Македонија

Кај 6 од 7 деца со симптоми на труење, отркиен е норовирусот

Норовирусот кој предизвикува стомачни тегоби, а е познат по својата издржливост бидејќи на цврста површина може да опстане и по неколку недели, е потврден кај шест од досега пристигнати седум примероци од дечиња од училиштето „Димо Хаџи Димов“.

Норовирусот кој предизвикува стомачни тегоби, а е познат по својата издржливост бидејќи на цврста површина може да опстане и по неколку недели, е потврден кај шест од досега пристигнати седум примероци од дечиња од училиштето „Димо Хаџи Димов“, но има материјали што допрва ќе се анализираат па може ова да не е конечниот број на заразени, вели во изјава на Канал 5 Директорката на Институтот за јавно здравје Марија Андоновска. Надлежните досега најдоа фекални бактерии во мусаката од кујната во училиштето, но и во три чешми. Сепак од Институт за јавно здравје потврдуваат дека водата е отфрлена како извор на зараза и е безбедна за пиење. Директорката Андоновска појаснува дека не се знае дали ќе се утврди и детектира конкретна една причина која довела до настанатата состојба, но сè досега укажува на нехигиената како општ причинител.

-Во контакт сме со сите надлежни институции, и ќе треба да се види, но не знам дали ќе се успее да се детектира конкретно од каде е сето тоа во моментов. Сепак, имаме ситуациии кои водат, имаме присуство и на вирус во моментов, но сето тоа практично води до некава нехигиена и потреба во иднина да се подобри хигиената. И тоа не само во ова училиште, туку и во други воспитно образовни институции, градинки. Можеби треба да се размисли за регулативи и поголема контрола,- - Марија Андоновска – Директорка на ИЈЗ.

Четири дечиња од училиштето остануваат во Детската клиника. Директорот Д-р Реџеп Мемеди вели дека иако се во стабилна состојба, неопходно е да се под медицинска опсервација бидејќи се уште чувствуваат симптоми на труење со храна и знаци на болест.

-Од првиот ден вкупно 13 деца од истото училиште побарале медицинска помош на Клиниката за детски болести со иста клиничка слика и симптоматологија. Седум беа задржани на болнички третман, три од нив вчера се пуштени дома, а за четири продолжува хоспитализација поради знаци на болест, мораме да бидеме сигурни за општата состојба на децата, Д-р Реџеп Мемеди.

Во меѓувреме, училиштето е целосно дезинфекцирано и нема прекин на редовната настава, уверува Директорката Лела Николоска, но кујната што се наоѓа во посебен објект во училишниот двор е под клуч со пломба од Агенцијата за храна и ветеринарство. Директорката потенцира дека со кујната не раководи училиштето, туку приватна фирма која е давател на услуги.

-Нашата обврска е само да ги користиме услугите. Надлежност училиштето нема во однос на начинот на работењето на операторот кој што снабдува храна бидејќи тие се пособен правен субјект. Наше е да ја следиме хигиената во училиштето со посебен надзор и насоки, а она што се случува во кујните е надлежност на операторот. Ние ја користиме нивната услуга односно должноста да испорачаме топол оброк за учениците. Редовно, и по четири пати се прави дезинфекција, и сега училиштето е одново дезинфекцирано и нема прекин во редовната работа и настава,- Лела Николоска – Директорка на ООУ „Димо Хаџи Димов“.

Инспектори од Агенцијата за храна и ветеринарство влегоа и во кујните на уште 9 основни училишта во Општина Карпош со кои стопанисува истиот оператор со храна во чија сопственост е и централниот магазин кој се наоѓа во „Димо Хаџи Димов“. Оттаму за Канал 5 велат дека досега немаат резултати, а откако ќе ги добијат анализите од земените примероци ќе се одлучи дали за фирмата ќе има санкции.

Тагови: ИЈЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Огромна лебарка ѝ слета на врат среде пренос- реакцијата на новинарката е хит (ВИДЕО)

Репортерка на KTLA 5 од Лос Анџелес покажа исклучителен професионализам кога голема лебарка ѝ слета на вратот за време на пренос во живо.

Иако беше јасно дека „чувствува“ непосакуван гостин, таа успеа да го заврши својот извештај, објавува Дејли Меил.

Видеото стана вирално

Рејчел Менитоф беше во програма од областа Шерман Оукс за да известува за екстремно високи температури, кога непријатниот инсект влета во кадарот.

„Веројатно не беше сигурна што слета, но едноставно знаете дека има нешто“, рече нејзината колешка од KTLA 5, Џесика Холмс.

Репортерката очигледно ја почувствува лебарката на вратот или додека трчаше по нејзината облека, но не дозволи тоа да ја вознемири. Го заврши извештајот како ништо да не се случило.

„Таа е едноставно толку професионалец“, додаде Холмс.

Откако видеото стана вирално, бројни колеги и корисници на социјалните мрежи ја пофалија новинарката.

„Ќе врескав и ќе избегав“

„Морам да ѝ оддам признание, беше навистина смирена“, рече репортерката на KTLA 5, Ерик Спилман.

Еден корисник на Фејсбук напиша: „Како не трепна? Јас, од друга страна, би го фрлил микрофонот, би вреснал и би избегал.“

Во еден момент, лебарка слета на микрофонот, а потоа излета од кадарот.

KTLA 5 подоцна објави видео, направено по емитувањето, на кое се гледа како Менитоф го спушта микрофонот, ја поминува раката по кожата и ја тресе облеката.

Нејзините колеги се сомневаат дека неодамнешното време е причина за зголемувањето на бројот на инсекти во тој дел од Калифорнија. Како што објаснија, многу луѓе забележуваат повеќе мравки, муви и други бубачки во своите домови поради екстремната топлина.

Тагови: лебарка новинарка

Економија

Русија воведе целосна забрана за извоз на дизел

Русија минатата недела воведе целосна забрана за извоз на дизел во обид да го стабилизира својот домашен пазар на гориво.

Русија минатата недела воведе целосна забрана за извоз на дизел во обид да го стабилизира својот домашен пазар на гориво, кој со месеци се урива под притисок на украинските напади со беспилотни летала врз рафинериите за нафта и логистичката инфраструктура.

Се очекува мерката да овозможи зголемени испораки на домашниот пазар, со најава дека Русија ќе почне да увезува гориво од странство во јули.

Забраната, која важи до 31 јули, за прв пат ги вклучува самите производители на гориво, кои претходно беа ослободени од претходното, делумно ограничување кое ги засегаше само трговците. Испораките според постојните меѓудржавни договори, како оној со Монголија, се ослободени од забраната, објавува ХРТ.

Одлуката доаѓа откако украинските беспилотни летала ги погодија речиси сите преостанати големи рафинерии кои претходно не беа нападнати, вклучувајќи ја и рафинеријата Омск, најголемата во Русија, која беше погодена на 6 јули од далечина од повеќе од 2.500 километри.

Според украинскиот Генералштаб, ова е прв пат од почетокот на војната да бидат погодени сите единаесет најголеми руски производители на бензин.

Само во ноќта на 8 јули, украинските сили дополнително ја нападнаа рафинеријата Саратов, комплексите ТАНЕКО и ТАИФ-НК во Нижнекамск, Татарстан, и пумпната станица Транснефт во близина на Уфа - што укажува на координирана кампања против рафинирање, петрохемикалии и логистика на цевководи во исто време.

Обемот на штетата

Проценките за обемот на штетата варираат: Ројтерс и аналитичарите како оние од Дејли Бриф известуваат дека приближно една четвртина до 30 проценти од вкупниот капацитет за рафинирање на Русија е трајно или привремено надвор од употреба, додека украинските власти тврдат дека до 45 проценти од капацитетот е засегнат.

Следните остануваат меѓу најтешко погодените:

• Рафинеријата Рјазан (не е во употреба од 15 мај),

• Рафинеријата Москва (затворена на 17 мај, аналитичарите не очекуваат да биде во функција пред 2027 година),

• Комплексот КИНЕФ (не е во употреба од 5 мај).

Кога станува збор за извозот, податоците покажуваат континуиран нагли пад. Рускиот извоз на дизел и гасно масло по море во јуни се намали за 39 проценти во однос на мај и за 46 проценти во однос на јуни минатата година.

Според „Кплер“, аналитичка компанија специјализирана за следење во реално време на глобалните текови на суровини, извозот на дизел во првите осум дена од јули изнесуваше само 187.000 барели дневно, во споредба со 535.000 барели дневно во јули 2025 година.

Редици на пумпите

Русија минатата година обезбеди околу 11 проценти од светските залихи на дизел и е втор најголем извозник на гориво во светот, веднаш зад САД.

Главните купувачи - Турција и Бразил, кои заедно апсорбираат барем половина од преостанатите пратки, а во помала мера и Мароко, Египет и Сенегал - сега се соочуваат со најдиректните последици од недостигот.

Што се однесува до производството и побарувачката, прецизните национални податоци за дизелот не се јавно достапни бидејќи руската статистика стана многу помалку достапна од почетокот на војната, но достапните делови покажуваат дека украинските напади значително ја оштетиле инфраструктурата.

Омск произведуваше околу 8 милиони тони дизел годишно во 2024 година (заедно со 5 милиони тони бензин), а сега е целосно надвор од употреба откако нападите ги оштетија единиците CDU-10 и CDU-11, кои заедно сочинуваат три четвртини од неговиот капацитет.

За бензинот, каде што податоците се малку подетални, извори од индустријата за Ројтерс изјавија дека производството во јуни било околу 85.000-90.000 тони дневно, додека летната побарувачка е најмалку 110.000 тони дневно, што е дефицит од околу 20-25 проценти, при што производството е за 25 проценти пониско отколку во јуни 2025 година.

Иако Владимир Путин тврди дека државните резерви на бензин се 1,7 милиони тони, само 4 проценти пониско од минатата година, тоа тврдење е тешко да се помири со глетката на километарски редици на бензинските пумпи.

Според проценката на весникот „Новаја Газета Европа“ од 2 јули, недостигот влијаел на 78 од 83-те региони на Русија, ограничувања на продажбата се воведени во 38, а покрај Крим и Севастопол, вонредна состојба е прогласена и во Пенза, Иркутск и Забајкалскиот крај.

Украинскиот претседател Володимир Зеленски ги опишува нападите врз рафинериите како доказ дека Русија ја изгубила својата долгогодишна предност - длабок заден дел надвор од дофатот на непријателот.

Трка меѓу беспилотни летала и мајстори

На маргините на неодамнешниот самит на НАТО во Турција, американскиот претседател Доналд Трамп ги опиша нападите врз рафинериите како „ескалација што би можела да помогне во завршувањето на војната“, додавајќи дека Путин „сака да види решение“ и дека во последните недели е постигнат „голем напредок“.

Државниот секретар Марко Рубио рече дека капацитетот на Украина за длабински удар ѝ отежнува на Русија да го брани сопствениот воздушен простор, отворајќи простор за преговори.

Кремљ ги отфрли тврдењата како „заблуда“, а портпаролот Дмитриј Песков рече дека Москва ќе одговори на зголемените напади со заземање дополнителна украинска територија.

Путин продолжува да ја нарекува кризата „привремена“ и инсистира дека не е критична, обвинувајќи го Киев дека се обидува да ја „наруши празничната сезона“ и да создаде „нервна атмосфера“ во руското општество.

Аналитичарот Сергеј Вакуленко од Центарот за Евроазија „Карнеги Русија“ ја опишува ситуацијата како „трка помеѓу украинските дронови и руските тимови за поправка“, додека руските аналитичари предупредуваат дека јули и август би можеле да бидат клучни за исходот од целата кампања.

Засега, најверојатното сценарио е продолжување на трендот - Русија ја ублажува кризата со увоз на гориво од Индија, Белорусија и Казахстан, со планиран увоз до 400.000 тони месечно и намалување на стандардите за квалитет на горивото од Евро-5 на Евро-3.

Искуството од 2023 година, кога беше продолжена слична забрана за извоз на дизел, сугерира дека сегашната мерка лесно би можела да остане на сила по 31 јули ако темпото на поправки на рафинериите не се забрза.

Тагови: Дизел русија

Свет

Петгодишно дете успеало да избега од куќата на ужасот: Живеело во фекалии, влечел кебе натопено во урина

Голо 5-годишно момче од Пенсилванија храбро избегало од дом каде што го поминало поголемиот дел од времето заклучено во соба покриена со измет, претворена во импровизирана затворска ќелија.

Голо 5-годишно момче од Пенсилванија храбро избегало од дом каде што го поминало поголемиот дел од времето заклучено во соба покриена со измет, претворена во импровизирана затворска ќелија, додека неговите тројца старатели се уапсени за ужасното злоставување, објавува „Њујорк пост“.

Неидентификуваното 5-годишно дете било пронајдено голо и како талка на средина од улица во близина на неговиот дом во општината Сватара, кратко пред 7:30 часот наутро во петок, соопшти државната полиција на Пенсилванија.

Naked Pennsylvania boy, 5, escapes hell house after spending most of his life locked inside feces-covered room; 3 adults arrested https://t.co/3fRzh9o7kO pic.twitter.com/O1e3V4VE4p
— New York Post (@nypost) July 15, 2026

Загрижените минувачи го запреле момчето, кое носело само зелено ќебе натопено во урина, и останале со него додека не пристигнале службите за итни случаи, кои го пренеле во локалната болница на лекарски преглед.

Полицијата не открила како момчето успеало да избега од домот.

Истражителите утврдиле дека момчето дошло од напуштена куќа само неколку блока од местото каде што било пронајдено. По влегувањето во зградата, тие нашле сцена што ја опишале како навистина ужасна.

Полицијата соопшти дека пронашла услови типични за екстремно складирање во домот - ѓубрето било расфрлано насекаде, внатре имало стотици муви, а големиот број на натрупани работи го отежнувало движењето.

Во една спална соба, за која било утврдено дека му припаѓала на момчето, на вратата имало инсталирана порта за бебиња. На надворешната страна од рамката на вратата имало бројни пластични врвки, селотејп и дрвени штици прицврстени со завртки за да се спречи момчето да ја напушти собата, соопшти полицијата.

Изметот бил размачкан по ѕидовите и прозорците, додека во собата имало уништен кревет покриен со остатоци од храна. Подот од собата бил преполн со ѓубре и разни детски играчки.

A 5-year-old Pennsylvania boy escaped a hoarder home after being confined for years, leading to the arrest of three adults on child endangerment charges.

Read more, link in bio. #Pennsylvania #CrimeNews #USNews https://t.co/RCp3eJxkx4
— DC Brief (@DCBrief_) July 15, 2026

Полицијата утврдила дека момчето околу 90 проценти од времето го поминало заклучено во таа барикадирана соба, каде што му биле давани гранола плочки, житарки, сок, млеко и вода низ отворите на безбедносните порти.

Тројца возрасни во домот - идентификувани како Такер Хиги, 20, Џејд Шуи, 21, и Стефани Шафнер, 42 - наводно го капеле момчето само еднаш неделно, понекогаш и поретко.

Тројцата беа идентификувани како старатели на момчето, но нивната точна врска со детето не е откриена.

Шуи им кажа на полицајците дека момчето понекогаш останувало заклучено во соба до три дена без да излезе, принудувајќи го да врши нужда во собата, по што размачкувало измет по ѕидовите.

За да го пуштат момчето да излезе од собата, возрасните морале да исечат помеѓу пет и десет пластични врвки што ги држеле решетките заедно, потоа секој пат да ставаат нови врвки и да ги прицврстуваат со селотејп, призна Хиги.

Според истрагата, старателите ги купувале пластичните врвки на големо во локална продавница бидејќи често ги користеле.

Поради ужасните и крајно нехигиенски услови во куќата, вклучително и општата состојба на зградата, локалниот општински инспекторат ја прогласил куќата за непогодна за живеење и ја забранил нејзината употреба. Хиги, Шуи и Шафнер биле уапсени и сите биле обвинети за загрозување на благосостојбата на дете, соопшти полицијата.

Тагови: дете