Како да го препознаете насилникот на време? „Ми беше потребна цела година да се извлечам“ - Канал 5

Живот

Како да го препознаете насилникот на време? „Ми беше потребна цела година да се извлечам“

Насилството во врската го следи принципот „ме сака“, не ме сака“ и изгледа како да си во маѓепсан круг на злоупотреба и привидна љубов од која всушност е тешко да се избега. А, не мора да биде така.

Како да го препознаете насилникот на време? „Ми беше потребна цела година да се извлечам“

Според стручните лица, за да препознае потенцијален насилник многу е важно секоја жртва да биде добро информирана за тоа што може да биде насилство.

Широката јавност сè уште го перципира насилството само како физичко насилство, а сепак сме сведоци дека психичкото насилство е многу позастапено и се манифестира преку омаловажување, уцена, обвинување на жртвата за насилното однесување, игнорирање и лишување од слобода.

Кои се знаци за тревога?

Според, психолозите, социјалните работници и другите експерти, ова се знаците за тревога:

лицето постојано го навредува својот партнер/ка

секогаш проверува каде е и што прави

љубомора

често го губи трпението

Ако насилното лице во врска постојано се однесува вака и го манипулира другото лице долго време, жртвата често почнува да се сомнева во сопствениот здрав разум и сè потешко проценува дали е навистина злоставувана.

Според психолозите, сторителите често ја префрлуваат вината и одговорноста за насилството на жртвата, а класичните изговори се „Таа ме провоцираше“, „Не направив ништо“ и „Само ја опцув“.

Знаци кај потенцијално злоставувана личност: постојано се грижи да не го разлути партнерот, се изолира од семејството и пријателите, и изгледа сосема поинаку од она што била пред да влезе во врската (што е знак на депресија). Оценките во училиште или работата значително трпат, хобито го занемарува за подолго време да поминува со партнерот.

Насилник може да биде кој било

Тешко е да се препознае насилникот бидејќи може да биде кој било.

Според еден психолог, патот до промената има одредени предуслови, а тоа е насилникот да го препознае сопственото насилно однесување, да преземе одговорност за него, да биде подготвен да го промени моделот на однесување, да ги преиспита своите уверувања и да биде подготвен да работи на позадината на своето однесување на емоционално ниво.

Според сведоштво на една 28-годишна девојка, тренер по фитнес за жени, која е жртва на психичко насилство во врската, тешко е да се излезе од овој токсичен однос.

„На 23-годишна возраст бев во токсична врска од која не можев да излезам“, раскажува таа.

Според неа, нивната врска започнала речиси совршено, била опсипувана со изливи на љубов, ја чекал после работа и ѝ посветувал внимание. Но, со тек на време, она што го нарекувала љубов почнало да бледнее, а ситуацијата станувала сè полоша.

Ѝ било тешко да си признае дека врската не функционира, а постоеле и знаци:

„Кога ќе почнеш да ги лажеш пријателите дека повеќе не се гледаш со него затоа што сите знаат дека таа личност е лоша за тебе, и почнуваш да измислуваш изговори за него“, вели таа. „На почетокот, некои работи ти се интересни, но со тек на време сфаќаш дека тоа не е нормално. Не е нормално личноста да биде екстремно ладна, а потоа одеднаш екстремно добра кон тебе, од една крајност во друга.“

Љубовта како дрога

На оваа девојка ѝ била потребна една година да ја заврши врската, во која конечно натежнало сознанието дека тој истовремено е во врска со друга личност. „Тоа е како некаков вид дрога“, споредува таа, „и секое мало внимание и љубов создава сè подлабоко чувство на зависност од другата личност“.

„Од една страна, ми кажува дека е единствениот што ме разбира и дека секогаш ќе биде тука за мене, а потоа ми вели дека никој друг не би ме трпел“, вели таа, која накратко му поверувала. „Кога влегов во друга врска, две години подоцна, и навистина според другиот претерував, навистина се прашував дали бил во право кога ми велеше дека тоа ќе се случи.“

Девојката побарала помош од психотерапевт, ја променила работата и околината, а исто така се обидувала да се заштити од новите луѓе што ги запознавала. Признава дека ѝ било многу тешко и дека би ѝ било мило да ја избегнела таквата врска, но верува дека ситуацијата ја направила посилна.

„Навистина бев на дното, се чувствував како да може да ме прегази кој било. Опција ми беше да пропаднам уште повеќе или да почнам да се извлекувам од сето тоа. Со тек на време, сè конечно се смири, излегов посилна и подобра, и подобро можам да ги забележам знаците за тревога кај другите мажи“, вели таа.

„Не избираме насилство“

Кога проговорила за насилството во врската на социјалните мрежи, ја контактирале многу млади лица кои доживеале психичко насилство во врската. Според податоците на еден психотерапевт, скоро 25% од осудените сторители на насилство кои доаѓаат на советување се токму жени.

Никогаш не е лесно да се напушти

На оние кои ѝ кажале дека „можела едноставно да се оддалечи“, оваа девојка им рекла дека тоа никогаш не е толку лесно.

„Ако никој не нè советува, можеме со години да бидеме во таа токсична врска и да мислиме дека тоа е љубов. Најчесто слушам негативни коментари од луѓе кои не поминале низ тоа, можеби го пронашле својот совршен партнер на 16 години и им честитам за тоа, но на другите - нека ни е со среќа“, вели таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Димитриевски од Велес: Не влеговме во Владата за фотелји, туку за да испорачаме

Не влеговме во Владата за фотелји, туку за да испорачаме - Две години работа, две години резултати, една љубов – Македонија

Димитриевски од Велес: Не влеговме во Владата за фотелји, туку за да испорачаме

Две години работа, две години резултати, една љубов – Македонија. Со ова мото Движењето ЗНАМ – За Наша Македонија продолжува со директните средби со граѓаните и отчетот за преземената одговорност во Владата и Собранието.

Пред граѓаните во Велес, претседателот на Движењето ЗНАМ, Максим Димитриевски, порача дека политиката мора да биде во функција на државата и интересот на граѓаните, а не борба за позиции.

„Не влеговме во Владата за фотелји. Влеговме затоа што веруваме дека Македонија може да биде подобро место за живеење и дека државата мора да се гради со работа, морал, одговорност и резултати.“ истакна Димитриевски.

Тој нагласи дека отчетноста не смее да биде само политичка фраза, туку обврска на секој што ја добил довербата од граѓаните. „Ние не се криеме зад партиски фрази и дневнополитички партиски соопштенија. Она што сме го направиле ќе го покажеме. Она што не сме го направиле ќе го кажеме. А она што останува пред нас ќе го завршиме. Македонија нема време за уште едни изгубени години“ порача претседателот на ЗНАМ.

ЗНАМ е единствената политичка партија во Македонија која по две години пред граѓаните излегува со конкретен отчет за својата работа и резултатите што ги постигнала, без коруптивни скандали, афери и лични интереси зад себе. Со тоа покажуваме дека политиката може да се води поинаку, со работа, одговорност и чесност.

На панел-дискусијата свое излагање за постигнатото во изминатите две години имаа и потпретседателот на ЗНАМ и пратеник, Павле Арсоски, кој се осврна на работата на Собранието и законските решенија, како и потпретседателот на Движењето ЗНАМ и министер за земјоделство, шумарство и водостопанство, Борче Серафимовски, кој говореше за мерките и политиките кои се спроведени за македонското земјоделство и домашното производство на храна.

Димитриевски порача дека за функционерите на ЗНАМ во Владата претстои уште многу работа, но и дека ЗНАМ ќе продолжи да биде политичка сила која ќе поддржи се што е добро за државата, но и ќе биде коректор, и ќе предлага нови сопствени решенија. Исто така ЗНАМ ќе биде отворена и за критики, сугестии и мислења од граѓаните. Затоа што ЗНАМ е формирана од граѓаните за граѓаните. За ЗНАМ Македонија е вредност, обврска и наша заедничка иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Избори во две германски покраини: Нов тест за ЦДУ на Фридрих Мерц

Околу четири милиони луѓе со право на глас денеска излегуваат на покраинските избори во Берлин и Мекленбург-Западна Померанија, што се смета за нов сериозен тест за канцеларот Мерц.

Избори во две германски покраини: Нов тест за ЦДУ на Фридрих Мерц

Околу четири милиони луѓе со право на глас денеска излегуваат на покраинските избори во Берлин и Мекленбург-Западна Померанија, што се смета за нов сериозен тест за канцеларот Мерц, по изборниот дебекл пред две недели на изборите во Саксонија-Анхалт и во период на зголемен притисок врз германскиот канцелар Фридрих Мерц.

Мерц го откажа планираното патување во Њујорк за Генералното собрание на Обединетите нации, а раководството на неговата Це-Де-У вечерва ќе одржи состанок по објавувањето на првите резултати.

Особено неизвесна е ситуацијата за партијата на Мерц во Мекленбург-Западна Померанија, каде последните анкети покажуваат тесна трка меѓу Социјал-демократска апртија и екстремно десничарската алтернатива за Германија, додека Це-Де-У е блиску до изборниот праг од пет проценти. Доколку остане под прагот, партијата првпат би останала без пратеници во покраинскиот парламент.. Во Берлин, пак, партијата на Мерц според анкетите е на второто место за германската левица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Нова тужба против гигантите во областа на вештачката интелигенција

Нова тужба против гигантите во областа на вештачката интелигенција: Обвинувања за договарање со цел забавување на развојот на вештачката интелигенција.

Нова тужба против гигантите во областа на вештачката интелигенција

Постапката е покрената од четворица именувани тужители кои плаќаат претплата за предметните услуги за вештачка интелигенција.

Во петокот, пред суд во Калифорнија, САД, беше поднесена нова тужба во која се тврди дека водечките компании за вештачка интелигенција незаконски се координирале за да го забават развојот на технологијата за вештачка интелигенција.

Тужителите тврдат дека таквите постапки ги прекршуваат правилата за фер конкуренција, бидејќи корисниците кои плаќаат претплата за услуги како ChatGPT, Claude, Grok и Gemini можеби добиваат помала вредност за своите пари.

Според тужбата, клучниот момент на наводната координација се случил на 12 септември. Тогаш извршниот директор на Anthropic, Дарио Амодеи, објавил есеј во кој ја повикува целата индустрија да соработува за забавување на развојот на вештачката интелигенција и понатамошно зајакнување на безбедносните мерки.

Истиот тој ден, според тужителите, Сем Алтман од OpenAI, Елон Маск од SpaceX/xAI и Демис Хасабис од Google DeepMind одговориле позитивно на неговите предлози. Тужбата ја иницирале четворица именувани тужители кои се претплатени на спорните услуги за вештачка интелигенција.

Тие се стремат да го прошират случајот за да вклучат предложена национална класа на други претплатници во Соединетите Американски Држави.

Во тужбата се тврди дека договорот меѓу главните конкуренти за да се обезбеди развој на вештачка интелигенција „побавно отколку што конкуренцијата би диктирала“ има негативно - поточно, антиконкурентско - влијание врз корисниците.

Главниот адвокат на тужителите, Ник Роули, даде остри тврдења во врска со потенцијалните ризици поврзани со развојот на вештачката интелигенција.

„Вештачката интелигенција брзо ќе излезе од човечка контрола и би можела да нè убие сите ако дозволиме безбедноста и протоколите на вештачката интелигенција да бидат регулирани од приватните, себични договори на најмоќните, профитни технолошки компании во светот“, рече Роули.

Тагови: вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер