Јокиќ го слуша тренерот додека го фали, неговата реакција е хит (ВИДЕО) - Канал 5

Кошарка

Јокиќ го слуша тренерот додека го фали, неговата реакција е хит (ВИДЕО)

Тренерот на Денвер, Мајк Мелоун на прес-конференција пред почетокот на финалната серија во НБА, упати пофалби за Никола Јокиќ, а српскиот ас од страна ги слушаше пофалните зборови на тренерот.

Јокиќ го слуша тренерот додека го фали, неговата реакција е хит (ВИДЕО)

Во големото финале Денвер ќе ги одмери силите против големиот Мајами, а првиот меч на програмата е ноќеска во 2:30 часот по наше време.

Пред почетокот на историското финале, тренерот Мајк Мелоун не штедеше пофалби за својот најдобар играч - српскиот ас Никола Јокиќ.

„Тој не се труди да биде нешто што не е. Тој не се обидува да создаде наратив поинаков освен - „Јас сум Никола Јокиќ, играм за Денвер Нагетс, ќе направам сѐ што можам за да му помогнам на мојот тим до победата. Тој тоа го прави професионално, со стил, никогаш не се става себеси на прво место, а тоа е реткост денес“, истакна Мелоун.

Тренерот на Нагетс го спореди српскиот ас со легендата на Сан Антонио - Тим Данкан.

„Никогаш не сум го тренирал Тим Данкан, но тренирав тим кој играше против него и слушав многу приказни за него. Тим Данкан беше несебична суперѕвезда. Таков е и Никола Јокиќ. Мислам дека Никола е навистина несебична суперѕвезда, не сака да му кажуваат колку е одличен, речиси е засрамен од вниманието што го добива. Тој само сака да биде еден од момците во соблекувалната, да се забавува, да работи напорно и да победи“, изјави Мелоун.

Додека Мелоун ги изговараше овие прекрасни зборови, Јокиќ внимателно слушаше од страна. Задоволно се насмевна и во еден момент му аплаудираше на одличната опсервација на тренерот на Нагетс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иван Анастасовски во „Вести плус“

Почитувани, вечерва во Вести Плус гостува Иван Анастасовски.

Иван Анастасовски во „Вести плус“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Провокативната Нивес со интересни фотки и порака

Хрватската, старлета, пејачка, водителка, писателка и инфлуенсерка Нивес Целзијус повторно го привлече вниманието на своите следбеници на социјалните мрежи, овојпат со фотографии од одмор што ја доловуваат летната атмосфера. 

Фото: Провокативната Нивес со интересни фотки и порака

Бујната Нивес сподели фотографии од одморот, а покрај објавата остави кратка, но впечатлива порака.

„...кожата ми гори, срцето ми трепери...“, напиша Нивес.

Стиховите што таа ги избра дополнително ја истакнаа атмосферата што сакаше да ја пренесе преку фотографиите, а објавата не остана незабележана од нејзините следбеници.

Нивес често споделува моменти од своите патувања и одмори во текот на летните месеци, а нејзините објави редовно привлекуваат големо внимание кај јавноста.

Тагови: нивес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Белгиски нуркач пронашол необично богатство во потонат брод

Неверојатно откритие во близина на брегот на Довер го привлече вниманието и на експертите и на љубителите на историјата. 

Белгиски нуркач пронашол необично богатство во потонат брод

Белгискиот нуркач и подводен фотограф Стеф Панис открил гајба со недопрени шишиња пиво и џин во остатоците од брод што потонал во 1864 година кај Довер, во југоисточна Велика Британија; едно шише со етикета „Guinness London“ привлече меѓународно внимание, а компанијата „Гинис“ изјави дека би сакала да го испита во својата лабораторија.

Нуркачот го открил потонатиот брод „Миндоро“ на длабочина од 25 метри и внатре пронашол гајба со шишиња, меѓу кои и едно од познатиот бренд за пиво, пренесува фламанскиот радиодифузер VRT.

„Ова шише ми го привлече вниманието бидејќи, исто како шише шампањ, имаше некаков вид капаче на врвот“, изјавил Панис.

Тој истакнал дека на шишето со пиво, кое 162 години лежело на морското дно, стоела етикетата „Guinness London“ – што е особено интересен детал со оглед на тоа што пивото „Гинис“ се произведува во Ирска, а не во Лондон.

Панис објасни дека од компанијата „Гинис“ дознал оти, во времето кога потонал бродот, вообичаена практика било пивото да се транспортира во буриња до разни локации – вклучително и Лондон – за таму да се флашира и дистрибуира.

„Миндоро“, бродот во чија близина биле пронајдени шишињата со алкохол стари 162 години, бил дрвен едреник што превезувал колонијален товар на пат кон Ванкувер. Покрај остатоците од бродот, на морското дно биле пронајдени и прибор за јадење, чинии, бројни шишиња вино, пиво и џин, како и делови од пушки и воени ремени.

„Таму [во Ванкувер] бил стациониран полк на британската армија, а бродот превезувал залихи за нив. Нуркањето до остатоците од бродот е како патување низ времето, така да се каже“, рече Панис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер