Јутјубери се снимале како јадат во ресторан, кога во нив се забил автомобил (ВИДЕО) - Канал 5

Живот

Јутјубери се снимале како јадат во ресторан, кога во нив се забил автомобил (ВИДЕО)

Страшна ситуација се случи во ресторанот Cuvee's Culinary Creations во Хјустон, Тексас.

Јутјубери се снимале како јадат во ресторан, кога во нив се забил автомобил (ВИДЕО)

Јутјуберите Нина Анрејтид и Патрик Блеквуд, двајца јутјубери кои водат влогови за својот живот, ги снимаат своите омилени ресторани и друго, беа во ресторан и го пробуваа менито кога одеднаш автомобил се заби во ресторанот, кршејќи го стаклениот ѕид веднаш до нив.

Нина и Патрик го објавија целото видео на својот канал. На почетокот требаше да биде рецензија за ресторанот, но се претвори во приказна за несреќа и нивните повреди. „Речиси умревме“, пишува во описот на видеото на YouTube.

„Здраво на сите. Дури и не знаеме како да почнеме, благодарение на тоа што имаме неверојатна среќа што сме живи по она што ни се случи. Само седевме во пријатна кабина во нашиот омилен ресторан, уживајќи со неверојатен избор на храна како лосос, остриги, макарони со сирење, ракчиња и некои освежителни пијалоци“, напишаа тие во описот.

Имаат посекотини на лицето и телото

Нина и Патрик ја пробуваат храната на почетокот на видеото. Сепак, кратко откако почнуваат да јадат, се гледа како стакло се крши покрај Патрик, по што автомобил се забива низ ѕидот до нив. Нина веднаш почна да трча, по неа и Патрик, но стаклото веќе паднало врз нив, предизвикувајќи им посекотини на лицата и телата.

„Се смеевме, се забавувавме одлично и токму кога почнавме да јадеме - бум. Од никаде, овој теренец се удри во стаклениот ѕид со брзина од 56 до 64 км/ч. Стаклото се распрсна насекаде, настана хаос“, се додава во описот.

YouTube video

Потоа дојдоа сцените со брзата помош. За среќа, немало сериозни повреди, но јутјуберите останаа во шок. Патрик призна дека се чувствувал „благословен“ што е жив, но му требало време да разбере што се случило. „Драго ми е што сум жив. Само сакам да бидам опкружен со моите миленици, да лежам во својот дом, да јадам сладолед“, рече тој.

„Ова можеше да биде нашиот последен оброк“

Нина сподели слична мисла: „Не знам дали сум среќна или можеби грешам во моментов, но едноставно сакам да пукнам и да заплачам“.

Подоцна, Нина објави слики од нивните повреди на Инстаграм. „Опуштете се, простете, живејте во сегашноста и ценете ги оние околу вас - ова можеше да биде нашиот последен оброк“, напиша таа.

Сопственичката на ресторанот разговарала со TMZ за ситуацијата, наведувајќи дека иако двајцата Јутјубери биле однесени во болница поради повреди, возачот е сосема добро и ќе биде одговорен за штетата на ресторанот.

Тагови: автомобил ресторани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер