ЈЗУ Здравствен дом Скопје со нова опрема вредна 40.420 евра како донација од Јапонија

Нова опрема вредна 40.420 евра доби Јавната здравствена установа Здравствен дом во Скопје, како донација од Јапонија, во рамки на ЏЏП-проектот. 

Опремата е составана од три дефибрилатори, четири аспиратори, две пумпи за шптицови, две пумпи за инфузија, десет спинални даски, две столови за евакуација и 20 електрокардиографи.

По тој повод, амбасадорот на Јапонија, Севада Хиронори денеска оствари кратка средба со директорот на ЈЗУ Здравствен Дом во Скопје, Виктор Исјановски, организацискиот директор на ЈЗУ Здравствен дом во Скопје Бесим Кока и менаџерката на оваа установа, Милица Бубало, при што разговараа и за можностите за идна соработка.

По средбата, директорот Исјановски изјави дека оваа донација директно придонесува до подобрувањето на условите за давање на здравствени услуги на граѓаните на Град Скопје и околните населени места.

Тој информираше дека во текот на 2021 година, службата за итна медицинска помош направи 6,485 ЕКГ записи, 3,362 интервенции кај сообраќајни незгоди и трауматски повреди со употреба на спинална даска и 5,162 медицински транспорти на пациенти на територија на Град Скопје.

-Здравствен дом со помош на проектот за грантови преку Амбасадата на Јапонија ќе допринесе за подобрување на медицниската опрема во примарната здравствена заштита и итната помош. Благодарност за донацијата, со која ќе обезбедиме повисоко ниво на давање здравствена заштита и поголема бебзедност за сите пациенти, изјави Исјановски.

Во име на Здравствениот дом Скопје и во име на вработените од оваа установа, директорот Исјановски му предаде благодарница на јапонскиот амбасадор.

Јапонскиот амбасадор Савада изјави дека минатата година со оваа донација беа извршени 6.485 прегледи на пациенти со градна болка, а новите спинални имобиризатори беа употребени во 3.362 интервенции, при сообраќајни незгоди и трауматски повреди.

Со оваа донација, како што рече, Јапонија помогна да се пружи итна медицинска помош и на 8.962 пациенти со Ковид-19.

Како што додаде, преку ЏЏП Јапонија финансираше над 60 проекти во здравствениот сектор во вкупна вредност од над 3 милиони евра конкретно во медицинска опрема, реновирање на клиники и итна помош. Исто така, во последните две години Јапонија ги опремува јавните здравствени установи со медицинска опрема во вредност од 813.000 евра како итна помош за Ковид-19, дел од Програмата за економски и социјален развој и дополнителна нефинансиска помош понудена во лекови за сто пациенти со Ковид-19.

Преку проектите од програмата за мали гранотив, Јапонија има финансирано реновирање и набавка на опрема за повеќе од 72 училишта и градинки, 64 здравствени установи и обезбедила 34 специјализирано возило за управување со отпад и комунални услуги за 51 општина.

Двегодишно девојче со аутизам си ја јаде куќата- се буди ноќе и ги гризе ѕидовите, мебелот...

Стејси А'Херн (25) побарала помош и совет бидејќи нејзината ќерка Винтер боледува од ретко нарушување во исхраната.

Пикавата болест се карактеризира со консумирање на нејадливи материјали, како земја, камен, креда, хартија... и најчесто се манифестира на возраст од една до две години.

Очајната мајка мора постојано да го надгледува детето, бидејќи се плаши дека ќе се повреди, пренесува Метро.

Таа истакнува дека Винтер ја затекнала како јаде гипс од ѕидовите, полнење на каучот, страните на столовите, а исто така кршела и рамки за слики обидувајќи се да го изеде стаклото.

„Нервозна е со нормална храна, но ќе јаде сунѓер. Таа скрши осум рамки и се обиде да го изеде стаклото. За среќа, никогаш не се повреди, бидејќи внимателно ја набљудувам“, објаснила Стејси.

Мајката од Блеквуд, Велс, секогаш е на „штрек“ и првпат забележала како Винтер става работи во уста кога била бебе.

Тогаш таа не мислела дека е сериозно, но работите се промениле „преку ноќ“.

„Потоа таа стана невербална и нејзините навики во исхраната ескалираа“, објаснила Стејси, која потоа го однела детето на лекар.

По деталните тестови, на Винтер во јануари годинава ѝ било дијагностицирано нарушување на пик, но и аутизам.

„Ја ставам на столче, но таа не јаде грицки, таа го јаде столот. Аутизмот влијае на нејзиниот сон, често се буди ноќе. Еднаш ја најдов како ги џвака креветчето и ќебето“, рекла мајката.

Таа нагласува дека е исцрпувачки да се надгледува детето 24 часа на ден, седум дена во неделата.

„Сепак, влегов во рутина и ги разбирам нејзините потреби. Успевам да ѝ го привлечам вниманието со таканаречените сензорни игри и купив ѓердан за џвакање, специјално дизајниран за луѓе кои боледуваат од пик“.

