Забава

Како да направите маичка без ракави од бабиното милјè

 - Шик парче облека во само два чекора!

Понекогаш ви снемува инспирација или пари за нова облека, па потребна ви е само идеја за импровизација.

Ако сте љубител на маички без ракави, a старите ви здодеале, можеби решението лежи во дневната соба на вашата баба. Една инфлуенсерка ја споделила својата идеја користејќи го хекланото милјè од својата баба. Иако ваквите ракотворби некогаш се користеа за украсување на дел од мебелот, најчесто маси, се чини дека бабиното милјè има поширока употреба.

Дамите сакаат маички и тие се задолжителни парчиња облека во нивниот плакар, понекогаш трошат и време и пари барајќи соодветна со која би излегле, но обично наидуваат на „индустриски“ маички изработени по истиот шаблон. Меѓутоа, доколку сакате да зрачите со автентичност и нешто поразлично, потребно ви е едно хеклано милјè кое повеќе не се користи и две бели ленти.

Доранелис Патон е инфлуенсерка која на Инстаграм често споделува модни трикови, а ја следат околу 762.000 лица. Таа покажа дека овој старински реквизит може да го искористите и за излегување така што едната лента ќе ја проврете низ дупките на хекланото милјè по должина на едниот раб и откако ќе ја наместите ќе ја врзете околу вратот. А, со другата лента се поврзуваат двете страни од хекланото милјè одзади на грбот, а потоа двата краја од лентата одат напред и се врзуваат како ремен. Крајниот резултат е софистицирана автентична маичка, која сигурно ќе ве издвои од толпата.

Придружниците на Дора беа воодушевени од оваа идеја и ѝ се заблагодарија што ја споделила со нив.

- Ми се допаѓа идејата. Елегантно и нежно.

- Тоа е нов начин да дојдам до бабиното милје. Многу слатко!

- Ова е непогрешлив доказ дека елеганцијата се раѓа така што секоја облека изгледа одлично.

- Не би било лошо да ја посетам баба ми која ќе ми ги подари сите хеклани милјеа - беа дел од коментарите.

Многу нејзини придружнички рекоа дека сигурно ќе го пробаат овој одличен трик штом набават хеклано милје за да заблескаат на некоја забава. Други се пофалија дека и самите знаат да прават такви работи и дека сигурно нема да им недостига инспирација за слична креација.

Извор: srecna.republika.rs

Македонија

Приватните превозници во јавниот градски превоз во Скопје возат само до 10 часот

 Дел од приватните превозници во јавниот градски превоз во Скопје денеска и утре ќе возат само до 10 часот наутро, а потоа ќе одлучат што ќе прават понатаму.

Тие бараат финансии за да можат да продолжат да ги услужуваат граѓаните со своите возила и велат дека, од јануари, кога зеле само дел од средствата, не им се исплатени средства за услугата што ја даваат поради што веќе немаат пари за гориво и за одржување на возилата.

-До петок ќе возиме само до 10 часот, а потоа ќе решиме што ќе правиме, изјави вчера за МИА Оливер Петрушевски.

Нагласи дека дел од превозниците имале средба со разрешениот директор на ЈСП Скопје на која им ветил дека постепено ќе им ги исплаќа заостанатите средства и дека до септември целосно ќе им го исплати долгот. Во моментов, посочи, немаат никаква најава што ќе се случи по неговото разрешување и назначувањето на новиот директор на ЈСП.

Македонија

Променливо облачно, во западните и крајните источни делови со локален дожд

Времето денеска ќе биде променливо облачно и посвежо во западните и крајните источни делови со локален пороен дожд и ретки грмежи. Ќе дува слаб до умерен, а долж Повардарието повремено засилен ветер од северен правец. 

Минималната температура ќе биде во интервал од 10 до 17, а максималната ќе достигне од 24 до 31 степен. UV=7

Во Скопје времето ќе биде променливо облачно со сончеви периоди. Ќе дува умерен северен ветер. Минималната температура ќе се спушти до 16, а максималната ќе достигне до 30 степени.

Од УХМР најавија дека од петок следува период на сончево време со мала до умерена локална облачност. Дневната температура ќе биде во пораст, а особено топло ќе биде во недела и во првите денови од следната седмица.

Македонија

Нa Табановце и Богородица за излез од земјава се чека 30 минути

 Нa граничните премини Табановце и Богородица има зголемена фреквенција на возила за излез од земјава. Времето на чекање е околу 30 минути, информира утрово Авто мото сојузот на Македонија. 

На останатите гранични премини од македонска страна, нема подолги задржувања за влез и излез од државата.

Интензитетот на сообраќај на патните правци надвор од градските средини е умерен.

Од АМСМ потсетуваат дека од 1 јули до 31 август на државните патишта во земјава е воведен летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури и тоа во петок од 17 до 22 часот, во сабота од 09 до 18 часот и во недела 09 до 22 часот.

На магистралниот пат Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали - петок од 15 до 22 часот, сабота од 07 до 12 и од 18 до 24 часот и во недела од 07 до 22 часот. д

притисни ентер