Живот

Јутјубер го посетил градот на најголема надморска височина: Сѐ се менува ноќе (ВИДЕО)

Градот Ла Ринконада се наоѓа на надморска височина од 5.100 метри во перуанските Анди и се смета за највисоко населено место на планетата.

На оваа надморска височина, атмосферата е исклучително ретка, а локалното население живее секој ден со само 50% од вообичаеното ниво на кислород. Иако природата околу градот е прекрасна, животот таму е далеку од бајка.

„Сè се менува ноќе“

Овој оддалечен рударски град неодамна го посети популарен Јутјубер, кој го документираше своето искуство со многу детали.

Тој ја нарече Ла Ринконада „најнеобичното место“ што некогаш го посетил, каде што тепачките на улиците „се случуваат речиси секој ден“ и хаос владее „штом ќе падне ноќта“.

Младиот човек тврди дека му било советувано „да не излегува по зајдисонце“, бидејќи тогаш „сè се менува“.

Истрели одекнуваа во темнината

И покрај ризиците, додава тој, сретнал многу добронамерни луѓе, претежно рудари, кои работат до 30 дена без плата, но имаат право да задржат што и да најдат за еден ден - најчесто злато.

Јутјуберот тврди дека слушнал истрели и врескања во текот на ноќта, додека неговиот снимател видел три физички пресметки од прозорецот на неговиот хотел, објавува LadBible.

Полицијата која го обезбедувала друг јутјубер, италијанецот Зазу, објаснила дека многу од прекршителите биле маскирани како рудари, што го отежнувало нивното фаќање.

Зазу забележал дека има ѓубре на улиците, дека луѓето работеле 12 часа на ден на голема надморска височина и дека за многумина алкохолот бил единствениот начин да избегаат од секојдневниот живот.

Фасцинантна природна убавина

И покрај сè, гостите ја опишуваат Ла Ринконада како место со фасцинантна природна убавина, но и како суров приказ на човековата борба за опстанок во екстремни услови.

„Да се биде на едно од најубавите места на планетата, а истовремено да се гледа најлошото што луѓето можат да го направат - тоа е Ла Ринконада“, заклучил јутјуберот.

Тагови: град јутјубер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.