Автомобилизам

Јапонија повторно прва: Воведува посебна лента на автопатите само за автономни возила

Иднината пристигна, а кога станува збор за сообраќајот, автономните возила веќе се реалност во некои земји.

Иако експерименталната фаза трае со години и ќе треба да почекаме до поширока комерцијализација, автономните возила се реалност. Услугата Robotaxi веќе е достапна во некои градови во ограничена област, а сега самоуправувачките возила пристигнуваат и на автопатите.

Барем кога е Јапонија во прашање, пишува Никеи Азија. На автопатот од 100 километри меѓу Нумазу и Хамаматсу ќе биде воведена лента резервирана за самоуправувачки возила. Станува збор за дел од автопатот меѓу Токио и Нагоја, кој е полн со долги прави делови погодни за ваков тип на возење.

Во Јапонија се надеваат дека лентата ќе профункционира во 2024 година. Имено, лентата мора да биде опремена со низа сензори и камери кои постојано го следат сообраќајот. Овој систем ќе овозможи брзо известување за контролниот систем на возилото во итни ситуации, како што е откривање на објект на лентата, за да може навреме да влезе во маневар за избегнување препреки. Исто така, потребна е достапност на 5G мрежа на целиот дел.

Иницијативата е последица на хроничниот недостиг на работна сила во Јапонија како резултат на стареењето на нацијата. Затоа, јапонската влада се обидува да автоматизира што е можно повеќе работни места, вклучувајќи го и патниот товарен транспорт. Не е познато дали на камионите без систем за автономно возење ќе им биде дозволено да ја користат специјалната лента.

Здравје

На пролетен фестивал во Германија, повеќе од 800 луѓе се заразиле со стомачен грип

Повеќе од 800 луѓе се заразиле со норовирус (стомачен грип) на пролетниот фестивал во Штутгарт, град во југозападна Германија, јави Би-Би-Си.

Не е познато како се шири вирусот, но бројот на заразени значително се зголеми во текот на неделата.

Претставниците на властите во Штутгарт веруваат дека изворот на инфекцијата не е храната и пијалоците кои се служат во фестивалскиот шатор, бидејќи анализираните примероци биле негативни.

Тестирани се и персоналот, како и садовите и водата што се користат за миење.

Градскиот здравствен институт смета дека вирусот се пренесувал од човек на човек, преку капки, иако не се знае кој го донел вирусот - посетител или вработен.

Посетителите набрзо се пожалиле на повраќање, дијареа и гадење.

Градските здравствени власти објавија дека до петок, 26 април, биле заразени 815 лица. Пролетниот фестивал на падините на реката Некар започна на 20 април и ќе трае 23 дена.

Живот

Барнли го осуди навивачкото скандирање за трагедијата во Минхен

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година.

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година, во која, меѓу другите, загинаа осум фудбалери на Јунајтед.

Во саботата Барнли успеа да освои бод против Манчестер Јунајтед на „Олд Трафорд“ (1:1), а на социјалните мрежи се појави видео на кое може да се забележат скандирања и недолични гестови меѓу навивачите на Барнли во врска со трагедијата во Минхен.

„Гестовите и скандирањето во врска со трагедијата е целосно неприфатливо однесување и фудбалскиот клуб Барнли не го толерира. Ќе работиме со полицијата и Манчестер Јунајтед за да помогнеме во идентификувањето и кривичното гонење на одговорните лица“, се вели во соопштението на Барнли, пренесе Би-Би-Си. (ББЦ).

Во авионска несреќа во Минхен во 1958 година, загинаа 23 лица, меѓу кои и осум фудбалери на Манчестер Јунајтед.

Технологија

Сопственикот на Тесла, Илон Маск, во ненајавена посета на Кина

Сопственикот на „Тесла“, „SpaceX“ и на социјалната мрежа „X“ Илон Маск, кој е еден од најбогатите луѓе во светот, пристигна денеска во Кина, соопштија претставници од Пекинг за кинеската централна телевизија.

„Извршниот директор на Тесла, Илон Маск, пристигна во Пекинг попладнево на покана на Кинескиот совет за промоција на меѓународната трговија“, објави кинеската централна телевизија.

Посетата не беше однапред најавена.

Според западни медиуми, Маск ќе се сретне со високи претставници на кинеската влада за да разговара за имплементацијата на софтверот за автоматизирано возење и да побара одобрение за пренос на податоците собрани во земјата за обука на алгоритми за технологии за автономно возење.