Јотова тврди дека официјална Софија ги спровела сите препораки од Советот на Европа - Канал 5

Јотова тврди дека официјална Софија ги спровела сите препораки од Советот на Европа

Бугарската претседателка Јотова тврди дека официјална Софија ги спровела сите препораки од Советот на Европа поврзани со македонското здружение ОМО „Илинден“. 

Јотова тврди дека официјална Софија ги спровела сите препораки од Советот на Европа

Јотова ваквиот став за предметите поврзани со македонската организација како што кажа, му го пренела лично на генералниот секретар на Советот на Европа, Ален Берсе, на вчерашната средба што ја имале во Стразбур. Според Јотова, проблемот за регистрација на ОМО Илинден не бил кај бугарските власти туку во пропусти од македонското здружение, а оваа тема, како што изјави, исклучително многу се користела против Бугарија. Јотова тврди дека Бугарија нема билатерален спор со Македонија, а земјава според неа не ги почитува обврските од францускиот компромис.

– Втората тема беше, се разбира за движењето на досието ОМО „Илинден“ и многу се надеваме дека на една од наредните седници таа сага ќе заврши. Се разбира, јас го потцртав бугарскиот став уште веднаш, за да чуе тој (Берсе) од прва рака, дека ние сме ги спровеле сите нивни препораки до овој момент. Го променивме законот заедно со Агенцијата за регистрација, за да можат таму да се регистрираат. За жал, тие секојпат пропуштаат по некој документ, изјави Јотова.

Од ОМО ,,Илинден-ПИРИН’’ тврдењата на бугарската претседателка ги оценија како целосни невистини и манипулација. Стојко Стојков за Канал 5 вели дека бугарските судови организирано измислуваат непостоечки грешки за да ја одбиваат регистрацијата на македонските организации.

-Ова е директна лага што го кажува. Вистината е дека тие немаат исполнето ништо бидејќи исполнувањето значи да ги регистрираат организациите. Комитетот на министри ги натера да запрат да користат аргументи од типот нема македонско малцинство затоа нема да ве регистрираме и нив им остана само да се повикуваат на технички грешки. Комитетот на министри побара од Бугарија да даде пример бидејќи беше хаос и никој не можеше да разбере што точно е грешка, а што не, да дадат пример на три организации кои што се регистрирани и чиишто документи се перфектни и нема никакви грешки и бугарските власти дадоа три организации минатата година. Од тогаш наваму има десетици обиди на наши организации да се регистрираат користејќи ги документите на овие организации и секој пат, секој суд си измислува нови грешки во документите., изјави Стојков, – ОМО Илинден Пирин.

Европскиот суд за човекови права во повеќе наврати утврдуваше повреди на правото на слобода на здружување и мирно собирање на македонските здруженија во Бугарија, а во моментов има околу 14 пресуди кои Софија не ги спроведува, на што неодамна за време на посетата на Македонија укажа и самиот Берсе. Да се биде членка на Советот на Европа не значи само да се биде дел од клубот, туку и да се прифати обврската на сите пресуди на овој суд, изјави Берсе во мај годинава.

Токму пресудите од судот во Стразбур се еден од главните аргументи и барање на македонската Влада – Бугарија да ги спроведе пресудите како израз на добра волја за подобрување на добрососедските односи, а во услови кога Софија настојува Бугарите да се внесат во македонскиот устав.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Хаос поради нозете на Џеј Ло

Светската музичка ѕвезда Џенифер Лопез покажа дека дури и на 57-годишна возраст може да се пофали со завидна фигура, а нејзиното последно телевизиско појавување повторно привлече внимание поради нејзиниот изглед.

Фото: Хаос поради нозете на Џеј Ло

Извајаните нозе на „жешката“ латиноамериканка Џеј Ло предизвикаа хаос, напорните тренинзи вродија со плод.

Латино дивата Џенифер Лопез гостуваше во емисијата „The Tonight Show Starring Jimmy Fallon“, каде што се појави во краток фустан што ги истакна нејзините затегнати и мускулести нозе.

За оваа пригода, таа одбра впечатлив мини-фустан во маслинеста боја, чиј крој дополнително ја нагласи фигурата по која таа е препознатлива со години.

Токму мини-должината ги стави нејзините извајани нозе во центарот на вниманието, особено додека таа седеше на каучот во студиото.

Стајлингот го заокружи со чевли со шпиц во кафеава нијанса, златни алки, часовник, прстени и обетки.

Косата ја зачешла наназад и ја врза во високо опавче, додека очите ги истакна со шминка, а усните ги остави во неутрални тонови.

Сепак, фотографиите од студиото брзо привлекоа внимание, а нејзиниот избор на облека уште еднаш покажа дека пејачката радо избира парчиња што ја истакнуваат нејзината фигура и дека не се плаши од кратки и провокативни кроеви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ретко кој го забележа шеширот покрај бујното деколтет!

Од шеширот едвај се гледа, но градите сепак „штрчат“, дали знае некој која е оваа убавица?

Фото: Ретко кој го забележа шеширот покрај бујното деколтет!

Раперката Карди Б не пропушти прилика повторно да ги покаже своите прекрасни бујни облини – но и својот префинет вкус за мода и модни трендови.

Синоќа во Лос Анџелес се одржа 17-тото доделување на наградите „Гувернерс“ (Governors Awards), настан на кој присуствуваа бројни ѕвезди.

Американската раперка Карди Би не ја пропушти можноста да заблеска на овој настан, воодушевувајќи ги сите присутни со своето модно издание.

За хуманитарниот настан, таа му ја довери довербата на модниот дизајнер Тамара Ралф и облече нејзин фустан од висока мода. Како што може да се види, белиот фустан, кој е кроен со нагласен струк, ја истакна нејзината витка фигура, но истовремено ги нагласи и нејзините бујни гради.

Интересен беше и делот на стомакот – златниот елемент во стил на корсет, кој на целата креација ѝ даде нота на модерен гламур.

Сепак, главниот акцент во стајлингот беше преголемата шапка, која совршено се вклопи во оваа комбинација и го претвори целокупниот изглед на раперот во уметничко доживување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА инвестира милијарди во европската кошарка !

Најсилното светско кошаркарско првенство, НБА планира да инвестира милијарди долари во создавањето на нова европска кошаркарска лига, во која сака да ги вклучи најголемите фудбалски клубови од Стариот континент.

НБА инвестира милијарди во европската кошарка !

НБА не се откажува од идејата за започнување ново кошаркарско натпреварување на Стариот континент, а амбициите на американската организација стануваат сè поголеми.

Според информациите на британскиот „Скај њуз“ (Sky News), планот е да се формира огромен инвестициски фонд кој би располагал со милијарди долари. Средствата првенствено би биле наменети за изградба на модерни спортски сали, развој на инфраструктурата и привлекување на големи европски клубови.

Целта на НБА е да создаде натпреварување кое ќе ги обедини најпознатите спортски брендови во Европа и ќе стане сериозен конкурент на Евролигата.

Посебно внимание привлекува списокот на клубови што американската организација сака да ги вклучи во проектот. Меѓу нив се Реал Мадрид, Барселона, Милан и Пари Сен Жермен. Идејата е овие фудбалски гиганти да добијат свои кошаркарски франшизи и да ја искористат својата постоечка популарност за развој на нов спортски производ.

НБА особено смета на британскиот пазар, па Лондон и Манчестер веќе се споменуваат како потенцијални градови домаќини за нови тимови. Ова би му дало дополнителна комерцијална вредност на европскиот проект и би ја отворило вратата кон пазар каде што кошарката сè уште ја нема популарноста што ја ужива фудбалот.

Сепак, реализацијата на еден ваков голем потфат нема да биде едноставна. Дел од потенцијалните инвеститори се загрижени поради огромните трошоци за започнување на натпреварувањето, но и поради неизвесноста во однос на неговата долгорочна профитабилност.

Инаку, НБА претходно се обиде да најде заеднички јазик со Евролигата, но договор меѓу двете страни не беше постигнат. По неуспешните преговори, американската организација продолжи да ја развива идејата за посебно европско натпреварување, со поддршка од ФИБА.

Доколку планот се реализира, европската клупска кошарка би можела да влезе во сосема нова ера, со огромни финансиски вложувања и доаѓање на некои од најголемите спортски имиња.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер