Јелена Томашевиќ: Иван и јас не сме романтични, но, сме практични... - Канал 5

Забава

Јелена Томашевиќ: Иван и јас не сме романтични, но, сме практични...

Минатата сабота (03.07.2021) во „G Carpet” гостуваше една од најпознатите балкански ѕвезди, Јелена Томашевиќ.  

Јелена Томашевиќ: Иван и јас не сме романтични, но, сме практични...

Јелена е српска, поп пејачка, со ангелски глас. Таа и нејзиниот сопруг, актерот Иван Босиљчиќ, важат за најскладен и најромантичен пар од јавната сцена на овие простори.

„Јас и Иван сме романтични, емоции и романтика има, но тоа е во интимноста на нашиот дом. Покрај тоа сме и практични, правиме се’ што прават сите родители, организирањето на сите обврски за мене е практичност. Впрочем, јас мора да сум практична за да можам да ја работам својата работа. Убаво е да си романтичен но, не да се претерува. Во јавноста нашата приказна е претставена како бајка, но, бајки не постојат. Има убави моменти, кои се и најважни, и сите кои се во брак треба да ги имаат.”

„Јавноста те знае како секогаш мила, умерена, дали те имаат видено и во некое друго издание, на пример нервозна?”

„Јас сум многу толерантна личност, сметам дека се’ што сакам да кажам, се’ што не ми се допаѓа, можам да го кажан на убав начин. Но кога е некој многу безобразен, арогантен знам да бидам многу отсечна, знам да се одбранам и да го поставам на свое место, тоа не можете ниту да го претпоставите и најдобро е да не ме запознаете во такво светло.”

„Ти си еден пример како треба да изгледа една жена, но дали имаш желба некогаш да вградиш силикони?”

„Ви благодарам за комплиментот, јас немам ништо против силикони но, се’ треба да биде умерено, така многу убаво би изгледало. Сите треба да го прават она што нив ги прави среќни. Јас на себе немам направено никаква корекција, освен природни интервенции како ласер, мезотерапија и т.н.”

Изминатиот период за сите музичари беше многу тежок, Јелена, за времето поминато во пандемија, рече дека најтешко и било тоа што не може да си ја работи работата, колку и да сака. Иако и во тој период, таа не била на пауза, собирала нови песни, правела демо снимки, го спремала новиот албум, кој до есен треба да е готов.

Се потсети и на еден неубав период од нејзиниот живот, на разделбата со Иван. „ Во тој период, кога јас и Иван ја прекинавме нашата врска, Сергеј Четковиќ ми ја напиша песната „Да ми је да ми се врати, мој драги”, но во тој момент јас не можев да ја испеам таа песна, бев преемотивна, не сакав да оставам впечаток дека сум патетична и како да молам, и ја одбив песната. По одреден период, откако јас и Иван се смиривме, се венчавме, добивме и дете, јас му ја пуштив песната, и тој ми рече – мора да ја снимиш оваа песна, преубава е. И по неколку години му се јавив на Сергеј да ми ја даде песната, ја снимивме и стана голем хит.”

„Како доаѓаш до инспирација?”

„Jас немам напишано многу текстови, но, најчесто ме инспирираат животни приказни на некој мој близок или некоја моја, моментална состојба.”

„Многу жени би сакале да бидат на твое место, особено кога еден маж, како Иван, за нив ќе каже „Додека сум жив ќе го паметам моментот кога прв пат ја видов Јелена на телевизија, денеска таа е моја жена”, како ти се носиш со вакви емоции и со ваква љубов?”

„Тој отсекогаш бил вешт со зборовите и знаел, убаво, јасно и јавно да ги искаже своите емоции, а јас многу години се срамев и се’ уште се срамам да го направам тоа. Секако дека и јас искажувам емоции но во интимноста на нашиот дом, не пред камери. Во секој случај ова се преубави зборови.”

За својот однос со Марија Шерифовиќ вели дека се пријателки и дека, од деца, нивните животни патишта се вкрстуваат. Дека една на друга си се мотивација и особено и е драго што имаат изградено убави кариери и што си се поддршка една на друга. Сама себе би се прашала „Што чекаш со изворни песни Јелена?”, бидејќи ја сака изворната музика и со години спрема проект со изворни песни но никако да го заврши. За себе вели дека најголема трема имала за време на „Евровизија”, и дека тоа е искуство кое ќе го памети цел живот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голерм руски напад на Киев среде бел ден (ВИДЕО)

Денеска Русија го продолжи својот напад со беспилотни летала врз Киев, а нападите се продолжија од ноќта и утрото па сè до дневните часови. 

Голерм руски напад на Киев среде бел ден (ВИДЕО)

Според најновите податоци од градоначалникот Виталиј Кличко, две лица загинаа, а најмалку 43 беа повредени.

Асошиејтед Прес објави дека руски беспилотни летала го нападнале украинскиот главен град во неколку бранови во текот на денот, а нападот продолжил и попладне. Колони црн чад се издигале над делови од градот, а зградите и инфраструктурата биле погодени.

Погодени згради, бензински пумпи и областа до главната станица

Напади се регистрирани во неколку области на Киев. Погодени се деловни згради, магацини и бензински пумпи, а едно беспилотно летало погоди деветкатна зграда. Пожарот избувнал и во областа на историската зграда на поранешниот железнички пазар недалеку од главната железничка станица. Железничката инфраструктура е исто така оштетена.

Фотографиите на Ројтерс од местото на нападот покажуваат пожарникари во погодениот деловен центар и чад што се издига над градот. Ројтерс објави и фотографија од украинските сили како отвораат оган врз руски дрон над Киев.

Нападот се случи во време кога украинскиот претседател Володимир Зеленски е во Њујорк, каде што учествува на Генералното собрание на Обединетите нации. Тој треба да се обрати на Генералното собрание и да одржи состаноци со европските лидери и генералниот секретар на НАТО, Марк Руте.

Русија сè повеќе користи брзи млазни беспилотни летала

Денешниот напад доаѓа во време кога Русија сè повеќе користи млазни верзии на беспилотните летала „Шахед“. Ројтерс вчера објави дека овие беспилотни летала летаат многу побрзо и на поголеми височини од класичните „Шахед“ со пропелер, што им отежнува на украинските мобилни противвоздушни групи да ги пресретнат. Според украинските проценки објавени од Ројтерс, ефикасноста на пресретнувањето на вакви беспилотни летала е значително помала од онаа на постарите модели.

Руското Министерство за одбрана објави дека за време на ноќните напади тие ги таргетирале објектите на украинската воена индустрија и енергетскиот сектор, логистичките центри и бродовите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Вирално видео: Желка ја касна за задникот инфлуенсерката во бикини

Травел блогерката Синтија Бенитез доживеа непријатно искуство додека пливаше со желки во една лагуна во Танзанија.

Вирално видео: Желка ја касна за задникот инфлуенсерката во бикини

Додека посегнуваше кон едно животно пред неа, друго ѝ пријде одзади и ја касна за задникот. Шокирана, инфлуенсерката врисна и излезе од водата, а снимката од инцидентот набрзо се прошири на социјалните мрежи.

Трага од каснување и вирално видео

Потоа, Бенитез се пошегува во описот на видеото: „Мислев дека желките се безопасни...“ Фотографијата направена по инцидентот покажува црвена трага од каснување, иако за среќа, таа не се здоби со сериозни повреди. Видеото собра над 400.000 прегледи на Инстаграм.

„Желката очигледно беше гладна“

Следбениците главно реагираа со хумор на ситуацијата. Како одговор на коментар во кој видеото се опишува како „многу корисна“ информација, Бенитез одговори: „Никогаш не ѝ врти грб на желка“.

Друг корисник напиша: „На желката ѝ беше доста од пластика, па реши да ја извади од водата“. Имаше и коментари дека животното „очигледно било гладно“, како и порака: „Таа желка сум јас во некој претходен живот“.

Тагови: желка Танзанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Работник загина на еден од најпознатите италијански споменици

Италијанското Министерство за култура потврди дека вчеравечер еден работник загинал во римскиот Колосеум.

Работник загина на еден од најпознатите италијански споменици

Поради несреќата, дел од споменикот денес е затворен за посетители. Дваесет и двегодишен техничар загинал откако паднал од височина од околу десет метри. Несреќата се случила додека тој поставувал нов систем за осветлување во античкиот амфитеатар, пренесува Ројтерс.

Реакција од властите и управата на паркот

„Ова е трагичен настан што нè потресе и нè вознемири“, изјави италијанскиот министер за култура, Алесандро Џули. Управата на Археолошкиот парк Колосеум соопшти дека, во знак на жалост, ќе затвори дел од второто ниво каде што се случила несреќата.

Изграден пред 2.000 години, Колосеумот бил најголемиот амфитеатар на Римската Империја и останува една од главните туристички атракции во Рим.

Синдикатот бара целосно затворање

Најголемиот италијански синдикат, „CGIL“, се спротивстави на одлуката за делумно затворање на локалитетот, тврдејќи дека целиот споменик требало да биде затворен за тој ден. „Очекуваме министерот Џули да ги разјасни околностите на несреќата и да нареди целосно затворање на Колосеумот“, изјави Натале ди Кола, генерален секретар на огранокот на „CGIL“ во Рим. „Човечкиот живот е пред туристите“, додаде тој.

Извор: Индекс.хр

Тагови: загинат работник Колосеум Рим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер