Јапонка се „омажила“ за лик генериран од вештачката интелигенција на ChatGPT - Канал 5

Бизарно

Јапонка се „омажила“ за лик генериран од вештачката интелигенција на ChatGPT

Вработена во кол центар во Јапонија, Јурина Ногучи (32) одржала симболична венчавка летово со Луна Клаус Вердур, лик генериран од вештачка интелигенција (ВИ) базиран на ChatGPT и лик од видео игра.

Јапонка се „омажила“ за лик генериран од вештачката интелигенција на ChatGPT

Церемонијата се одржала во Окајама но таа е без правно значење, бидејќи јапонскиот закон не признава бракови меѓу луѓе и вештачка интелигенција, објавува Euronews.

Ногучи на венчавката носеласветло розова венчаница и паметни очила со проширена реалност за време на церемонијата, додека нејзиниот „партнер“ беше прикажан преку паметен телефон и дигитални илустрации.

За да го направи својот дигитален партнер „поопиплив“, таа ангажирала уметник да создаде визуелни илустрации на Луна од Клаус Вердур.

Според локалните медиуми, Ногучи почнала да го користи ChatGPT откако побарала совет за проблематична свршувачка, која подоцна ја раскинала.

Подоцна, вели таа, создала прилагодена верзија на ликот на вештачката интелигенција Клаус, тренирајќи го преку повторени разговори да развие личност и стил на говор прилагоден за неа.

Нивната комуникација се интензивирала со текот на времето, со до 100 разменети пораки дневно.

Ногучи рекла дека на почетокот само сакала партнер за разговор, но со текот на времето развила чувства кон вештачката интелигенција, истакнувајќи дека вештачката интелигенција секогаш била љубезна и спремна да слуша. Додала дека е свесна за потенцијалните ризици и дека не сака да стане зависна, туку да одржува рамнотежа помеѓу реалниот живот и дигиталната врска.

Локалните медиуми објавија дека нејзините родители првично се спротивставиле на врската, но подоцна ја прифатиле и присуствувале на церемонијата.

Случајот повторно ги отвори прашањата за етичките, психолошките и социјалните импликации од односите меѓу луѓето и вештачката интелигенција, а некои експерти предупредуваат на ризикот од таканаречена „психоза на вештачката интелигенција“, во која корисниците развиваат заблуди или опсесивни врски со чет-ботови со вештачка интелигенција, објави „Еуроњуз“.

Тагови: вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се зголемува цената на дизелот на 6 денари, бензините поскапуваат за 3 денари по литар

Малопродажната цена на Екстра лесното масло за домаќинство (ЕЛ-1) се зголемува за 8,00 ден/лит.

Се зголемува цената на дизелот на 6 денари, бензините поскапуваат за 3 денари по литар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 4,89% во однос на одлуката од 31.8.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 4,829%, кај дизелот за 8,922%, кај екстра лесното масло зголемувањето е за 11,644% и кај мазутот исто така има зголемување за 4,163%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,5449%.

Во оваа Одлука е продолжена примената на намален износ на акцизата од 2,00 ден/лит кај бензините ЕУРОСУПЕР БС-95 и ЕУРОСУПЕР БС-98 и намален износ на акцизата од 4,00 ден/лит кај ЕУРОДИЗЕЛ (Д-Е V).

Од 8.9.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 97,00 (денари/литар)

Моторен бензин ЕУРОСУПЕР БС - 98 99,00 (денари/литар)

Дизел гориво ЕУРОДИЗЕЛ БС (Д-Е V) 101,00 (денари/литар)

Масло за горење Екстра лесно 1 (ЕЛ-1) 105,00 (денари/литар)

Мазут М-1 НС 46,001 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 3,00 ден/лит.

Малопродажната цена на ЕУРОДИЗЕЛ (Д-Е V) се зголемува за 6,00 ден/лит.

Малопродажната цена на Екстра лесното масло за домаќинство (ЕЛ-1) се зголемува за 8,00 ден/лит.

Малопродажната цена на Мазутот М-1 НС се зголемува за 1,591 ден/кг и сега ќе изнесува 46,001 ден/кг.

Напоменуваме дека ова се максималните цени на нафтените деривати од 00:01 часот на 8.9.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: Бензин Дизел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: 82 години слободно Кавадарци!

Градоначалникот на Општина Кавадарци, Митко Јанчев положи свежо цвеќе пред споменикот на паднатите борци.

Јанчев: 82 години слободно Кавадарци!

„Со почит и гордост одбележуваме 82 години од ослободувањето на нашиот град.

Денес се сеќаваме на хероите кои го дадоа својот живот за слободата и иднината на генерациите што доаѓаат.

Со положување свежо цвеќе пред споменикот на паднатите борци им оддаваме почит на нивната храброст и жртва.

Слободата е наша чест, но и наша обврска – да ја чуваме, почитуваме и пренесуваме на идните генерации.

Нека ни е честит 7 Септември!

Да живее Кавадарци!

Да живее слободата!“- објави Јанчев на фејсбук.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Дали е ова можно: Трамп менува друго име на светската мапа

Американскиот претседател Доналд Трамп денес изјави дека му се допаѓа идејата за промена на името на американската држава Ново Мексико во Нова Америка.

Дали е ова можно: Трамп менува друго име на светската мапа

„Многу луѓе предложија промена на името на Ново Мексико, една од најголемите држави на сите времиња во однос на изборните измами, во Нова Америка. Тоа е многу попрестижно и поубаво за луѓето од оваа потенцијално неверојатна држава. Многу ми се допаѓа таа идеја“, рече Трамп во објава на неговата социјална мрежа „Truth Social“.

Само пред десет дена, на крајот на август, американскиот претседател објави дека го преименувал езерото Онтарио во Езеро Америка.

Во тоа време, тој потпиша извршна наредба во Овалната соба со која ѝ наложи на американската канцеларија за имиња на „National Geographic“ да го промени името на ова езеро.

Езерото Онтарио, едно од петте Големи езера во Северна Америка, се наоѓа на границата помеѓу канадската покраина Онтарио и американската држава Њујорк.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер