Јелена Розга призна дека е во врската со Иван Хуљиќ: Ништо не криеме - Канал 5

Шоу биз

Јелена Розга призна дека е во врската со Иван Хуљиќ: Ништо не криеме

Балканската музичка ѕвезда, убавата Јелена Розга по прв пат јавно призна дека е во врска со синот на познатиот композитор пејач и текстописец, Тончи ХуљиЌ, 37 годишниот Иван. 

Јелена Розга призна дека е во врската со Иван Хуљиќ: Ништо не криеме

На доделувањето на наградите на Вечерњи лист - Ружа, 47 годишната Розга се појави со своето момче.

-Ништо не криеме“, рекла пејачката со насмевка на лицето, пренесува Нет.хр.

На нејзиното лице јасно се гледа дека е среќна и заљубена,.

Атрактивната пејачка воедно откри дека тајната на својот совршен изглед ја наоѓа во здравата исхрана. "Јас сум внимателна, јас сум апсолутно внимателна. Здравата исхрана секако игра голема улога", истакнала пејачката со совршена става.

Розга на манифестацијата блескаше во фустан со светки, а најважно и е кога е облеката во прашање да и биде удобно. "Ја сакам модата, навистина. Но, најважна работа за мене е удобноста. Нема да стојам на сцената ако нешто е тесно или ако не можам да ја кревам раката, тоа навистина ме нервира. Не сакам да бидам во соблекувална, сакам да бидам на сцената и да уживам во гласот, песните и публиката. Удобноста е клучна за мене", вели таа.

Тагови: Јелена Розга

НБА

НБА плејоф: Минесота поведе, први победи за Орландо и Милвоки

Кошаркарите на Минесота поведоа во серијата до четири победи во плејофот на Западната конференција во НБА лигата со триумф над Лос Анџелес Лејкерс, додека Орландо и Милвоки ја намалија негативата на 1-2 во плејофот на Источната конференција.

НБА плејоф: Минесота поведе, први победи за Орландо и Милвоки

Минесота поведе во серијата со 2-1, откако синоќа во Минеаполис го победи ЛА Лејкерс со 116-104 во третиот натпревар од плејофот на Западната конференција. Џејден Мек Дениелс постигна 30 поени, а Ентони Едвардс го заврши натпреварот со поен помалку.

Леброн Џејмс беше најефикасен во редовите на Лејкерс со 38 поени, а Лука Дончиќ додаде 17 поени со осум асистенции и седум скокови.

Орландо намали на 1-2 во серијата по победата над Бостон со 95-93 во третиот натпревар од првото коло од плејофот во Источната конференција. Франц Вагнер беше најдобар стрелец на Орландо со 32 поени.

Милвоки, исто така. го намали дефицитот на 1-2 во серијата до четири победи откако на домашен терен беше поуспешен од Индијана со 117-101.

Гари Трент Јуниор и Јанис Антетокунмпо постигнаа по 37 поени за Милвоки, а Трент постигна девет тројки во 12 обиди и со тоа го израмни рекордот во плејофот на франшизата поставен од Реј Ален во финалето на Источната конференција во 2001 година. /МИА

Тагови: НБА плејоф

Регион

Нафтена индустрија на Србија доби трето одложување на воведување санкции од САД

Нафтена индустрија на Србија (НИС) доби трето одложување на воведување санкции од САД поради мнозинскиот руски капитал во таа компанија. 

Нафтена индустрија на Србија доби трето одложување на воведување санкции од САД

Овојпат, воведувањето на санкции беше одложено за дури два месеца, односно до 27 јуни. Рокот на претходно одложените санкции изминува в понеделник - 28 април.

„Добри вести за граѓаните на Србија. Србија успеа да добие ново одложување на санкциите за НИС, овојпат за два месеца, до 27 јуни. Благодарност до нашите американски партнери за разбирањето на ставот на Србија“, напиша Вучиќ на својот Инстаграм профил buducnostsrbijeav.

Во средата, компанијата НИС поднесе ново барање до Министерството за финансии на САД за издавање посебна лиценца со која се одложува целосното спроведување на санкциите, а целта е да се овозможи компанијата непречено да работи и по 28 април.

Тагови: НИС санкции

Фудбал

Прв пораз сезонава на ПСЖ во Франција

 Надежите на ПСЖ дека ќе ја заврши актуелната сезона во француското фудбалско првенство без пораз завршија, откако синоќа претрпе шокантен пораз од Ница на домашен терен со 3-1.

Прв пораз сезонава на ПСЖ во Франција

Гостите поведоа преку Морган Сансон (34 минута), а Фабијан Руиз до крајот на полувремето израмни за ПСЖ (41), но Ница во продолжението постигна два гола преку Сансон (46) и Јусуф Ндајишимије (70).

Со ова заврши серијата на ПСЖ од 30 натпревари без пораз во француското првенство, во кое клубот од Париз веќе ја одбрани шампионската титула.

Пораз од Ница за составот предводен од Луис Енрике доаѓа пред полуфиналниот дуел против Арсенал во вторник во Лигата на шампиони. /МИА

Тагови: ПСЖ Франција
притисни ентер