Јубилеј за македонскиот фудбал – 105 години од првиот официјален натпревар - Канал 5

Фудбал

Јубилеј за македонскиот фудбал – 105 години од првиот официјален натпревар

Македонскиот фудбал денеска слави јубилејни 105 години од првиот официјален фудбалски натпревар одигран во Македонија, кој се одигра тогаш во рамките на отоманската империја. Официјален датум откога започнува да се испишува македонската фудбалска историја е 9 април далечната 1909 година.

Јубилеј за македонскиот фудбал – 105 години од првиот официјален натпревар
Тогаш, на празникот Велигден, група турски војници и офицери на школување во западноевропските земји одиграле натпревар меѓу себе на импровизираното игралиште на полјанката зад Учителската школа во населбата Ислахане (Идадија) во Скопје.

- Првите фудбалери биле турски војници што престојувале во касарната во скопско Дебар Маало, а денот бил толку студен што на полувремето играчите морале да ги облечат шинелите за да се стоплат, пишува Ивко Панговски во својата книга „Скопски фудбалски незаборави“.

Две години подоцна, во 1911-та, формиран е првиот фудбалски клуб во Македонија, под име Ускип (Скопје), претходница на СК Вардар во 1912 година, на Пелистер од Битола во 1914 и на Војновиќ во 1915 година. Во април 1919 година во старата зграда на кафеаната „Кермес“ во Градскиот парк е одржано основачкото собрание на СК Напредак, кој набргу потпаѓа под патронат на англиската хуманитарна организација „Христијанска заедница на младите луѓе“. Овој клуб на 20 април 1919 година го одигра првиот официјален меѓународен натпревар во Македонија, забележувајќи ја првата победа над репрезентацијата на англиската војска, со 2-0.

Во годините на Втората светска војна, за време на германско-бугарската окупација, била забранета работата на многу фудбалски клубови. Десетина беа примени за членови на Бугарската фудбалска федерација, која ги распореди да се натпреваруваат во Првата и во Втората бугарска дивизија.

Во есента 1945 година првпат во историјата на македонскиот фудбал се формира македонската фудбалска репрезентација, која учествуваше во првото повоено првенство на тогашна Југославија. Македонија првиот натпревар го одигра во Белград и загуби од селекцијата на Војводина со 1-3. Голот-првенец за македонскиот тим го постигна Јане Јаневски во 18. минута.

По Втората светска војна, од 1945 до 1948 година, македонскиот фудбал организациски функционира во рамките на Фискултурниот одбор на Македонија (ФОМ). На 16 август 1948 година тој одбор прераснува во Фудбалски сојуз на Македонија, прв претседател е писателот Коле Чашуле, а прв генерален секретар Драган Геров-Гагуш.

Почетоците или темелите на денешниот ФФМ се поставени на 21 април 1991 година во Струмица. Тогаш беше донесена одлука Фудбалскиот сојуз на Македонија, на чие чело беше Алексо Кипроски, да се раздружи од Фудбалскиот сојуз на Југославија.

Денес ФФМ е модерна фудбалска федерација која која не изостанува во поглед на европскитеи и светски стандарди. Минатата 2013 година седиштето се пресели во т.н. Куќа на фудбалот во Ново Лисиче, модерен комплекс во кој се сместени неколку фудбалски терени, со природна и со вештачка трева.

ФФМ продолжува и со националната стратегија за младинскиот фудбал, и развој на младите категории, преку поттикнување што поголем број на деца да го засакаат фудбалот и во иднина професионално со него да се занимаваат.

Токму за остварување на оваа цел, во декември 2013 година, за прв пат во историјата на македонскиот фудбал, се означи почетокот на сеопфатниот проект за здравствена регистрација и анализа на млади фудбалери, кој опфаќа комплетни здравствени прегледи на повеќе од 400 фудбалери, психолошки анализи, оцена за можностите на секој млад поединец, неговите добри и слаби страни. /Извор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска Давкова по средбата со Јотова: Не се во прашање само уставните измени, туку има и други барања

Од средбата со бугарската колешка Илијана Јотова ни стана јасно дека не се само уставните измени туку и други барања поврзани со протоколите – порача претседателката Гордана Сиљановска Давкова.

Сиљановска Давкова по средбата со Јотова: Не се во прашање само уставните измени, туку има и други барања

Според неа, јасно е дека двете земји имаат различни интерпретации за преговарачката рамка и протоколите, но оцени дека важно е што воопшто има дијалог меѓу двете страни.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претставници на МВР од Одделот за внатрешна контрола во посета на албанската Агенција за надзор на полицијата

Делегацијата на Одделот беше пречекана од директорот на Агенцијата за надзор на полицијата Клевис Ќосе.

Претставници на МВР од Одделот за внатрешна контрола во посета на албанската Агенција за надзор на полицијата

Делегација од Одделот за внатрешна контрола, криминалистички истраги и професионални стандарди предводена од помошник на министерот м-р Ивица Станковски, во организација на DCAF, Женевски центар за управување со безбедносниот сектор, одржа работна посета на албанската Агенција за надзор на полицијата. Делегацијата на Одделот беше пречекана од директорот на Агенцијата за надзор на полицијата Клевис Ќосе.

За време на посетата се разговараше за зајакнување на професионалниот интегритет на вработените и унапредување на внатрешните капацитети. Страните разменија искуства за организацијата и функционирањето на институциите за полициски надзор, методологиите за оперативни истраги, постапувањето по претставки од граѓани, механизмите за отчетност, како и предизвиците поврзани со зголемувањето на транспарентноста и јавната доверба.

Од особена важност беше истакнато зајакнување на регионалната соработка и споделување на најдобрите практики во областа на полицискиот надзор.

Претставниците на Агенцијата го презентираа албанскиот модел на полициски надзор, организациската структура и работните практики на Дирекцијата за истраги и Дирекцијата за инспекции и претставки, додека делегацијата од Одделот ја претстави организациската структура и ги сподели искуствата од приоритетите на Планот за професионален интегритет 2026–2028.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова во Софија оствари средба со Албулена Хаџиу, вршител на должноста претседателка на Косово

На маргините на Самитот на Процесот за соработка во Југоисточна Европа (ПСЈИЕ) во Софија, претседателката Гордана Сиљановска-Давкова оствари средба со Албулена Хаџиу, вршител на должноста претседателка на Република Косово.  

Сиљановска-Давкова во Софија оствари средба со Албулена Хаџиу, вршител на должноста претседателка на Косово

На средбата, обете изразија подготвеност за унапредување на македонско-косовските односи во интерес на стабилноста и европската иднина на регионот.

Сиљановска-Давкова упати честитки за успешното спроведување на парламентарните избори во Косово. 

Таа изрази поддршка на евроатлантските аспирации на Косово и подготвеност за споделување на македонските искуства и експертиза.

Претседателката истакна дека ќе продолжиме да ја поддржуваме политиката на отворени врати на НАТО, како и аспирациите на Косово за членство во регионалните и меѓународните организации и иницијативи.

Сиљановска-Давкова изрази задоволство од успешната примена на „Едношалтерскиот систем“ на граничните премини Блаце и Јажинце.

Според неа, потребно е поголемо искористување на европските фондови за модернизација на граничната инфраструктура и отворање нови гранични премини.

Во однос на безбедносните прашања, Сиљановска-Давкова ја реафирмираше поддршката на дијалогот Приштина - Белград, со посредство на Европската Унија.

Според неа, ваквиот пристап и помирувањето претставуваат единствен одржлив пат кон стабилност, безбедност и соработка во Западен Балкан.

Обете се согласија дека македонско-косовската економска соработка бележи континуиран напредок, а Косово останува еден од нашите најзначајни трговски партнери.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер