Забава

Кафуле во Париз нуди можност да пратите писмо до себеси во иднина

Кафуле во Париз, покрај вообичаеното кафе и кроасан, ќе Ви понуди и можност да си испратите писмо и разгледница до себеси во иднина. И, сѐ тоа - за доста пристапни цени.

Кафуле во Париз нуди можност да пратите писмо до себеси во иднина

Пишувањето писмо до своето идно, поискусно јас, се вели, може да се искористи како алатка за самопреиспитување и личен раст. А, откако ќе го напишете писмото, може да го добиете и само за една, но и за пет или 20 години. Така, „гостите имаат прилика да си ги отворат своите срца и да ги споделат мислите“ со себеси, појаснуваат од „Кафе Пли“ - првото вакво кафуле во Франција.

Идејата и концептот, основачот Женевјев Ландсман, всушност, ги открил за време на патување во Јужна Кореја, па решил да ги пренесе во француската престолнина.

Исто така, доколку сакате, наместо себе - да испратите писмо до саканата, или друга личност - и тоа е можно.

Кафулето брзо стана светски познато, а неговата популарност дополнително ја зголеми објавата на американската „инфлуенсерка“ Мелиса Амала, чие видео собра повеќе од половина милион прегледи.

Како функционира овој концепт во ова уникатно кафуле? Гостинот, на пр. има и разни пенкала, налепници и картички со инспиративни прашања достапни за да му го олеснат пишувањето. Кога ќе го напишете писмото, тоа се става во плико, cе запечатува со восок и се става во една од кутиите во кафулето. Ако сакате да го добиете писмото во рок од една година, може да го изберете и точниот датум на пристигање. Меѓутоа, ако одлучите да чекате подолго - пет или 20 години, писмото ќе го добиете на почетокот на таа година.

Дали писмото ќе се изгуби? Вработените во кафулето тврдат дека писмата се чуваат на безбедно место и се организирани според датумот на испраќање.

При можна промена на адресата, „Кафе Пли“ нуди и ажурирање на личните податоци преку нивната интернет-страница.

Цените, инаку, зависат од времето на испорака и дестинацијата: Писмо коешто треба да стигне во рок од една година чини 15 евра; Ако треба да го добиете за пет години - 25 евра; За 20 години, цената е 45 евра. Доколку испраќате писмо вон Франција, ќе доплатите четири евра. /МИА

Свет

Завршија разговорите на делегациите на САД и Русија во Ријад- следува усогласување

Делегациите на Руската Федерација и Соединетите Американски Држави го договараат текстот на заедничката изјава по завршувањето на преговорите во Саудиска Арабија, изјави за РИА Новости извор запознаен со преговорите.

Завршија разговорите на делегациите на САД и Русија во Ријад- следува усогласување

„Усогласувањето е во тек“, рече изворот, појаснувајќи дека станува збор за заедничка изјава.

Преговорите за делегација траат повеќе од 12 часа. Претседателот на меѓународниот комитет на Советот на Федерацијата, Григориј Карасин, изјави дека претставниците на Русија и на САД ги завршуваат преговорите во Ријад, пренесе Скај Њуз.

Експертскиот состанок меѓу рускиот и американскиот технички тим започна утрово, а се одржува зад затворени врати во хотел.

Како што претходно соопшти Кремљ, средбата главно била посветена на темата Црноморска иницијатива, која била предмет на разговор и при последниот телефонски разговор меѓу рускиот и американскиот претседател Владимир Путин и Доналд Трамп на 18 март.

Македонија

Протестен марш во Скопје: „Доста бевме ние, системот е следен!“

Под мотото „Доста бевме ние, системот е следен!“, вечерва во Скопје се одржува протестен марш во организација на граѓанската иницијатива „Кој е следен?“...

Протестен марш во Скопје: „Доста бевме ние, системот е следен!“

Протестот започна во 18 часот и 59 минути, симболично за 59-те жртви, на плоштадот Македонија, па продолжи пред Собранието и Владата...

Таму е Дејан Трајковски... Дејан, кои се пораките и барањата на граѓаните?

Свет

Сијарто: Повеќето земји- членки на ЕУ сакаат да продолжи војната во Украина

Унгарскиот министер за надворешни работи Петер Сијарто изјави дека повеќето либерални бриселски лидери сакаат војната во Украина да продолжи.

Сијарто: Повеќето земји- членки на ЕУ сакаат да продолжи војната во Украина

Унгарскиот министер за надворешни работи Петер Сијарто изјави дека повеќето либерални бриселски лидери сакаат војната во Украина да продолжи, но дека Унгарија останува посветена на својата позиција дека се потребни преговори, врз основа на американско-рускиот договор, за да се запре војната.

Сијарто рече дека Брисел ја покренал идејата за заобиколување на унгарското вето за да може да обезбеди дополнителна помош за Украина. Тој за РТ изјави дека Унгарија во текот на изминатите три години јасно стави до знаење дека нема решение на бојното поле за украинскиот конфликт, кој може да се запре само преку преговори.

„Претходната американска администрација фаворизираше војна, додека претседателот Доналд Трамп сака мир“, рече Сијарто, пренесе агенцијата МТИ.

Тој нагласи дека Унгарија високо ги цени тековните преговори меѓу САД и Русија. Сијарто истакна дека добрите односи меѓу Вашингтон и Москва се добри за глобалната безбедност.

„Светот стана многу побезбедно место благодарение на Трамп. Ризикот од ескалација е далеку помал отколку за време на администрацијата на Бајден“, оцени Сијарто.

Според него, Централна Европа „сега е многу поблиску до мирот отколку кога било во изминатите три години“. Сијарто рече дека лидерите на ЕУ спроведоа „многу лоша стратегија“ од избувнувањето на војната во Украина, нанесувајќи им штета на европската безбедност и економијата. „Секогаш ќе постапуваме во согласност со нашите национални интереси“, рече Сијарто, оценувајќи дека тоа е „непријатно за повеќето европски либерали“, пренесе Телеграф.

притисни ентер