Во пресрет на првата годишнина од трагедијата, здружението на граѓани 16ти март интензивно се подготвува да изгради спомен обележје за жртвите, но наидуваат на несогласувања од дел од сограѓаните.. Тие предлагаат да биде во центарот на Градот, во близина на паркот за да биде лесно достапен..

Градоначалникот Владко Грозданов вели дека е помината јавната анкета во однос на барањето на родителите на починатите и здружението 16 март, а општинскиот совет на следната седница треба да ја донесе одлуката за доделување место за градба на споменикот, иако во буџетот на општината не се предвидени средства за изградба на споменикот.. Како што вели градоначалникот има несогласувања околу локацијата кои се усно искажани, но ништо до општината не стигнало на писмено.

Инаку, откако во јавноста се појавија информации дека на неодамнешната лидерска средба немало слух за исплаќање отштета на семејствата на загинатите, поради тоа што пожарот се случил во приватен објект, од здружението на граѓани 16ти март излегоа со став дека државата нема право на различен третман на жртвите..

-Во конкретниот случај постои и инволвираност на носители на јавни функции, кои постапувале или не постапувале од позиција на јавни овластувања, претставувајќи ја државата и државните институции. Таквото постапување или непостапување, кое довело до штетната последица, ја засилува обврската на државата за институционална одговорност и за донесување одлука по барањето доставено од Здружението. – стои во реакцијата од - Здружение граѓани 16 март.

Меморијален споменик за жртвите, освен во центарот на Кочани ќе се гради и на Пониква, за што веќе е завршен проектот и е добиено решение за изградба...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.