Како да мирисате божествено цел ден - Канал 5

Забава

Како да мирисате божествено цел ден

Доволни ви се 2 минути дневно, а мирисот нема да исчезне дури и кога ќе се испотите!

Како да мирисате божествено цел ден

На виралната снимка од оваа девојка се нижеа различни коментари.

На социјалните мрежи се наоѓаат совети за секакви работи. Една корисничка на Тикток по име Мариса сподели совет како да мирисате божествено цел ден, дури и откако ќе се испотите. Нејзините совети станаа вирални, а видеото објавено на Tикток беше прегледано 4,4 милиони пати.

Истите мирисни ноти

Како што објаснува Мариса во видеото, клучно е да користите производи со исти мирисни ноти кои ќе ги нанесувате слоевито. Ова практично значи дека вашиот гел за туширање, маслото, лосионот за тело, дезодорансот и парфемот мораат да ја имаат истата мирисна нота. Ако сакате мошус, секогаш избирајте производи со таа нота, или, на пример, цитрусни мириси доколку сте љубител на слатки овошни парфеми.

Според Мариса, за оваа рутина ви се потребни буквално две минути, а ќе мирисате божествено цел ден. Според неа, по туширањето, додека кожата е сè уште влажна, треба да нанесете масло за тело или лосион. После тоа се нанесува дезодоранс со истата мирисна нота, а последен го нанесувате вашиот омилен парфем. Мариса препорачува да користите маслен парфем.

Советите на Мариса предизвикаа голем интерес на социјалните мрежи:

- Мразам кога осеќам масло, но сакам да мирисам убаво. Ванилата ми е омилена... хмм, можеби треба да го пробам ова.

- Секогаш заглавувам на првиот чекор, бидејќи постојано некаде брзам и немам време производот да се впие во влажната кожа, да чекам да се исуши и слично.

- Мене ми е доволен добар дезодоранс во „стик“, и онака не користам парфеми.

- Ми треба масло за тело или лосион за тело со мирис на карамела. Тоа е мојот омилен мирис, но нема производи што ми одговараат.

- Девојко, тоа што го кажуваш е глупост. Сапун и вода се доволни. Луѓето што се капат не смрдат дури и кога се потат. Важна е личната хигиена, сè останато е само „надградба“ и трошење пари на разни производи – беа само дел од коментарите на нејзината објава.

@ris.writes You will smell DIVINE ALL DAY!! Yes even if you sweat!! #perfumetiktok #howtosmellgood #smellgoodallday #smellgoodalldayshower #vanillaperfume #howtosmelllikevanilla #vanillascents ♬ original sound - Marisa McGrady

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонка осудена во Австралија за убиство

Судот во Австралија ја осуди 51-годишната Македонка Милена Богојевска на осум години затвор, од кои шест без можност за условен отпуст, поради смртта на нејзината 85-годишна сосетка Лолин Вајтхенд. 

Македонка осудена во Австралија за убиство

Богојевска се изјаснила за виновна за убиство од небрежност.

Случајот го потресе Мелбурн во јули 2024 година. Богојевска ја задушила старицата, по што го ставила телото во кеса и го фрлила во реката Марибирнонг.

Два дена подоцна, телото било пронајдено од рибар. Но, случајот не завршил со смртта на 85-годишната жена. По нејзиното убиство, Богојевска од домот на соседката однела пари, накит, банкарски картички и лични документи. Со дел од украдените средства купувала лотариски тикети, ваучери, чевли и „ipad“ уреди, при што потрошила речиси 4.000 австралиски долари.

Судијката Џасинта Форбс остро го оценила нејзиното однесување, опишувајќи го како „опортунистичко, пресметано и себично“. Судот ѝ изрекол осумгодишна затворска казна, од која шест години ќе ги помине без право на условен отпуст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пензионер од Охрид се заканувал со пиштол за паркинг место

73 годишниот охриѓанец ќе одговара за две сериозни крвична дела, откако му вперил пиштол на турист од Скопје по расправија за паркинг место. 

Пензионер од Охрид се заканувал со пиштол за паркинг место

Охриѓанецот немал дозвола за поседување на оружје, соопшти СВР Охрид..

„ СВР Охрид поднесе кривична пријава против лице на 73 години од охрид поради постоење основи на сомнение за сторени кривични дела „загрозување со опасно орудие при тепачка или караница“ и „неовластено изработување, држење, посредување и тргување со оружје или распрскувачки материи“. На 01.08.2026 во зграда на улица „асном“ во охрид, пријавениот вперил пиштол кон лице од скопје со кое претходно имал расправија за паркинг-простор“, соопштија од охридската полиција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: ЈО по допрен глас да отвори случај за молкот на Филипче за загадената вода во Гостивар додека беше министер

ВМРО-ДПМНЕ го повикува Јавното обвинителство по допрен глас да отвори предмет и да го истражи непостапувањето на Венко Филипче додека бил министер за здравство, во врска со анализите за квалитетот на водата, како во Гостивар, така и низ државата.

ВМРО-ДПМНЕ: ЈО по допрен глас да отвори случај за молкот на Филипче за загадената вода во Гостивар додека беше министер

Документите и информациите доставени од свиркачи укажуваат дека биле направени околу 400 анализи за квалитетот на водата, кои ја покажале неисправна за пиење.

Токму затоа, се поставува прашањето дали и зошто надлежните институции, предводени од тогашната власт на СДС, не презеле соодветни мерки.

Граѓаните имаат право да знаат зошто не биле навремено информирани доколку водата не била безбедна, зошто проблемот со години не бил решаван и дали Филипче бил запознаен со извештаите, а сепак не постапил.

Затоа бараме Јавното обвинителство да ги провери сите анализи и документи, да утврди кој знаел и кој не постапувал и, доколку постои одговорност, таа да биде санкционирана.

Никој не смее да биде заштитен поради политичка припадност или функција.

Граѓаните заслужуваат одговори, одговорност, вистина и правда.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер