Забава

Кајли Џенер им подарила по 100 000 долари на свои обожувателки со проблеми (ВИДЕО)

Најмладата милијардерка на светот , Кајли Џенер , одлучи да им подели милион долари на жени со потеби.

Прва за помош беше нејзината голема обожувателка Ешли Алмонте , која неодамна се откажала од факултет за да и помогне на мајка си , која работи како учителка во сиромашно училиште , во кое учат деца на бездомници.

Кајли реши да ја изненади Ешли со тоа што ќе отиде во хотелот кај неа лично, ја нашминка, направи фотосесии со неа и на крајот на дружбата , на нејзе и мајка и им подари по 100 000 долари.

Ешли и нејзината мајка плачеле од радост и не можеле да веруваат што се случува со нив, а Кајли ја замолила со тие пари да го заврши факултетот, а мајката да најде помош . Ова очигледно не беше доволно, па реши да даде уште 50 000 долари на училиштето каде работи мајката на Ешли.

На крајот од дружењето, Ешли и нејзината мајка се запознаа со Крис Џенер.

Кајли Џенер деновиве ќе подари донации од 1 милион долари на разни жени, помогнати од Елен Деџенерис и нејзината мајка Крис Џенер.

Свет

Во руски напад во Сумската област оштетен високонапонски објект на Укренерго

Високонапонскиот објект на Националната енергетска компанија „Укренерго“ е оштетен во руски напад со беспилотни летала и ракети врз Сумската област во Украина.

- Меѓу оштетената цивилна инфраструктура е и високонапонски објект на „Укренерго“ … Екипите за поправка на „Укренерго“ работат на постепено враќање на снабдувањето со енергија на потрошувачите, соопшти операторот.

Како што пренесува Укринформ, во соопштението се додава дека руските напади врз енергетските капацитети во регионот Харков не престануваат и оти вчера од безбедносни причини била исклучена опремата на локалната регионална енергетска компанија.

- Поголемиот дел од неа веќе е вратена во функција, но целосното обновување на снабдувањето со енергија е попречено од непријателствата во близина на објектите на енергетската инфраструктура, се вели во соопштението.

Свет

Израел почна евакуација на Рафа пред планираната воена операција

Израелските одбранбени сили (ИДФ) денеска почнаа да го евакуираат Рафа во јужниот дел на Појасот Газа пред планираната воена операција во градот.

- Почнуваме операција со ограничен опсег за привремено евакуирање на жителите на источен Рафа, изјави портпаролот на ИДФ.

ИДФ ги повикаа жителите на источниот дел на градот на границата со Египет да се преселат во кампот Ал-Маваси на Медитеранот неколку километри северно. Според портпаролот на ИДФ, се проценува дека се погодени околу 100.000 луѓе. Тие биле информирани преку СМС порака, телефон, летоци и преку медиуми на арапски јазик.

Луѓето треба да одат во „проширена хуманитарна област“ во областа Ал-Маваси. Таму има храна, вода и лекови, рече портпаролот на ИДФ. Армијата исто така постави теренски болници. Портпаролот не можеше да каже колку време имаат луѓето да се евакуираат.

Тој нагласи дека доставувањето хуманитарна помош за населението ќе продолжи непречено за време на операцијата за евакуација. Таа може да се донесе до крајбрежниот појас преку различни рути, на пример преку пристаништето во Ашдод.

Свет

ОН ја осудија забраната на Ал Џезира во Израел

Обединетите нации ја истакнаа важноста на слободата на медиумите по одлуката на Израел да ја забрани Ал Џезира во земјата.

- Ние сме силно против секоја одлука за укинување на слободата на медиумите. Слободните медиуми обезбедуваат непроценлива услуга за да се обезбеди јавноста да биде информирана и ангажирана, изјави синоќа во Њујорк портпаролот на ОН Стефан Дужарик.

Израелскиот премиер Бенјамин Нетанјаху вчера соопшти дека неговиот кабинет едногласно гласал за затворање на телевизијата Ал Џезира во Израел. Телевизијата ја осуди одлуката и истакна дека ќе ги искористи „сите можности“ за заштита на своите права и вработените.

притисни ентер