Врз основа на информација од Македонската полиција, во Драч, Р.Албанија спроведена е меѓународна полициска операција во која лишени од слобода се М.Џ.(26), роден во Скопје и С.Н.(34), роден во Норвешка, двајцата припадници на организираната криминална група „Беланоца“, за кои Интерпол има издадено меѓународни потерници за сторени кривични дела „убиство”, „убиство во обид”, „тешка телесна повреда”, „недозволено изработување, држење и тргување со оружје или распрскувачки материи” и „злосторничко здружување”.

При лишувањето од слобода, кај лицата пронајдени се фалсификувани лични документи, за кои постои сомнение дека ги користеле за да ја напуштат територијата на нашата држава и да ја избегнат правдата. Акцијата е резултат на повеќемесечна соработка на Македонската полиција, Американската дипломатска безбедносна служба (ДСС) и безбедносните органи на Р. Албанија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Велат дека не треба да се губи време, туку СДСМ, Левица, ДУИ, и останатите партии да ги решат сите отворени прашања, вклучувајќи го и изборниот модел и финансирањето, а владината коалиција ВМРО-ДПМНЕ, Вреди и ЗНАМ ќе дадат бланко поддршка. Единствен услов повторија дека е дијаспората на која инсистираат да и се олесни начинот на гласање.

-Што сакаат, како сакаат, за што тие сметаат дека треба да бидат прифатени, за нас ќе бидат прифатливи, веднаш даваме бланко поддршка, го потпишуваме тоа законско решение кој што тие било го доставиле до нас, се додека е вклучено гласањето на дијаспората. Сметаме дека имаме уште време наредната недела, до 15 јули, оваа цел да ја заокружиме и да зацртаме 10 од 10 исполнети цели. Сето тоа која што тие го имаат како разлики, за која што велат дека на некој начин кочиме или имаме различност во ставовите, не е вистина.- Бојан Стојаноски – пратеник на ВМРО-ДПМНЕ

СДСМ и понатаму има сомнежи и гледаат скриени намери кај власта. Тврдат дека се прави терен за неуспех во реформската агенда, а главен виновник да биде опозицијата која не се согласува на предлог измените. Со гласање на иселениците без физичко присуство, велат дека се отвора врата за изборни нерегуларности, за што веќе најавија дека нема да дадат поддршка.

„ Изборниот законик за Мицкоски не е цел, туку изговор.Тој и неговата криминална група не сакаат да го донесат овој закон за да имаат алиби зошто не ја исполнуваат Реформската агенда. Тие свесно го блокираат процесот за да можат да кажат дека „опозицијата не дозволува“. А вистината е дека тие не сакаат ЕУ. / СДСМ нема да дозволи изборен грабеж, ниту со електронско гласање, ниту со гласање преку пошта без контрола. “-Богданка Кузеска – портпарол на СДСМ

Засега нов меѓупартиски состанок не е планиран. Најава има само од Левица од каде изјавија дека следната недела ќе иницираат средба со СДСМ и ДУИ, за да постигнат консензус околу една изборна единица како најважно прашање од пакетот измени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Гасоводниот интерконектор кон Грција влегува во значително поинтензивна фаза на реализација. По интензивната координација меѓу Министерството за енергетика, рударство и минерални суровини, НОМАГАС и грчкиот оператор ДЕСФА, динамиката на изградбата е засилена, а проектот веќе бележи видлив напредок на терен.

Министерката за енергетика, рударство и минерални суровини, Сања Божиновска, заедно со претставници на Министерството, ДЕСФА и НОМАГАС изврши увид во градежните активности на трасата на гасоводниот интерконектор со Грција. при што беа информирани од изведувачот за текот на проектот, како и дека се создадени услови за значително забрзување на изградбата.

Во моментов се завршени 95 проценти од експропријацијата, расчистени се околу 85 проценти на трасата, а завршено е и производството на сите цевки предвидени за проектот. Досега се испорачани цевки во должина од 34 километри, од кои 21 километар се веќе распоредени долж трасата. Извршено е заварување на 13,7 километри цевковод, реализирани се повеќе од 800 успешни заварувања, а над 6300 метри цевка се веќе положени во земја. Паралелно, завршени се шест од седумте планирани премини под патишта, а обезбедени се и околу 65 проценти од придружните објекти - блок-станиците.

Изведувачот е дополнително технички доопремен со автоматски машини за заварување, што ќе овозможи значително забрзување на работите и исполнување на предвидената динамика.

Теренската посета следува по работните состаноци што Министерството ги одржа со извршниот директор на НОМАГАС, Недим Рама, и главната извршна директорка на ДЕСФА, Марија Сферуца и тимот на ДЕСФА, на кои беше потврдена заедничката определба за интензивна координација и реализација на проектот согласно утврдените рокови. Истовремено беше потврдена и заедничката оценка дека интерконекторот ќе биде завршен во текот на наредната година.

„Овој проект претставува инвестиција во енергетската безбедност, економската стабилност и идниот развој на државата. Наш приоритет е проектот да се реализира квалитетно, навремено и со максимална динамика. Процесот е забрзан и сите институции работат координирано за успешно завршување на оваа стратешка инвестиција“, истакна министерката Божиновска.

Гасоводниот интерконектор со Грција е еден од најзначајните енергетски инфраструктурни проекти. Со неговата изградба државата ќе обезбеди нов влез за природен гас, пристап до повеќе извори на снабдување, поголема диверзификација и повисоко ниво на енергетска сигурност, како и посилно поврзување со регионалната и европската енергетска инфраструктура.

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.