Македонија

Кацарска: Одржани рекорден број седници и примени 210 иницијативи

Граѓаните се сѐ повеќе информирани за Уставниот суд и неговата улога.

Претседателката на Уставниот суд Добрила Кацарска одржа годишна прес-конференција на која ги изнесе заклучоците од работењето на Судот во текот на 2023 година и истакна дека покрај непополнетиот состав на Судот, одржани се рекорден број на седници, што како што рече, не било случај во последните 22 години.

Кацарска соопшти дека до денеска во Уставниот суд се примени 210 иницијативи и оваа бројка, вели таа, отскокнува од просекот во изминатите 5 години кој се движи меѓу 130-170, ако се исклучи 2020-та година кога поради Ковид-пандемијата беа оспорени стотици Уредби на Владата кои што се однесуваа на преземените мерки.

-Оваа бројка од 210 нови иницијативи и уште 7 барања за заштита на слободи и права е векторот што нам ни носи информација дека граѓаните се сѐ повеќе информирани за Уставниот суд и стануваат свесни за неговата улога и значење во нашиот правен поредок. Најголемиот број од иницијативите или околу 60 % се пристигнати токму од граѓани од целата држава, или уште попрецизно, имаме примено 127 иницијативи од граѓаните. Петнаесет предмети се оформени по иницијатива на различни општини, седум предмети се иницирани од политички партии, а осумнаесет се на иницијатива на здруженија на граѓани, соопшти Кацарска.

Посочи дека еден од заклучоците оваа година е воведувањето на уставна жалба за граѓаните. Упати апел до политичарите и политичките партии да им овозможат на граѓаните за сите слободи и права да се обратат до Уставниот суд, наместо правдата да ја бараат во Стразбур, нешто коешто, како што рече, ја чини државата и даночните обврзници парични средства, како и нарушен углед.

Оваа тема, вели Кацарска, нѐ седна на заедничка маса за дискусија со невладиниот сектор, со претставници на меѓународни организации и претставници на академската заедница и заклучокот е дека постои реална потреба од воведување на уставна жалба во Македонија.

-Граѓаните ќе ги препознаат заложбите, затоа што уставна жалба значи дека секој да ги ужива сите права од Уставот и да бара да му се заштитат пред Уставниот суд кога e сторена повреда, без оглед на политичка, етничка или било која друга припадност. Поддршка добивме од претседателот на државата Стево Пендаровски, а министерот за правда Кренар Лога преку медиумите изјави дека ја поддржува идејата за уставна жалба. Не треба да се пропушти да се каже дека и дел од меѓународните претставници изразија поддршка за воведување на овој правен инструмент. Се надевам дека сите останати чинители во Република Северна Македонија ќе дадат еден сериозен пристап на прашањето за воведување на уставна жалба, рече Кацарска.

Во одговор на новинарско прашање поврзано со времената мерка на Уставниот суд, со која се замрзна исплатата на надополнувањето на основната плата за 30 проценти на вработените во Министерството за финансии и вработените во другите органи на управата, кои денес протестираа пред Уставниот суд, рече дека надополнувањето на плати согласно Законот за буџет основно е дека истите немаат утврдено такво право ниту во закон, ниту во колективен договор.

-Ние секогаш одлучуваме за секој предмет во смисла дали законите се во согласност со Уставот, дали колективните договори и другите пониски акти се во согласност со законите и Уставот. Во конкретниот предмет нарушено е владеењето на правото, една од темелните вредности на нашиот Устав. Таа категорија на вработени коишто добија не додатоци, туку една категорија е спомената надополнување на плати согласно Законот за буџет основно е дека истите немаат утврдено такво право ниту во закон, ниту во колективен договор. Значи, на секој вработен треба да му биде утврдено правото во законот или во колективен договор, а не со Законот за буџет да се надополнува некој износ од плата, рече Кацарска.

Забава

Американка заработува 4 милиони долари месечно на сајт за возрасни: Христијанка сум и девица

Таа е најуспешната корисничка на OnlyFans, заработувајќи неверојатни 3,2 милиони фунти месечно - но Софи Рајн, 20-годишната девојка од Флорида, исто така е посветена христијанка и тврди дека сè уште е девица.

Оваа девојка заработила неверојатна сума пари за само една година на платформата за содржини за возрасни – сето тоа без никаков секс. „Јас сум девица. Сè уште сум девица, до ден-денес“, рече Софи на подкастот.

Покрај тоа, таа рече и дека е посветена христијанка. „Не правам ништо со никого на моите OnlyFans. Тоа сум само јас“, додаде таа. Софи може да се пофали со повеќе од девет милиони следбеници на TikTok, пет милиони на Instagram и три милиони на Snapchat.

Еден анонимен обожавател, маѓепсан од младата инфлуенсерка, потрошил дури 4,7 милиони долари на нејзината содржина во последните неколку месеци, за што добил јавна благодарност од интернет ѕвездата.

Во неодамнешниот подкаст со Камила Араухо, креаторката на содржини за возрасни отворено зборуваше за нејзината заработка. Камила праша: „Свесна си дека си главна ѕвезда на OnlyFans, нели? Само треба да знам, колку заработуваш месечно?“ На што Софи, малку колебливо, одговори: „Не сакам да ти го скршам срцето“.

Но, откако на водителката ѝ го дала телефонот на кој се прикажува нејзината заработка на OnlyFans, Камила, јасно шокирана, признала: „Мислам дека ќе се расплачам... Четири милиони долари? Четири милиони долари за еден месец?“

„400.000 долари во последната недела... И повеќе од тоа“, одговорила Софи. Камила потоа ги прашала обожавателите на Софи: „Како давате толку пари? Имате сопруги, деца, поранешни партнери, сметки. Дами, ако го гледате ова, проверете го телефонот на вашиот маж, бидејќи 4 милиони долари месечно. Ќе ја најдете таа врска во неговата историја на пребарување“, заклучила таа.

Иако Софи отсекогаш сакала да стане позната инфлуенсерка, не можела да замисли дека еден ден ќе заработи милиони на OnlyFans. Таа призна: „Сè уште чекам да се разбудам од сонот. Ништо од ова не ми е реално“.

Иако Софи заработува неверојатни суми пари, кога зборува за својата иднина, таа вели дека само „ја чека вистинската личност“ со која ќе го помине остатокот од животот. Иако нема проблем да ги плати сметките, кариерата не ѝ го олеснила пронаоѓањето на мажот од соништата.

Таа претходно изјави за Џем Прес дека нејзината работа ѝ го отежнува излегувањето и изразила фрустрација од додворувачите кои „сакаат да излегуваат со неа само поради нејзиното тело, а не поради тоа што е како личност“. Иако, според извештаите, Софи од Тампа пораснала на социјална помош, таа сега ги користела своите приходи за да им помогне на нејзините родители да ги платат долговите.

Таа гордо изјави: "Сега моите родители не мора да живеат од плата до плата. Тоа е сè што некогаш сакав да го правам и тоа е една од главните причини зошто го правам тоа што го работам. Ги гледав како се мачат додека растев. Погодивте, а тие не го заслужија тоа“.

Поради својата провокативна работа, Софи често се наоѓа на удар на интернет тролови. На платформата X, Софи му одговори на еден корисник кој напиша: „Ве молам, престанете да ги нарекувате проститутките „модели“. Ви благодариме“.

Но, се чини дека на Софи не ѝ пречат ваквите коментари на интернет, бидејќи таа одговори: „Можете да ме викате што сакате. Ќе се смеам на пат до банката“. Покрај соочувањето со скептиците, Софи мораше да ги предупреди обожавателите и за корумпирани поединци кои ги користат нејзините фотографии за да измамат наивни мажи.

„Сметам дека е крајно морничаво да гледам како моето тело или лице го користи некој друг. Луѓето се преправаат дека сум јас за да ги измамам наивните мажи и да вадам пари од нив“, ја откри својата загриженост во подкастот.

Свет

Го чекале таткото да се врати, кога дознале страшна вистина: Летот му бил резервиран по смртта

Летот на убиениот татко за дома од Шпанија бил резервиран по неговата смрт.

Џон Џорџ (37) исчезнал на крајот од неговото тринеделно патување во Аликанте. Тој требало да се врати дома во Белфаст со авион на 18 декември, соопшти неговото семејство, но никогаш не се качил на летот.

Кога последен пат се слушнал со семејството на 14 декември, звучел нервозно. После тоа, неговиот телефон замолкнал.

Алармот се вклучил откако Џон, татко на две деца, не се вратил дома. Сепак, дотогаш тој бил мртов веќе четири дена, застрелан и убиен вечерта на 14 декември.

Шпанската полиција открила дека неговиот лет на easyJet од Аликанте до Белфаст бил резервиран откако бил убиен, објави Метро.

Речиси еден месец откако е убиен, неговото тело во распаѓање било пронајдено под дрвја на приватен имот во руралните средини Рохалес, 45 минути јужно од Аликанте.

Маж (32) е уапсен под сомнение за убиство откако телото на таткото било пронајдено на 6 јануари. Во меѓувреме тој е пуштен откако платил кауција, додека полицијата трага по уште две лица.

Метро пишува дека обдукцијата се уште не е завршена, а Џон ќе биде погребан следната недела откако неговото тело ќе биде префрлено во Белфаст.

Мотивот за убиството се уште не е познат, додека истрагата продолжува.

Свет

Мајка од Австралија го труела своето бебе, го снимала додека се грчело и снимките ги продавала

Мајка од Австралија е обвинета дека ја злоставувала својата едногодишна ќерка, ја труела и потоа поставила нејзини снимки на интернет.

Таа на интернет поставила снимки од својата ќерка, за која тврдела дека е болна, а потоа од своите следбеници барала пари, објави Њуз18.

Полицијата во Квинсленд соопшти дека 34-годишната жена ѝ дала на својата ќерка неколку лекови без рецепти.

Злоупотребата на девојчето ја откриле лекарите во болницата, кои сомнителниот случај веднаш го пријавиле во полиција.

„Додека детето имало болки, таа го снимала, а потоа снимката ја објавила на социјалните мрежи. На овој начин го привлекла вниманието на луѓето, кои ѝ платиле пари за лекување“, се вели во полициското соопштение.

Жената, чиј идентитет не се соопштува, е уапсена и обвинета за пет точки за труење дете, злоупотреба и експлоатација на малолетно лице.

Полицијата соопшти дека ќе направи сѐ за да го спаси детето од опасност и да ги повика на одговорност сите престапници.

Се очекува жената утре да се појави пред судот во Бризбејн.

притисни ентер