Истовремено, на девојчето ѝ нуди тестенини со различни форми, бидејќи може да ги допре, да си игра со нив и на крајот да ги изеде.

„Лекарите рекоа дека не можеме многу да направиме“, заклучила мајката.

Момче (24) ги држел нозете во сув мраз за да наплати осигурување, па станал инвалид- обвинет е

Бизарната приказна доаѓа од Тајван, каде маж идентификуван само со презимето Чанг е обвинет за обид за измама на осигурувањето.

Наводно сакал да наплати повеќе од еден милион евра, бидејќи лани во февруари му биле ампутирани нозете поради смрзнатини, пренесува LadBible.

Момчето (24) тврди дека премрзнал по несреќа со скутер. Лекарите немале друга опција освен да му ги ампутираат нозете до колена.

Меѓутоа, обвинителството го обвинува дека направил бизарен план во договор со школскиот другар Лиао (24).

Судските документи наведуваат дека тој ги потопил стапалата во кофа со сув мраз, каде температурата достигнала -78 степени Целзиусови.

Обвинителството тврди дека соучесникот го врзал за стол со сајли, а најмалку 10 часа му ги држел нозете во кофата.

Тајванското биро за криминалистичка истрага (CIB) тврди дека Чанг обезбедил повеќе високоплатени осигурителни пакети само неколку дена пред несреќата.

Судот слушна дека тој се обидел да наплати отштета од пет осигурителни компании, но безуспешно. Вкупната сума достигнала еден милион евра.

„Тајван е суптропски регион и нема познати случаи на тешки смрзнатини кои бараат ампутација. Во деновите кога се случи несреќата измерени се температури меѓу шест и 17 степени, што е претопло за смрзнатини“, соопшти ЦИБ.

За време на рацијата во 2023 година, полицијата пронашла кофа во станот на Чанг што најверојатно ја користеле обвинетите, како и кутија од полистирен во која имало сув мраз.

Хорор во Словачка: Девојка загина откако падна во бездна, бегајќи од мечка (ВИДЕО)

Татјана (31) од Белорусија загина во петокот во Словачка по сомнителен пад од височина.

Наводно ја бркала мечка, која подоцна била пронајдена во близина на нејзиното тело со крвава уста, пренесува Блиск.

Словачката планинска спасувачка служба соопштила дека телото на девојката било извлечено од шума во Ниските Татри во петокот навечер.

Во меѓувреме, полицијата потврдила уште еден напад на мечка во неделата во Словачка, во кој биле повредени две лица.

Првата застрашувачка вест за смртта на Татјана (31) звучела неверојатно - во шумата над Демановска долина мечка ја распарчила девојката. Меѓутоа, набрзо било откриено дека жената починала откако паднала од стрмна карпа, откако таа и мажот со кој била, биле бркани од мечката.

Татјана и нејзиниот пријател Константин (29) се од Белорусија, но долго време живееле во Полска, додека мажот работел како инструктор за скијање во Ниските Татри, пишуваат медиумите во Словачка.

На крајот на сезоната, тој наводно сакал да ѝ ја покаже на Татјана убавината на планините каде што работел во текот на зимата.

„Му дадовме неколку совети. Зошто ја одбра токму оваа маршрута, не знам. Можеби затоа што живееше во Лазиски и патеката почнува токму таму“, вели еден од колегите.

Што точно се случило засега не е познато, но медиумите јавуваат дека двајцата налетале на мечка. Од страв тие наводно почнале да паничат и трчале во различни правци, додека мечката ја бркала Татјана.

Теренот во околината не само што е карпест, туку и екстремно стрмен, додека влажната трева веројатно била исклучително лизгава. Ако девојката навистина се лизнала на стрмната падина, немала шанса да застане. Областа е затворена за туристичката јавност до 15 јуни.

Спасувачите ја пронашле Татјана мртва, но мечката се уште била блиску до нив.

Заменик началникот се сретнал со мечката очи во очи.

"Имав куче трагач со мене. Кога ја откривме младата жена, покрај неа стоеше мечка. Воопшто не покажуваше знаци на срамежливост", рекол тој. Само предупредувачки истрел ја избркал мечката.

Наводно била во близина на жената со крвава вилица, објавија медиумите.

Предаторот наводно е веќе познат. Веќе на крајот на летото талкал по теренот за голф во Тале, а екипата на итната помош се обидела да ја заспие.

Еден од спасувачите во петокот го препознал знакот за идентификација на увото на мечката. Забележал и крв што тече низ устата на мечката. Затоа, заштитниците на природата веруваат дека се работи за таканаречен предаторски напад. Мечката очигледно ја влечела веќе мртвата девојка по земја.

Да потсетиме, во неделата имало нов напад, а две лица завршиле во болница откако биле нападнати од мечка во градот Липтовски Микулас во Словачка, соопштија од итната помош.

Властите соопштија дека 49-годишна жена се здобила со повреда на рамото, а 72-годишен маж се лекува поради расекотина на главата. Локалните медиуми јавуваат дека полицијата ја избркала мечката надвор од градот во шумата.

На социјалните мрежи се појавија снимки на кои се гледа како мечка трча по улица.

притисни ентер