Јотова го назначи Андреј Ѓуров за технички премиер на Бугарија - Канал 5

Балкан

Јотова го назначи Андреј Ѓуров за технички премиер на Бугарија

Бугарската претседателка Јотова го назначи заменик гувернерот на бугарската народна банка Андреј Ѓуров за нов технички премиер.

Јотова го назначи Андреј Ѓуров за технички премиер на Бугарија

Тој ќе треба да ја формира привремената бугарска влада до одржувањето на изборите предвидени во втората половина на април. Ѓуров се сретна со Јотова пред две недели, а по завршувањето на консултациите со останатите парламентарните партии, важеше за фаворит за оваа позиција меѓу петмината кои и кажаа „да“ на Јотова.

Ѓуров по средбата со бугарската претседателка го опиша разговорот како многу важен и изрази подготвеност да ја преземе функцијата со, како што кажа, јасни принципи за фер избори.

-Андреј Ѓуров: Тоа што и го кажав и нејзе е дека фер избори можат да се одржат само со искрена соработка меѓу сите институции кои ги слушнале барањата на луѓето и граѓаните од плоштадите, изјави Ѓуров.

Ѓуров е долгогодишен професор и доктор по економски науки со богата професионална кариера. Во 2023-та е назначен за заменик-гувернер, а пред тоа две години бил и пратеник во бугарското народно собрание како претседател на пратеничката група „Продолжување на промените“ и член на Комисијата за прашања на Европската Унија.

Тој има рок од една недела да предложи влада. Доколку предлозите поминат, претседателот издава указ за назначување на владата. Истовремено, го одредува датумот на предвремените парламентарни избори, во рок од два месеци. Според досегашните најави предвидениот датум за нивно одржување е 19 април.

Изборите ќе бидат осми предвремени во период од пет години, а беа иницирани по масовните антикорупциски протести и барања за предвремени избори, по кои оставка си поднесе владата на Жељазков. Се поизвесно е дека на овие избори ќе настапи и доскорешениот претседател Румен Радев, кој си поднесе оставка по девет години на функцијата. Според повеќето анализи појавата на нова политичка партија предводена од Радев би можела значително да ги преобликува не само внатрешните работи на Бугарија, туку и нејзината надворешна политика.

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

Лишен од слобода црногорец, со „БМВ“ возел со брзина од 205 километри на час

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на Гаши, со претставниците на Националната фондација за демократија и Институтот за европска политика

Средба на претседателот на Собранието, Африм Гаши, со претставниците на Националната фондација за демократија и Институтот за европска политика

Средба на Гаши, со претставниците на Националната фондација за демократија и Институтот за европска политика

Претседателот на Собранието, Африм Гаши, денес оствари работна средба со претставниците на Националната фондација за демократија (НФД), Тања Драмац Јириес, заменик-директорка за Европа, и Ардита Абази Имери, програмска директорка во Институтот за европска политика (ИЕП), со кои разговараше за стратешките приоритети за наредните години, со посебен фокус на отвореноста на институцијата кон граѓаните и дигитализацијата на Собранието.

За време на средбата, претседателот на Собранието ја истакна својата визија за давање нова димензија на Собранието и негово трансформирање во транспарентна и отворена институција водена од демократските вредности и принципи. Во овој контекст, тој ги информираше за достигнувањата во областа на дигитализацијата, зголемувањето на институционалната транспарентност и поголемата вклученост на граѓанското општество во парламентарните процеси.

Претседателот, исто така, стави посебен акцент на важноста на проектите што ја трансформираа интеракцијата на Собранието со јавноста, истакнувајќи ја дебатната анкета, која ја опиша како еден од најуспешните и најпрофесионалните проекти спроведени досега. Овој процес, спроведен во соработка со Институтот за европска политика, овозможи директно вклучување на граѓаните во дискусиите за прашањата од јавен интерес, зајакнувајќи го дијалогот меѓу Собранието и граѓаните.

Претставниците на НФД и ИЕП го оценија напредокот постигнат кон модернизацијата и отвореноста на Собранието и ја изразија својата подготвеност да продолжат да ги поддржуваат иницијативите и проектите што ја зајакнуваат демократската култура, политичкиот дијалог и граѓанското учество во парламентарните процеси.

YouTube video

Тагови: Африм Гаши

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица пингопонгари ќе ги бранат боите на Македонија на Европското младинско првенство

Групната фаза на програмата на 15-ти Јуни, четворица наши ќе ги бранат боите на Македонија на Европското младинско првенство.

Четворица пингопонгари ќе ги бранат боите на Македонија на Европското младинско првенство

Мартин Ристески и Бојана Јовевска во категоријата до 15 години и Александар Јакимовски и Софија Хасану до 19 години ги играат првите натпревари на 15-ти Јули од 10 часот.

Во категоријата до 15 години Мартин Ристески се сретнува со Матејус Адамонис од Литванија.

Бојана Јовевска ќе игра против Солек Натиа од Полска

Во категоријата до 19 години настапуваат Софија Хасану против Ковалова Дариа од Украина, а Александар Јакимовски ќе ги одмери силите со Дусине Нејтан од Франција.

Европското пинг-понг првенство се одржува во Гондомар, Португалија, од 10 до 19 Јули.

Пинг-понгарска федерација на Македонија

Тагови: пинг понг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер