Како брзо да го исчистите замрзнатото ветробранско стакло на автомобилот (видео)

Мразот се собира на ветробранското стакло дури и кога нема снег, доволно е температурите во текот на ноќта да паднат под нулата.

Зимата е време кога наутро возачите имаат проблем со чистењето на замрзнатите стакла на автомобилот. Повеќето возачи користат лопатки односно стругалки за мраз.

@ekwthegamer How to get ice off your windshield the easy way #fyp #fypシ #shocking #mindblown #tiktoktips ♬ Sneaky Snitch - Kevin MacLeod

Изгледа чудно, но...

Експертите за автомобили и автомеханичарите советуваат да избегнувате истурање топла вода врз замрзнатото ветробранско стакло бидејќи тоа може да предизвика пукање на стаклото. Доколку користите гребалки, ризикувате да го изгребете стаклото.

Дури и кога нема снег, доволно е во текот на ноќта температурата да падне под нулата и стаклата да замрзнат.

Меѓутоа, неодамна на социјалните мрежи се појави многу необичен начин за брзо и ефикасно отстранување на мразот од прозорците на автомобилите. Многумина што го пробале, тврдат дека функционира, па не е чудно што ваквите видеа се споделуваат во толкав број.

Како што можете да видите на видеото што го објавил еден од корисниците на мрежата, мажот прво се обидува да го изгребе мразот со кредитна картичка, но тоа не му успева. И потоа се досетува. Се враќа дома и во една обична најлонска кеса полни ладна вода од чешма, ќесата ја затвора за да не истекува, а потоа со таа кеса лесно го отстранува мразот од шофершајбната.

Следеа бројни реакции на неговата објава.

- Само истурам чаша ладна вода и мразот веднаш го снемува.

- Дали некој од вас слушнал за течност за чистење стакло?

- Можете да испрскате алкохол, мразот веднаш паѓа, а стаклата стануваат беспрекорно чисти.

- Луѓе, ова функционира толку добро што повеќе нема да трошам пари на гребалки за мраз.

- Ми изгледаше глупаво, но кога го пробав овој метод, лично се уверив дека навистина функционира – беа дел од коментарите на неговата објава.

Искусните возачи советуваат при паркирањето навечер да го свртите автомобилот кон исток, мразот ќе се стопи при првите сончеви зраци дури и кога е студено. Некои сметаат дека ставањето картон или стара крпа врз шофершајбната во текот на ноќта може да помогне. Во секој случај, на вас останува да изберете што најмногу ви одговара.

Извор: srecna.republika.rs

Тошковски: Однесувањето на премиерот Џафери кон вработените во МВР е недозволиво

Тој бара од техничкиот премиер Џафери да се извини за неговото однесување во СВР Тетово. 

- Министерот за внатрешни работи Панче Тошковски преку соопштение реагира во однос на вчерашното видео кое се појави во јавноста, а на кое се гледа како техничкиот премиер Талат Џафери, како што се посочува, ненајавено упадна во просториите на Отсекот за управни работи Тетово каде во моментот овластените службени лица ги извршуваа своите работни задачи.

-Како министер за внатрешни работи, а пред се како човек сметам дека секој вработен во МВР заслужува максимална почит, без оглед на неговата позиција во рамки на хиерархијата или било каква припадност и таа почит треба да биде изразена од страна на секого, независно дали е премиер, министер или извршува било каква друга функција. Таквото однесување на премиерот спрема вработените, особено спрема една колешка сметам дека е недозволиво, несоодветно и не доликува на човек кој извршува таква функција, а уште повеќе и поради фактот што таа жена според информациите што ги добив е сопруга на човек кој го дал својот живот во извршување на работни задачи, токму како припадник на Министерството за внатрешни работи, се наведува во реакцијата на техничкиот министер за внатрешни работи Тошковски.

Воедно, тој бара од техничкиот премиер Џафери да се извини за неговото однесување во СВР Тетово.

-Во таа насока сметам дека најмалку што може техничкиот премиер Талат Џафери да направи во овој момент е да се извини за ваквото однесување и во иднина да се воздржи од вакви постапки кои сигурно нема да придонесат за подобрување на работата на институциите, стои во реакцијата на министерот Тошковски, соопшти МВР.

Техничкиот премиер Талат Џафери вчера беше во ненајавена посета во СВР Тетово и ги посети канцелариите каде што се поднесуваат барања и се врши фотографирање на граѓаните за лични карти, пасоши и возачи дозволи со новото уставно име на државата.

Британија издвојува 245 милиони фунти за помош на украинската армија

Велика Британија ќе одвои 245 милиони фунти за помош на вооружените сили на Украина, за набавка на муниција и ревитализација на синџирот за снабдување со гранати, соопшти денеска британската влада.

Најавено е и потпишување на серија договори во вредност од милион фунти, меѓу агенцијата за набавка на оружје на британското Министерство за одбрана и компанијата „Кук дефенс системс“ за набавка на стотина резервни делови гасеници за поправка на украински тенкови и други оклопни возила.

Министерот за одбрана на Велика Британија, Грант Шепс, во четвртокот во Парламентот ја потврди испораката на дополнителни 200 противтенковски ракети „Brimstone AFU“, со што вкупниот број на испорачани проектили од овој тип во Украина се зголеми на повеќе од 1.300. /МИА

Хамилтон ќе се обиде да научи италијански пред да се приклучи на Ферари

Седумкратниот светски шампион Луис Хамилтон одговори на прашањето дали ќе научи италијански пред да се приклучи на Ферари во 2025 година.

- Во сите овие години не можев да научам други јазици, но секако дека ќе се обидам. Се сеќавам кога се тркав со картинг во Италија, можев да научам нешто, па се надевам дека брзо ќе се сетам на овие фрази, изјави Хамилтон за официјалната веб-страница на Формула 1.

Британецот вози за Мерцедес од 2013 година. На 1 февруари се дозна дека на крајот на сезоната 2024 година ќе го напушти германскиот тим и ќе се приклучи на Ферари. Беше објавено дека Хамилтон потпишал долгорочен договор со Скудерија.

Минатата сезона, 39-годишниот Хамилтон го освои третото место во генералниот пласман на возачи, со 234 поени. /МИА

притисни ентер