Јапонија усвои нов збор за екстремно жежок ден - „кокушоби“ - Канал 5

Живот

Јапонија усвои нов збор за екстремно жежок ден - „кокушоби“

Јапонската метеоролошка агенција (JMA)  соопшти дека официјално го усвоила терминот „кокушоби“ како назив за денови со максимална температура од 40 степени Целзиусови или повисока.

Јапонија усвои нов збор за екстремно жежок ден - „кокушоби“

„Агенцијата ќе го користи овој термин со цел поефикасно да ја подигне свеста и да поттикне претпазливост кај јавноста“, се наведува во соопштението.

„Зборот, кој означува „исклучително жежок ден“, но нема прецизен официјален превод, е избран по гласање во кое учествувале речиси половина милион граѓани“, пренесе Блумберг.

Со воведувањето на зборот „кокушоби“, се проширува официјалната класификација на температурни екстреми во Јапонија, надоврзувајќи се на постојниот термин за „екстремно жежок ден“, кој се користи за температури над 35 степени. Во јапонскиот систем на категоризација, деновите со температура од 30 или повеќе степени се означуваат како „вистински летни денови“, додека оние со температура од 25 степени се класифицираат како „летни денови“.

Од тука, јапонската метеоролошка агенција информира дека како предлог биле разгледани и други зборови од јавноста, меѓу кои „ден натопен со пот“, „сауна ден“ и „ден за останување дома“. Според податоците на ЈМА, Во Јапонија минатата година било најтоплото лето досега. Од вкупно 20-ет највисоки температури некогаш регистрирани во земјата, осум биле измерени во периодот од крајот на јули до почетокот на август 2025 година.

Последиците од екстремните горештини врз јавното здравје биле премногу видливи, при што рекордни 100.000 лица биле хоспитализирани поради топлотен удар во текот на петмесечниот период минатата година.

Како земја која често се соочува со природни катастрофи, Јапонија со децении развива софистициран и строго регулиран систем за детекција на ризици поврзани со временските услови и природните непогоди. Според Блумберг, воведувањето на терминот за денови со екстремно високи температури би можело дополнително да придонесе за подобро справување на владите и компаниите со ризиците од рекордните горештини.

Тагови: јапонија Сонцето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер