Јавна расправа за Предлог законот за култура - Канал 5

Култура

Јавна расправа за Предлог законот за култура

Јавна расправа за Предлог законот за култура - дел од забелешките околу децентрализација на институциите и стручните звања.

Јавна расправа за Предлог законот за култура

Во НУ Кинотека денеска се одржа јавна расправа за новиот Предлог закон за култура. Како што информираше министерката за култура Бисера Костадиновска Стојчевска, законот се работеше од 2017 година и со него се очекува да се постигне современа правна рамка, која ќе биде основа за развој и унапредување на условите за ументичко творење и за заштита на културното наследство.

-Нормирањето на културата ги засега сите субјекти што ја остваруваат културата и оттука од исклучитена важност е и текстот на законот да го утврдиме заеднички, во конструктивна дебата, размена на мислења, аргументи и искуства. Културата е простор каде што креативните групи или поединци дејствуваат и го движат општеството кон подемократска свест. Затоа Македонија го следи принципот на регулирање на културата на земјите членки на ЕУ, рече Костадиновска Стојчевска во своето обраќање на расправата.

Како што додаде, Предлог-законот го изготвија Министерството за култура, експерти од областа на културата, на културните политики и на менаџментот, претставници од независната културна сцена, претставници од организаторите на настани (ивент-индустријата), претставници од двата репрезентативни синдикати во културата – СОНК и СКРМ и вработени во установите од областа на културата.

Членот на Работната група, директорот на Кинотеката Владимир Ангелов информираше дека со Предлог законот се даваат можности и лицата кои вршат стручни работи во културата во вид на занимање како менаџери, куратори, да можат да се стекнат со правото на поволнисти како самостојни уметници.

Тој образложувајќи го законот на денешната расправа рече дека во посебна глава во законот е уредено финансирањето на јавниот интерес во културата, како еден од клучните сегменти во реформата во културата, со што ќе се овозможи поотчетно и потранспарентно финансирање на проектите и работата на установите во областа на културата.

Додаде дека како клучни прашања кои се утврдени се донесување на годишен план за финансирање во културата, со кој ќе се остварат приоритетите за финансирање на културата наредната година и како новина, донесување на план на финансирање на заштитата на културното наследство за период од пет години.

-Националните установи како и до сега да доставуваат годишна програма за работа со која министерот за култура ќе биде вклучен за финансирање на годишната програма и како новина е утврдена обврската годишната програма за работа на националните установи од областа на заштитата на културното наследство, задолжително да содржи најмалку еден проект што ќе биде реализиран во партнерство, односно во продукција со уметници, културни работници, самостојни ументици, здруженија и или фондации од областа на културата, рече Ангелов.

Тој напомена дека новина во законот меѓудругото е министерот за култура да може да склучи посебен договор или програма за повеќегодишно финансирање на одреден проект или активност на национална установа во согласност со законот за буџетите.

Со Предлог законот, како што додаде, е утврдена и можноста врз основа на конкурс да се склучи договор за период од три години за финансирање програми, односно проекти на приватни установи, здруженија и фондации на други правни лица чиј основач не е Северна Македонија.

Вера Атанасовска од СКРМ кој учествуваше во работната група за изготвување на овој Предлог закон, за време на расправата рече дека главните забелешки на овој Предлог закон се околу децентрализација на националните институции, но и во однос на стручните звања во заштитата на културно наследство.

-Имаме забелешки и во однос на стручните звања во заштитата на културно наследство, значи начинот на добивање и стекнување на стручно звање и распоредување на вработените на соодветно стручно звање, бидејќи знаеме дека добивањето на стручното звање не е само работно место туку и поголеми работни обврски и водење на проекти, а во државата недостасува таков кадар. Затоа сакаме со овој закон да се доуредат тие работи да може луѓето кои ќе добијат стручно звање соодветно да им се валоририза трудот, рече Атанасовска.

Јелисавета Костадиновска од Универзитетската библиотека „Св Климент Охридски“ од Скопје рече дека нејзината забелешка е за членот 76, каде што на давателите на услуги се регулира давањето на звања.

-Ние се вработуваме како библиотекари, и потоа добиваме звања. Сметаме дека критериумите кои се одредени во законот се малку благи. За да станете виш библиотекар треба да имате три години работно искуство, што сметам дека е многу малку, додаде Костадиновска.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: СДС се плаши од функционален систем затоа се талогот на дното, „Безбеден град“ е доказ дека институциите функционираат

Владеењето на правото се мери преку конкретни постапки. Секој доследно спроведен закон ја зајакнува довербата на граѓаните во институциите.

Петрушевски: СДС се плаши од функционален систем затоа се талогот на дното, „Безбеден град“ е доказ дека институциите функционираат

Проектот „Безбеден град“ е доказ дека кога има политичка волја, професионална работа и примена на современа технологија, државата може да функционира. Кога законите важат еднакво за сите, резултатите не изостануваат.

Затоа врхушката на СДС се спротивставува на сѐ што е успех. Нив ги плашат функционални институции. Тие впрочем ги градеа институциите за да можат ним да им бидат потчинети. Нив ги плаши Македонија и граѓаните да успеат.

Затоа се талог и се наоѓаат на дното. На талогот во општеството не му одговараат победи, чесност, работа и систем на право и правда. Во таков систем никогаш нема да се вратат на власт, туку ќе завршат зад решетки. Затоа наместо политика и идеи, продаваат цинизам, песимизам, и недоверба кон иднината, бидејќи сакаат да го убијат духот на народот, на овој народ кој бил непокорен и кој се борел за слобода и своја држава.

Нема да успеат! Македонија оди напред.

Ќе победи работата. Ќе победи правдата.

Бране Петрушевски

Тагови: ​Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Германски брод цел на напад во Црното Море: Екипажот евакуиран, бродот онеспособен

Германскиот товарен брод „ЕМИЛ“ наводно бил погоден во напад со беспилотни летала во Црното Море во близина на Одеса, предизвикувајќи пожар и оставајќи го бродот без дел од своите технички системи, објавија германските медиуми.

Германски брод цел на напад во Црното Море: Екипажот евакуиран, бродот онеспособен

Германскиот товарен брод „ЕМИЛ“ наводно бил цел на напад со беспилотни летала во Црното Море, објави германскиот весник „Билд“. Според извештаите, бродот бил погоден неколку пати, предизвикувајќи пожар и прекин на работата на неколку технички системи, со што бродот не можел да маневрира.

Додека екипажот бил евакуиран на безбедно место, бродот повторно бил нападнат, според германскиот весник. Во моментот на нападот на бродот имало 11 членови на екипажот, од кои ниту еден не бил германски државјанин. Според достапните информации, нема повредени.

Бродот „ЕМИЛ“ наводно бил погоден во Црното Море, на околу 21 наутички милји од украинското пристаниште Одеса. Бродот моментално плови под знамето на Либерија и е во сопственост на германската бродска компанија „Johann M. K. Blumenthal GmbH & Co. KG“, со седиште во Хамбург.

Руското Министерство за одбрана ги потврди нападите на својот Телеграм канал. Москва соопшти дека нејзините беспилотни летала погодиле два товарни брода во Црното Море, јужно и источно од Одеса, преку ноќ, тврдејќи дека превезуваат воен товар.

Другиот брод за кој се тврди дека е погоден е товарниот брод „Мера Квин“, кој плови под знамето на Гвинеја-Бисао. Според германскиот весник, еден член на екипажот е убиен во нападот.

Извор: Б92

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погребан руски генерал– загина во експлозија во Москва?

Рускиот генерал-мајор Валериј Плохотњук, кој наводно загинал во експлозија во Москва на 1 август, е погребан денес, објави рускиот независен медиум Медиазона, повикувајќи се на податоци од отворени државни бази на податоци.

Погребан руски генерал– загина во експлозија во Москва?

Претходно, каналот Чека-ОГПУ на Телеграм објави дека погребот на генерал-мајор Валериј Плохотњук се одржа вчера на гробиштата Троекуровски во Москва. Според каналот, тој загинал во експлозија во ресторанот „Балзи Роси“ на 1 август.

Во 2022 година, Плохотњук бил заменик-командант на 49-та комбинирана вооружена армија на Руската Федерација.

Медиазона забележува дека, според податоците од државните регистри, Плохотњук починал на 1 август.

Експлозијата на терасата на ресторанот „Балзи Роси“ во центарот на Москва се случила на 1 август.

Руските канали на Телеграм првично објавија дека експлозијата е предизвикана од истекување на гас, но рускиот Национален антитерористички комитет подоцна соопшти дека е детонирана рачно изработена експлозивна направа донесена од жена. Таа, обезбедувањето на ресторанот кое одбило да ја пушти внатре, и еден од гостите починале на самото место, а 21 лице биле повредени.

Утрото на 2 август, медиумите објавија дека бројот на жртви се искачил на пет, а најмалку шестмина се во сериозна состојба.

Руските медиуми објавија дека целта на експлозијата во елитниот московски ресторан можеби бил врховниот командант на руските воздухопловни сили, Александар Чајко, кој е на судење во Украина за воени злосторства, особено во Буча.

Фактот дека Чајко бил цел на експлозијата го објавија и рускиот воен командант Кирил Федоров и каналот на Телеграм „Записки ветеринар“. Прорускиот пропагандист Анатолиј Шариј објави видео од подготовките за прославата во објектот. На ѕидот зад сцената пишувало „Александар 55“ – толку години Чајко наполнил на 27 јули.

Извор: Б92

Тагови: москва

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер