“, тврди докторот.

Со други зборови, опремата за компресија обезбедува дополнителен слој на заштита и топлина на зглобовите. Но, важно е да се истакне дека тоа не е замена за слоевитата облека, вклучувајќи капи, ракавици и други слоеви. „Користете слоевито облекување со компресија и топлина“, додава тој и препорачува користење на грејачи за раце, колена и стапала за да се обезбедите најдобра заштита од студот.

Д-р. Гибсон предлага користење и на еластични или неопренски ортози по потреба, кои лесно се носат под облеката. Истото важи и за компресивните ракавици и ракави, кои тој препорачува да се носат под потоплите слоеви облека, како што се топли кошули, палта и традиционални ракавици.

Покрај носењето опрема за компресија, лекарот посочува и други начини на кои можете да си помогнете:

Останете хидрирани и хранете се здраво.

Бидете физички активни.

Консултирајте се со лекар ако сте загрижени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни пожари во мариовско, Студеничани, Македонски Брод, Кичево и Могила

Изутринава во земјава има пет активни пожари во Мариово кај село Чаниште, крак кон Црна Река и крак кон село Орле, во општините Студеничани, Македонски Брод, Кичево и Могила.

Пожарот во депонијата во општина делчево е ставен под контрола. А изгаснати се 31 пожар.

Центарот за управување со кризи информира дека регистрирани се вкупно 37 пожари на отворен простор, од кои пет се активни, еден е под контрола, а 31 пожар се изгаснати.

Од УХМР најауваат топло време и температури до 39 степени.

Апел од дирекцијата за заштита и спасување граѓаните да се посебно внимателни со фрлање отпуошци од цигари и работа со апарти кои предизвикуваат пожар и строго забрана за горење на стрништа..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска одлука за „училишна кошничка“

Пред стартот на учебната година, Владата денеска повторно ќе ја донесе т.н. училишна кошничка.

Од МОН брифираат дека планиран е состанок со трговците на големо и мало за училишен прибор, со цел да ги координираат активностите и да разговараат за цените пред почетокот на учебната година.

Лани, мерката за училишна кошничка наречена „Помалку трошоци, повеќе за вас“ важеше од 15 август до 15 септември и со неа беше договорено намалување на цените на основниот прибор и тетратките на учениците за 10-15 проценти, со што, според пресметките на владта, семејствата заштедија по околу 1.500 денари по ученик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зголемни пријави на граѓани со лажни СМС пораки за сообраќајни казни

Трендот на лажни СМС- пораки со известување за наводни сообраќајни прекршоци и казни поврзани со системот„Безбеден град“ продолжува.

Од МВР предупредуваат граѓаните да бидат внимателни со пораките кои содржат линк каде се бара да се внесат лични или банкраски податоци и да извршат плаќања на наводна казна.. Станува збор за обид за измама и прибирање на лични податоци, објаснуваат од МВР..

Од министерството посочуваат дека официјалните смс-пораки за прекршок се испраќаат од испраќачот „MVR-SC“. Во пораката треба да биде наведена регистарската ознака на возилото, а официјалниот линк треба да води кон доменот safecountry.mvr.gov.mk...

..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.