Јупитер е помал отколку што се веруваше - Канал 5

Наука

Јупитер е помал отколку што се веруваше

Јупитер е убедливо најголемата планета во нашиот Сончев систем, но новите мерења покажаа дека е малку помала отколку што се веруваше претходно.

Јупитер е помал отколку што се веруваше

Користејќи податоци од роботското вселенско летало „Џуно“ на НАСА, научниците ги добија најпрецизните мерења на обликот и големината на петтата планета од Сонцето досега. Овие информации овозможуваат поцелосно разбирање на гасниот џин и неговата сложена внатрешна структура, објавува „Ројтерс“.

„Џуно“ забележа дека Јупитер има екваторски дијаметар од 142.976 километри, осум помалку отколку што покажаа претходните мерења. Исто така, беше откриено дека дијаметарот на најголемата планета од северниот до јужниот пол е околу 133.684 километри, односно 24 помалку отколку што се веруваше.

„Џуно“ орбитира околу Јупитер од 2016 година

Јупитер, исто како Земјата, не е совршена сфера, туку е делумно „сплескан“, а новите податоци покажуваат дека ова е малку повеќе отколку што покажаа претходните податоци. Екваторот на Јупитер е околу седум проценти подолг од неговиот вертикален дијаметар. Од друга страна, екваторот на Земјата е само 0,33 проценти подолг од неговиот вертикален дијаметар.

Претходните мерења на Јупитер беа базирани на податоци собрани од вселенските летала „Војаџер“ и „Пионир“ на НАСА кон крајот на 1970-тите. „Џуно“, лансирана во 2011 година, орбитира околу најголемата планета од 2016 година, испраќајќи сурови податоци назад на Земјата.

НАСА ја продолжи својата мисија во 2021 година, давајќи им можност на научниците да продолжат да вршат мерења што потоа ќе овозможат попрецизни студии.

Тагови: Јупитер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Градоначалникот Митовски со празнична порака до граѓаните: Крива Паланка ги чествува деновите на верата, традицијата и рударството

Градоначалникот на Општина Крива Паланка, Сашко Митовски, утрото на 28 август го започна со видео-честитка до граѓаните, по повод  празничните денови кои имаат особено духовно, историско и традиционално значење за Крива Паланка.

Градоначалникот Митовски со празнична порака до граѓаните: Крива Паланка ги чествува деновите на верата, традицијата и рударството

Во својата порака, Митовски упати честитки по повод Успение на Пресвета Богородица – 28 Август, како и во пресрет на 29 Август – празникот на Св. Јоаким Осоговски, светителот чие име и духовно наследство со векови се нераскинливо поврзани со Крива Паланка и Осоговието.

„Ова се денови што имаат посебно место во срцето на секој кривопаланчанец, денови на верата, традицијата и духовноста, кои нè обединуваат и нè потсетуваат на вредностите што ги наследуваме и ги пренесуваме на идните генерации. Нека празничните денови донесат здравје, мир, благосостојба и радост во секој дом“, порача Митовски.

Градоначалникот воедно упати честитка и по повод Денот на рударите, нагласувајќи дека Крива Паланка, како рударски крај со долга традиција, со особена почит им оддава признание на луѓето чиј труд, храброст и истрајност се значаен дел од развојот и стопанскиот идентитет на општината.

„На сите рудари им го честитам празникот со искрена благодарност за нивниот труд и посветеност. Ви посакувам пред сè добро здравје, безбедна работа и многу професионални и лични успеси. Крива Паланка го почитува и вреднува трудот на своите рудари“, истакна градоначалникот.

Со празничната видео-порака, Митовски го најави почетокот на двата значајни празнични дена – 28 и 29 август, кога Крива Паланка традиционално живее во духот на верата, традицијата, гостопримството и почитта кон своите вредности.

Тагови: Крива Паланка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни четири пожари – се уште гори кај скопски Сарај, Гостивар, Македонски Брод и општина Чашка

Се уште се активни четири пожари, три се под контрола, а 24 се изгаснати, соопшти Центарот за управување со кризи.

Активни четири пожари – се уште гори кај скопски Сарај, Гостивар, Македонски Брод и општина Чашка

Се уште критични се пожарите во општина Сарај, Гостивар, Македонски Брод и општина Чашка. Во пожарите зафатени се шума, ниска вегетација. Од ЦУК инфорамираат дека под контрола се пожарите во општина Делчево на депонијата, општина Студеничaни и Зелениково..

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Православната црква ја одбележува Голема Богородица

Православната црква и верниците денеска ја чествуваат Голема Богородица.

Православната црква ја одбележува Голема Богородица

Успение на пресвета Богородица е еден од најголемите христијански празници. Овој празник ја одбележува смртта на Богородица, а денес завршува и летниот пост од 14 дена. Во манастирот Успение на Пресвета Богородица на скопска Матка верниците на утринска литургија со молитва за здравје и мир.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер