Свет

Јулија Навални зборува пред Советот за надворешни работи на ЕУ

Сопругата на покојниот руски опозициски лидер Алексеј Навални, Јулија Навални денеска зборува зад затворени врати пред Советот на ЕУ за надворешни работи.

„Изразивме длабоко сочувство до Навални“, напиша на мрежата Икс првиот човек на ЕУ за надворешна политика и безбедност, Жозеп Борел, кој претседава со состанокот.

„Режимот на Путин ќе сноси одговорност за смртта на Навални“, додаде тој.

„Како што рече Јулија, Путин не е Русија. Русија не е Путин. Ќе продолжам да го поддржувам граѓанското општество и независните медиуми во Русија“, истакна Борел.

Свет

Авион се излизга на писта и се запали- патниците врескаат во паника (ВИДЕО)

Боинг 737 со 78 патници се излизгал од пистата и се запалил на аеродром во Сенегал.

Несреќата се случила при полетување, кога авионот се излизгал од пистата и завршил во шума.

Авионот се запалил по инцидентот и претрпел сериозна штета.

На интернет веднаш почнаа да кружат фотографии од запален авион кој лета под компанијата Transair.

Сите летови на аеродромот, кој се наоѓа во близина на главниот град, се суспендирани до понатамошно известување.

Итните служби успеале навреме да ги евакуираат патниците.

За среќа нема жртви, но десетина патници се повредени.

Да потсетиме, оваа несреќа доаѓа само еден ден откако друг авион Боинг 767 се урна при слетување на аеродром во Турција.

Технологија

Русите планираат да постават нуклеарен реактор на Месечината: Почнавме со подготовките

Русија започна со развој на нуклеарна централа за планираната заедничка лунарна станица со Кина, изјави вчера Јуриј Борисов, шеф на руската вселенска агенција Роскосмос, а пренесува агенцијата РИА.

Борисов, поранешен заменик министер за одбрана, во март изјави дека Москва ја разгледува идејата за напојување на централата со нуклеарна енергија. „Русија и Кина ја разгледуваат можноста за поставување нуклеарен реактор на Месечината меѓу 2033 и 2035 година, што еден ден би овозможило изградба на лунарна населба“, изјави тогаш Борисов.

„Сериозно го разгледуваме проектот за испорака и инсталирање енергетски реактор на површината на Месечината заедно со кинеските колеги“, рече тогаш Борисов.

Во Русија моментално се активни 11 нуклеарни централи, додека во Кина се активни 55 нуклеарни реактори. Борисов во март рече дека соларните панели нема да можат да произведат доволно електрична енергија за напојување на идните населби на Месечината, додека нуклеарната енергија би можела.

Тој додаде дека тоа е многу голем предизвик и треба да се направи без човечко присуство. Борисов потврди и дека Русија планира да изгради товарен вселенски брод на нуклеарен погон.

Свет

Деветмина загинати во Кина при судир на камион со патничко комбе

Девет лица загинаа, а две се повредени утринава во судир на камион и патничко комбе на автопат во северозападна Кина.

Повредените се во стабилна состојба, јавија кинеските медиуми.

Возачот на комбето е меѓу загинатите, додека возачот на камионот добил итна медицинска помош, изјави кинески претставник.

Снимките од локалните медиуми покажуваат дека предниот дел на комбето е целосно уништен.

Властите соопштија дека се истражуваат причините за несреќата, пренесе ABC News.

притисни ентер