Богаташот Андрес Пира го променил својот живот и несебично ги споделува со сите принципите на Законот за привлекување што му помогнале да се збогати и да го зачува своето богатство, кое се проценува на 1,8 милијарди долари.

Андрес Пира, извршен директор на конзорциумот „Блу Хорајзон Дивелопментс“, кој вклучува дури 19 компании, е човек со многу необична животна приказна, која ја споделил во книгата „Од бездомник до милијардер: 18 принципи за привлекување богатство и создавање неограничени можности“.

Овој бизнисмен е некој кој целосно го променил својот живот и е еден од оние кои веруваат во моќта на Законот за привлекување, но тоа е само дел од неговата стратегија.

Тој сподели некои од своите тајни за американскиот Форбс, а листата ја скрати на осум клучни совети за стекнување богатство. И не само тоа, туку посочи и некои ситници кои се важни за да се зачува она што е стекнато.

8 совети за привлекување и задржување пари

1. Соочете се со вашите стравови. Како што истакнува Пира, луѓето честопати носат погрешна одлука од страв или воопшто не носат одлука, но „проблемите се само ситуации што им претходат на решенијата и можностите“. Да речеме, во една од неговите компании, тој очекува вработените да скокаат со падобран. Тоа им го кажува за време на интервјуто за работа и вели дека оваа компанија му е најуспешна!

2. Правете потсетници секаде. Законот за привлекување ја нагласува важноста на изговарањето афирмации и визуелизирањето себеси како ги постигнувате своите цели, а тоа е она што Пира го прави. Кога почнал да се занимава со недвижности, пишувал кратки афирмации на раката, како на пример, буквата Б, што за него значело „најдобар продавач“. Секогаш кога случајно ќе го погледнел тоа, помислувал дека е најдобриот продавач во земјата, дека сите ќе сакаат да купуваат од него и дека тој ќе се збогати.

3. Стремете се кон големи цели. Важно е да се биде реален, но исто така е корисно да имате големи соништа. Кога имате поголема идеја, запишете ја додека сте инспирирани, а потоа почнете да размислувате за конкретните чекори што можете да ги преземете за да го остварите вашиот сон.

4. Прави го она што го прават сите други. За да бидете најдобри во она што го правите, Пира советува да се прилагодите на тоа што го прави вашата конкуренција, така што би го правеле истото, но подобро или поинаку. Тој вели дека научил многу стратегии за вработување од своите конкуренти и дека менторите се многу важни, дури и ако се само инфлуенсери на „Јутуб“ тие што ве мотивираат.

5. Вежбање. Андрес Пира верува дека физичкото здравје влијае на сите области од животот, и затоа редовниот тренинг е нешто што тој го рангира како тајна на својот успех. Како што вели, ако не сте „утринска“ личност, не вежбајте наутро, ако не ви се допаѓа теретана, изберете тимски спорт или пешачете до работа, но бидете активни. „Прошетката од 15 минути е многу подобро отколку да не правите ништо“, вели тој и истакнува дека вежбањето треба да се користи како начин за постигнување на други цели, бидејќи така најчесто се осамуваме, а најголемите откритија доаѓаат при осаменоста.

6. Вложете емоции. Постои нешто што Пира го нарекува „вибрационо давање“: тој се фокусира на емоцијата што ја чувствува додека дава нешто. „Кога давате пари, се чувствувате добро поради тоа, што значи дека добивате нешто за возврат“, забележува тој и истакнува дека ова важи и ситниците - на пример, дека навистина го мислиме тоа кога му велиме некому „Добар ден“.

7. Инвестирајте во вашиот тим. За да бидете најдобар, мора да работите со најдобрите и да им плаќате колку што вредат. Секако, парите често се главна мотивација, но исто така важни се и другите придобивки од работата, како што се образованието, програмите за здравствено осигурување, ручеците за целата канцеларија... Славете ги и малите и големите победи како тим!

8. Уживајте и продолжете така! Богатството не е само во парите, туку и во слободно време за да можете да уживате и да се исклучите од работата. Научете да не бидете ментално врзани за работата и да уживате во вашиот приватен живот. За долгорочно богатство, треба да продолжите да го правите она што ви помогнало да дојдете до парите, забележува Пира за Форбс.

- Останете позитивни и одбијте да се опкружувате со негативност - вели тој и истакнува дека е многу важно да управувате со вашиот ум, па штом ќе чуе озборувања или каков било негативен разговор, се трга настрана.