Јапонска принцеза која се откажа од титулата поради љубов ќе живее во еднособен стан?

Принцезата Мако, внуката на јапонскиот цар, се откажа од титулата и 1,2 милиони евра кога овој вторник се омажи за 30-годишниот Кеи Комуру.

Неколку часа по венчавката, младенците одржаа прес-конференција за прв пат од 2017 година.

„Благодарна сум од се срце“, рече Мако која првпат и се обрати на јавноста како цивил и изрази благодарност до луѓето кои и помогнаа и ја поддржаа.

Кеи го започна својот говор со „ја сакам Мако“.

„Сакам да го поминам животот со личноста што ја сакам“, им рече тој на десетиците новинари собрани во соба која ја изнајмиле за настанот.

Младенците велат дека планираат заедно да изградат топла и мирна семејна атмосфера и иако не открија каде ќе живеат, јапонската телевизија „NHK“ тврди дека заедно ќе се вселат во еднособен стан во Токио пред да се преселат во Њујорк.

На почетокот на овој месец, царската институција појасни дека свадбената церемонија, приемниот банкет и другите ритуали нема да се одржат и дека не се одобрува паушалот што обично им се дава на жените од царското домаќинство кои се мажат за обичните луѓе, во износ од 1,2 милиони евра.

Видео-Фото: Ибра како вистински борец

Еден од најдобрите светски фудбалери во последните две децении, асот на Милан Златан Ибрахимовиќ покажа дека и со 40 години е вистински „ѕвер“.

Популарниот Ибра покажа дека со право не само што е мајстор со фудбалската топка дека е мајстор и во боречките вештини.

Шведскиот фудбалер со потекло од Балканот покажа и докажа зошто е носител и на црн појас.

Ибра како вистински ММА борец ја растури боксерската вреќа.

За Златан дефинитивно годините се само бројка.

Заради промоција на спортот, Златан има почесен црн појас во теквондо, кој во 2010 година му го додели олимпискиот шампион Мауро Сармиенто. Повеќе од десет години подоцна, Ибрахимовиќ се уште удира многу силно.

Најпродаваните автомобили во Европа

Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Нарушувањата во производството на нови автомобили поради недостаток на чипови се веќе познати и поради тоа фаворитите во продажба од месец во месец изгледаат поинаку. Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Првото место сега го има одличниот мал „SUV Peugeot 2008“ (18.109 продадени примероци), втор е „Renault Clio“ (14.639), потоа „Dacia Sandero“ (14.034), „Peugeot 208“ (13.978), на петтото место е „Ford Focus“. (12.704)…

Голфот испадна од првите десет - продадени се нешто повеќе од 11.000 возила. Поради недостиг на чипови, фабриката на Фолксваген во Волфсбург, Германија, работи на ниво кое не е забележано од 1958 година, пишува магазинот ХАК.

Санкционирани 78 возачи на автопат Велес – Скопје – Куманово

 На автопатот Велес – Скопје – Куманово при зајакната акциска контрола денеска се санкционирани 78 возачи кои возеле со брзина поголема од дозволената, информираат од Министерството за внатрешни работи.

Од нив, 22 возилa се движелe со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина.

Од МВР посочуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта.

притисни ентер