По истрагата од речиси една година , судот решил парите да им се вратат на сопствениците , но ако бидат најдени. Швајцарските медиуми сега пренесуваат приказна каде завршиле парите.
Целата приказна почнува во мај 2017 кога вработените во швајцарска банка во тоалетна школка наоѓаат 40 000 евра во банкноти од по 500 евра. Парите ги предале во полиција , а во текот на истрагата на безбедносните камери било откриено како три жени и маж на неколку пати од личниот трезор одат во тоалетот.
Истиот дена вработените во блиската кафеана откриле дека тоалетот им е затнат од банкноти од по 500 евра. Успеале да спасат 8 500 евра. Во соседниот ресторан , пак чистачката и готвачот нашле околу 26 000 евра заглавени во цевките на умивалникот. Еден месец подоцна се затнал и тоалетот во блиската пицерија , од каде вработените извлекле 60 000 евра.
Минатата зима еден Шпанец им признал на полицајците дека парите се во сопственост на семејството на неговата сопруга , на кои им се заканувале во Шпанија , па решиле парите да ги депонираат во Швајцарија. Не е јасно зошто парите завршиле во тоалети , а не останале во сефот во банката и зошто биле искинати.
Шпанското семејство не ги сака парите назад , така што судот во Женева конечно решил парите да им ги подари на оние кои ги нашле низ тоалетите.
Бидејќи уништувањето пари не е казниво дело , полицијата им дозволила на новите сопственици на искинатите и полу уништени банкноти да си ги заменат во банка за нови петстотки.