Јапонските научници со експеримент докажале дека маските навистина штитат од коронавирусот - Канал 5

Здравје

Јапонските научници со експеримент докажале дека маските навистина штитат од коронавирусот

Јапонските научници спроведоа експеримент и покажаа дека маските можат да бидат ефикасна заштита од честичките на ковид-19, но додаваат дека дури и професионалните заштитни маски не можат да го отстранат ризикот од инфекција.

Јапонските научници со експеримент докажале дека маските навистина штитат од коронавирусот

Научниците од Универзитетот во Токио составија безбедна комора во која ги ставија главите на две кукли свртени една кон друга. На едната имало небулизатор што симулирал кашлање и исфрлање честички на ковид-19. На другата глава имало комори за проток што го имитира респираторниот систем.

Експериментот покажал дека носењето памучна маска го намалува внесувањето на количината на вирус (вирусно оптоварување) до 40%. Маската N95, користена од медицинските професионалци, блокирал до 90% од честичките на коронавирусот. Сепак, дури и кога научниците ја зацврстиле маската N95 со леплива лента и го залепиле поцврсто на лицето на куклата, некои честички од вирусот сепак успеале да избегаат.

Кога истражувачите ставиле памучни и хируршки маски на главата на куклата што симулирала кашлање, тие запреле повеќе од 50% од честичките на вирусот.

„Кога и приемникот и распрскувачот на вируси носеа маски, имаше синергетски ефект“, велат научниците, пренесува Ројтерс.

Постои растечки консензус меѓу здравствените експерти дека ковид-19 може да се шири со аеросоли, или помали честички во воздухот. Центрите за контрола и превенција на болести на САД (ЦДЦ) ги ажурираа своите упатства овој месец, во кои се наведува дека патогенот може да остане во воздухот со часови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рекордни температури во Велика Британија, најжешкото лето досега

Летото 2026 година ќе биде најжешкото во Велика Британија откако се водат евиденции, соопшти денес британската Метеоролошка служба.

Рекордни температури во Велика Британија, најжешкото лето досега

Метеоролозите велат дека за да се сруши температурниот рекорд од минатата година во Велика Британија, сè што е потребно е температурите да останат на просечно ниво до крајот на август, објави Би-Би-Си.

Според Метеоролошката служба, просечната температура во Велика Британија за метеоролошкото лето (од 1 јуни до 10 август) досега била 16,48 степени Целзиусови, што е за 1,88 степени над просекот за периодот од 1991 до 2020 година.

Во текот на летото 2025 година, просечната температура во Велика Британија, која ги вклучува ноќниот минимум и дневниот максимум, била 16,10 степени.

Ова е во согласност со доказите дека летата стануваат потопли и посуви поради климатските промени, соопшти британската јавна служба.

Во Велика Британија, највисоката температура досега ова лето била 38 степени Целзиусови во Лингвуд, Норфолк, на 26 јуни.

Извор: Б92

Тагови: Велика Британија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло со мала до умерена облачност

Времето утре ќе биде сончево и многу топло со мала до умерена облачност.

Утре сончево и многу топло со мала до умерена облачност

Ќе дува слаб до умерен, а наместа повремено засилен ветер од северен правец.

Во Скопје, сончево и многу топло со мала до умерена облачност. Ќе дува слаб до умерен, а во делови од котлината повремено засилен ветер од северен правец.

Во четврток и во петок попладне ќе биде нестабилно со пороен дожд, грмежи и засилен ветер. Локално ќе има услови за невреме со пообилен пороен дожд за кратко време, силен ветер и наместа појава на град. Температурата ќе опадне за неколку степени. Во деновите од викендот и почетокот на новата седмица времето ќе биде стабилно, а дневната температурата ќе биде во постепен пораст.

УХМР

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР и Фондот за здравствено осигурување: Надминат проблемот со здравственото осигурување на вработените

Министерството за внатрешни работи и Фондот за здравствено осигурување информираат дека проблемот со здравственото осигурување на вработените во МВР е надминат и дека тие повторно можат непречено да ги користат здравствените услуги.

МВР и Фондот за здравствено осигурување: Надминат проблемот со здравственото осигурување на вработените

Во текот на денот, двете институции беа во континуирана координација и, во соработка со Управата за јавни приходи, ги презедоа потребните активности за утврдување и отстранување на причините што доведоа до привремен прекин во остварувањето на правата од здравственото осигурување.

По преземените активности, состојбата е нормализирана и овозможено е непречено користење на правата од здравственото осигурување за вработените во Министерството за внатрешни работи.

МВР и Фондот за здравствено осигурување ќе продолжат со координирани активности за изнаоѓање системско решение кое ќе овозможи во иднина непречено функционирање на здравственото осигурување и навремено остварување на правата од здравственото осигурување за сите вработени.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер