Јавна расправа во Собранието за предложениот закон за Советот на јавните обвинители - Канал 5

Македонија

Јавна расправа во Собранието за предложениот закон за Советот на јавните обвинители

 Јавна расправа по предлог-законот за Советот на јавните обвинители на Република Македонија ќе се одржи денеска во Парламентот, во организација на собраниската Комисија за политички систем и односи меѓу заедниците.

Јавна расправа во Собранието за предложениот закон за Советот на јавните обвинители

Јавна расправа по предлог-законот за Советот на јавните обвинители на Република Македонија ќе се одржи денеска во Парламентот, во организација на собраниската Комисија за политички систем и односи меѓу заедниците, која на седница на 27 март го усвои предлогот во прво читање. Законот го предлага Министерството за правда, а Владата на седница во февруари го утврди предложениоет текст на законот, со кој треба да се зајакне независноста, отчетноста и транспарентноста на јавнообвинителскиот систем.

Клучни измени во предлог-законот, како што посочи Министерство за правда, се: детаљно уредена постапка за разрешување на претседателот и заменик-претседателот на Советот, која се покренува врз основа на образложено барање од најмалку четири члена на Советот; засилена улога на Советот во постапката за избор и разрешување на Јавниот обвинител на Република Северна Македонија, вклучително и можност за поднесување иницијатива за разрешување до Собранието.

Исто така, со законот треба да се овозможи зајакната транспарентност на работата на Советот, преку јавност на второстепената дисциплинска постапка, со јасно утврдени исклучоци за заштита на лични податоци, угледот на странките и други легитимни интереси; воведување прецизни и јасни критериуми за избор на членови на Советот, со кои се гарантира стручност, искуство и интегритет, по пример на новиот Закон за Судскиот совет и детаљно уредена постапка за разрешување на член на Советот, со прецизирани рокови и јасни критериуми.

Собраниската Комисија за политички систем и односи меѓу заедниците го разгледа и прифати во прво читање предлог-законот за Советот на јавните обвинители на седница на 27 март, кога министерот за правда Игор Филков истакна дека тој претставува „еден од клучните столбови во реформата на правосудниот систем и зајакнувањето на владеењето на правото“, напомнувајќи дека законот добил позитивно мислење и од Венециската комисија со неколку препораки, кои се вградени во предлогот.

-Овој закон е дел од поширок реформски пакет и има цел да одговори на утврдените слабости во функционирањето на Јавното обвинителство и неговите управувачки структури, како и да обезбеди усогласување со европските стандарди и препораки. Предло-законот за Советот на јавните обвинители заедно со предлог-законот за јЈвното обвинителство беа доставени на мислење до Венециската комисија и притоа таа усвои позитивно мислење со неколку препораки. Сите препораки се внесени во предлог-законот, истакна Филков на комисисиката седница, додавајќи дека донесувањето на законот ќе значи исполнување чекор од реформската агенда во областа од владеење на правото.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Новото БМВ M2 xDrive со погон на сите тркала и подобри перформанси (ФОТО)

За моделската 2027 година, BMW M2, кој во последната деценија е познат исклучиво како купе со погон на задните тркала, добива значително ажурирање.

Новото БМВ M2 xDrive со погон на сите тркала и подобри перформанси (ФОТО)

За прв пат во својата историја, овој модел ќе биде достапен со xDrive погон на сите четири тркала на BMW. Новата верзија, наречена M2 xDrive, носи не само подобро држење, туку и подобри перформанси, а во продажба е веќе ова лето, објави Индекс.

Погонски склоп и перформанси

Под хаубата на моторот се наоѓа добро познатиот 3,0-литарски шестцилиндричен мотор со два турбополначи, кој развива 480 коњски сили и 600 Nm вртежен момент. M2 xDrive доаѓа исклучиво со осумстепен автоматски менувач M Steptronic, додека рачниот менувач останува опција само за верзијата со погон на задните тркала.

Благодарение на погонот на сите четири тркала, M2 xDrive забрзува до 100 km/h за 3,6 секунди, што е за 0,3 секунди побрзо од моделот со погон на задните тркала. Со таканаречениот метод на мерење „навалување од една стапка“, времето се намалува на 3,3 секунди. Забрзувањето до 200 км/ч трае 12,8 секунди. Максималната брзина е електронски ограничена на 250 км/ч, но со опционалниот пакет M Driver, таа граница се зголемува на 285 км/ч.

Систем за погон и карактеристики на возење

Системот за погон на сите четири тркала M xDrive ја фаворизира задната оска, испраќајќи ја целата моќност на задните тркала под нормални услови на возење. Предните тркала се вклучуваат само кога задните гуми повеќе не можат да ја пренесат целата моќност на земјата. Автомобилот е опремен стандардно со активен M диференцијал и M-специфична контрола на тракцијата со прилагодливи поставки.

Возачите имаат на располагање менито M Setup со неколку режими на работа. Меѓу нив е опцијата 2WD, која го исклучува погонот на предните тркала и динамичката контрола на стабилноста (DSC) за да обезбеди автентично искуство при возење со погон на задните тркала, типично за БМВ.

M2 xDrive е монтиран на M алуминиумски тркала со различни димензии - 19-инчни напред и 20-инчни задни. Гумите за патека се достапни како опција, додека М композитните сопирачки се стандардна опрема. Системот за сопирање се состои од шестклипни шепи напред и едноклипни шепи назад.

Цена и почеток на продажба

Продажбата на BMW M2 од 2027 година со M xDrive погонски склоп започнува ова лето. Тешко е да се каже колку ќе чини, но добра референца се моментално достапните модели. Почетната цена во Хрватска на стандардниот модел M2 (480 КС) е 88.410 евра, а поекстремната CS верзија (530 КС) е дури 132.954 евра.

Со оглед на тоа што M2 беше најпродаваниот високо-перформансен М модел на BMW минатата година, додавањето на погон на сите тркала треба дополнително да го прошири бројот на потенцијални купувачи и да обезбеди негова континуирана популарност на пазарот.

Тагови: бмв тркала

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Поморски дрон експлодира во романско пристаниште (ВИДЕО)

Поморски дрон експлодира денеска во романското црноморско пристаниште Констанца додека го испитуваа експерти откако беше извлечен од морето, објавија романските медиуми.

Поморски дрон експлодира во романско пристаниште (ВИДЕО)

Според Antena 3 CNN, областа била обезбедена од страна на Романската разузнавачка служба, Крајбрежната стража и Министерството за одбрана. Експертите се обидувале да утврдат за каков вид уред станува збор и да го направат безбеден кога се случила експлозијата.

Немаше непосредни извештаи за повредени.

Областа евакуирана како мерка на претпазливост

По пронаоѓањето на дронот, властите ја изолираа областа и ја евакуираа околната област од безбедносни причини.

Романските власти започнаа истрага за да го утврдат потеклото на уредот и околностите под кои стигнал до романскиот брег.

Слично на дроновите од војната во Украина

Романските власти изјавија дека дронот наликува на морски дронови што се користат во војната во Украина.

Тие нагласија дека уредот не е дел од опремата на романската војска и не е поврзан со неодамнешните воени вежби организирани од Министерството за одбрана.

Според досега достапните информации, дронот бил пронајден во морето и транспортиран до пристаништето Констанца, каде што експлодирал за време на инспекцијата.

Романските власти сè уште не објавија од каде дошло дронот ниту како завршил на романскиот брег.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски веднаш по враќањето од Тиват, на средба со претставници на градежните компании

Премиерот Христијан Мицкоски по враќањето од Тиват оствари средба со градежните компании.

Мицкоски веднаш по враќањето од Тиват, на средба со претставници на градежните компании

По интензивната агенда во Тиват утрово и можноста за средби со лидерите на ЕУ, директно на средба со стопански комори каде разговараме со градежните компании и нивниот интерес за учество во реализација на капиталните проекти во државата, се наведува во објавата на ФБ .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер