Фарбањето велигденските јајца е една од најубавите празнични традиции во која уживаат и децата и возрасните. Секоја вредна домаќинка, но и најмалите во домот, по востановената традиција, на Велики четврток ги бојадисуваат велигденските јајца. Има неколку техники, но најважно е првите јајца да се обојат во црвено, а едно јајце да се одвои како чувар на куќата.
Годинава православниот Велигден се слави на 5-ти мај.
Покрај бројните начини на фарбање од користење на креп-хартија, до гелови, бои во кесички, фарбање јајца со кромид, најчесто најомилен е наједноставниот начин. А, оваа руска техника на бојадисување јајца со сушен хибискус ги воодушеви домаќинките ширум светот.
За да ја добиете бојата најдобро, изберете бели јајца. Еве што ви е потребно:
800 мл вода
80 гр чај од хибискус
јајца (број по желба и потреба)
една лажичка сол
Во тенџере ставете сув хибискус, истурете ладна вода и во неа ставете ги јајцата. Кога температурата ќе достигне точка на вриење, варете уште 10 минути. Извадете ги јајцата со лажица и ставете ги на салфетка да се изладат.
Извор: srecna.republika.rs