Како да ги читате декларациите и да препознаете што навистина внесувате - Канал 5

Здравје

Како да ги читате декларациите и да препознаете што навистина внесувате

Во процесот на намалување на телесната тежина и борбата против дебелината, вниманието најчесто се фокусира на количина храна и внесувањето калории

Како да ги читате декларациите и да препознаете што навистина внесувате

Во процесот на намалување на телесната тежина и борбата против дебелината, вниманието најчесто се фокусира на количина храна и внесувањето калории. Сепак, подеднакво е важно да се разбере нејзиниот состав. Токму затоа современите пристапи, сè повеќе укажуваат на потребата од подобро информирање и разбирање на секојдневните избори - почнувајќи од она што е напишано на декларацијата на производот.

Зошто декларацијата е поважна отколку што мислиме

Декларацијата на производот е основен извор на информации за неговиот состав, но многу потрошувачи не ја читаат или ја толкуваат површно.

Што прво да барате на декларацијата

Еден од најважните елементи е списокот на состојки, кој секогаш е подреден по застапеност - од најзастапена до најмалку застапена состојка. Ова значи дека првите состојки на списокот сочинуваат најголем дел од производот. Покрај тоа, важно е да се обрне внимание на енергетската вредност, но и на односот на макронутриентите - јаглехидрати, масти и протеини. Само бројот на калории честопати не дава целосна слика за квалитетот на производот.

Скриениот шеќер и неговите имиња

Шеќерот не се појавува секогаш под тоа име на декларациите. Често е присутен во различни форми, како што се гликоза, фруктоза, сахароза или разни сирупи. Токму затоа потрошувачите може да имаат впечаток дека не консумираат многу шеќер, иако е присутен во неколку состојки на еден производ. Токму овој „расеан“ шеќер може да придонесе за зголемување на телесната тежина, особено кога се комбинира со често консумирање на индустриски преработена храна.

Маркетиншките заблуди и пакувањето

Етикетите како „light“, „fit“ или „без додаден шеќер“ често се доживуваат како гаранција за поздрав избор. Сепак, ваквите производи може да содржат други состојки кои влијаат на енергетската вредност или метаболизмот, како што се додадени масти или замени за шеќер. Затоа е важно да се потпрете на декларацијата, а не исклучиво на пораките на предната страна од пакувањето.

Како да се информирате

Разбирањето на декларациите не бара стручно знаење, туку неколку основни правила - проверете ги првите состојки, обрнете внимание на скриените форми на шеќер и погледнете го производот во целина, а не преку една етикета. Таквиот пристап овозможува постепено усвојување на поздрави навики и подобро управување со исхраната, што е клучен дел од процесот на намалување на вишокот телесна тежина.

Токму затоа современиот пристап кон дебелината сè повеќе ја нагласува комбинацијата едукација, промени на животните навики и медицинската поддршка, кога е потребна. Овој пристап потврдува дека информираноста е првиот чекор, но дека трајните резултати честопати бараат пошироки, системски решенија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС и Филипче молчеа кога пропаѓаше Еуростандард банка a денес глумат загрижени за Алта банка

Лицемерието на СДС и Венко Филипче повторно излегува на површина. Денес се обидуваат да отвораат прашања и да шират загриженост за Алта банка, а кога во нивно време пропадна Еуростандард банка, ги немаше никаде.

ВМРО-ДПМНЕ: СДС и Филипче молчеа кога пропаѓаше Еуростандард банка a денес глумат загрижени за Алта банка

Каде беа тогаш Филипче и СДС? Каде беше нивната загриженост за граѓаните, штедачите и сите оние кои претрпеа штета од пропаѓањето на банката?

Јавноста се сеќава на Еуростандард банка, на сомнежите и прашањата за кредитирањето на фирми блиски до СДС и Заев, како и на повлекувањето на средствата од страна на тогашната министерка за финансии Нина Ангеловска, непосредно пред затворањето на банката.

Нина Ангеловска, неколку дена пред да пропадне банката, си повлече од неа 250 илјади евра.

Граѓаните знаат и за одлуките на тогашните институции и на начинот на кој беше одземена дозволата за работа на банката, без претходно да биде воведена друга форма на администрација.

Затоа, денес СДС звучат премногу лицемерно. Не може СДС да глумат загриженост денес, а да се заборави начинот на владеење на СДС и прашањата кои останаа неодговорени од вчера.

Банкарскиот систем не смее да биде предмет на политички манипулации, ниту пак институциите да се користат за партиски пресметки.

Разликата е јасна, сега се бара одговорност и институционално постапување, а тогаш се посегнало по криминал.

Двојните аршини на СДС нема да поминат.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Славески вели „сè е во ред“ со Алта банка а граѓаните не можат да дојдат до своите пари

Славески вели „сè е во ред“  со Алта банка а граѓаните не можат да дојдат до своите пари - зошто крие колку Вучиќ префрлил во Македонија?

СДСМ: Славески вели „сè е во ред“ со Алта банка а граѓаните не можат да дојдат до своите пари

Славески ги уверува граѓаните дека „сè е во ред“ со Алта банка.

Во меѓувреме, луѓето не можат да дојдат до своите пари.

Експозитурите не работат, на банкомати се чека со часови, додека пак компаниите слободно префрлаат пари.

Зошто гувернерот крие колку пари Вучиќ префрлил во Македонија?

Дали останаа тука или продолжија понатаму кон Москва? Сега, кога контролата е преземена, не можат да кажат дека не знаат.

Зошто се кријат податоците и дали Мицкоски и останатите членови на мафијата имаат свои сметки во Алта банка?

Во Србија веќе се приведени лица поврзани со Алта банка, а против нив се поднесени кривични пријави.

Кај нас сè уште се крие обемот на трансферот и се тврди дека банката е во одлична форма. Ако е така, зошто граѓаните не можат да си ги подигнат заштедите?

Славески воведува мерки за заштита на криминалните пари, наместо да ги заштити штедните влогови и парите на граѓаните, особено на пензионерите кои имаат сметки во Алта банка.

Ова е заштита на капиталот на криминалците, на сметка на граѓаните чии депозити се заробени.

Обвинителството мора да реагира. Дадовте заклетва дека сте во служба на граѓаните, не на оваа мафија на власт. Ќе одговарате и вие ако продолжите да ја чувате оваа банда.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Демократите со предност на среднорочните избори во САД, Трамп пред изборен тест

Американските гласачи денеска излегуваат на среднорочни избори, на кои ќе се оценуваат првите две години од вториот мандат на Доналд Трамп.

Демократите со предност на среднорочните избори во САД, Трамп пред изборен тест

Анкетите им даваат предност на демократите за освојување на Претставничкиот дом.,Додека битката за контрола врз Сенатот останува неизвесна.Се гласа за 435 места во Претставничкиот дом и за 35 сенатори.

Проценките се дека незадоволството од високите цени и трошоците за живот му штетат на Трамп,а дополнителен притисок создаваат царинската политика и војната со Иран.

Трамп водеше интензивна кампања и одржа повеќе од 20 предизборни митинзи.Тој ги обвини демократските кандидати дека се радикални и опасни.

Демократите се надеваат дека ќе освојат мнозинство во двата дома на конгресот. Тоа би им овозможило да отвораат истраги и да ги блокираат неговите именувања.. Секако резултатите ќе покажат колкава е поддршката за трамп и неговата политика.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер