Свет

Јапонија почнува со ослободување нафта од резерви поради затворањето на Ормускиот теснец

Јапонија денеска ќе почне со ослободување на нафта од своите стоковни резерви, бидејќи се очекува увозот на сурова нафта значително да се намали од крајот на март поради затворањето на Ормускиот теснец.

Јапонија денеска ќе почне со ослободување на нафта од своите стоковни резерви, бидејќи се очекува увозот на сурова нафта значително да се намали од крајот на март поради затворањето на Ормускиот теснец, кој е клучен за транспорт на нафта на светскиот пазар, изјави денеска главниот секретар на кабинетот, Минору Кихара.

- Планираме да вложиме напори за (нафтата од стоковните резерви) непречено да циркулира на пазарот – рече Кихара, пренесува агенцијата Кјодо.

Тој додаде дека владата „ќе продолжи да ги презема сите можни чекори за да обезбеди стабилно снабдување со енергија, преку меѓународна координација и без исклучување на какви било опции“.

Меѓународната агенција за енергија (ИЕА) вчера соопшти дека „наскоро ќе почне“ планираното координирано ослободување на нафта од стоковните резерви од страна на нејзините 32 земји-членки, вклучувајќи ја и Јапонија. Минатата недела беше соопштено дека земјите ќе стават на пазарот 400 милиони барели нафта, како одговор на прекините настанати поради конфликтот на Блискиот Исток.

Јапонската влада ќе ги намали задолжителните 70-дневни резерви за рафинериите за нафта и трговските компании, според јапонскиот закон за складирање нафта, на 55 дена, а минатата недела јапонската премиерка Санае Такаичи соопшти дека од стоковните резерви ќе бидат достапни околу 80 милиони барели нафта, што е најголемата количина досега ослободена од стоковните резерви.

Таа количина нафта е еквивалентна на 45 дена домашна потрошувачка и е 1,8 пати поголема од онаа што беше ослободена од стоковните резерви по разорниот земјотрес и цунамито во 2011 година, кои го опустошија североисточниот дел на Јапонија.

Заклучно со крајот на 2025 година, Јапонија имаше резерви од приближно 470 милиони барели нафта, што е еквивалентно на 254 дена домашна потрошувачка, од кои 146 дена беа во државна сопственост, 101 ден во приватниот сектор, а остатокот заеднички го складираат земјите производители на нафта. Ова е седми пат како се користат јапонските резерви на нафта, од почетокот на системот за резерви во 1970-тите.

Јапонија увезува повеќе од 90 отсто од својата сурова нафта од Блискиот Исток, што ја прави многу ранлива на затворањето на Ормускиот теснец, кое го спречи транспортот на нафта и гас од добавувачите во Персискиот Залив, и наглиот пораст на цените на суровата нафта од почетокот на војната на Блискиот Исток на 28 февруари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Годишна инфлација во јуни: Македонија – 3,4%, Хрватска – 4,5%, Турција 32,11%

Годишната инфлација во Македонија во јуни е 3,4%, но тоа што е посебен успех е фактот што инфлацијата кај храната и безалкохолните пијалаци е 2,5%, а кај облеката и обувките 2,1%.

Практично, годишната инфлација во јуни најмногу ја зголемуваат алкохолните пијалаци, тутунот и наркотиците со 9,3%, како и транспортот со 6,2%.

Колку за споредба во регионот:

Грција – 3,9%

Бугарија – 5,6%

Хрватска – 4,5%

Словенија – 3,6%

Турција – 32,11%

Другите земји од регионот сè уште немаат објавено податоци за јуни, па последните достапни се за мај:

Косово – 6,8%

БиХ – 5,6%

Црна Гора – 3,6%

Србија – 3,5%

Албанија – 3%

Ако го споредиме јуни 2026 со јуни 2022, тогаш бројките се следни:

Јуни 2026 – 3,4%

Јуни 2022 – 14,5%

Ова е споредбата кога ќе се споредат двете енергетски кризи – првата по нападот на Русија врз Украина, а втората по нападот на САД врз Иран.

1 : 4,26.

Тагови: инфлација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нови докази пред завршницата за предметот за претседателката на ДКСК

Наместо завршни зборови, нови докази во судењето за претседателката на ДКСК Татјана Димитровска.

Одбраната на Билјана Петровска Мантева, која се товари за откривање службена тајна на екс-директорот на ТЕЦ Неготино Небојша Стојановиќ.

Одбраната достави документација со која тврди дека известувања од истата предистражна постапка за набавката на мазут веќе биле доставени до ад есм и подружниците уште во август 2024 година, повеќе од еден месец пред дејствието за кое мантева се товари. Обвинителството се спротивстави, но достави и свој доказ за работниот ангажман на Небојша Стојановиќ .

Доказите ќе се изведуваат на утрешното рочиште, на кое се закажани и завршните зборови од главната расправа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата прогласи едностран раскин на Договорот со концесионерот Енерџи Лукс Кочани

Владата прогласи едностран раскин на Договорот со концесионерот Енерџи Лукс Кочани за изградба на мала хидроцентрала на Блатешка река под падините на Плачковица.

Мештаните од виничкото село Блатец, кои со жив штит чуваа стража на реката, велат дека ова претставува кулминација на нивната десетгодишната борба за зачувување на планинската река од која пијат вода и ги наводенуваат своите земјоделски посеви.

-За овие десет години, концесионерот нема удрено ни една лопата од својот план, така што реката сега за сега е зачувана. Ние сме посветени на нашата борба и остануваме на тоа да не започне никаква градба на тоа место. // Ова е еден голем чекор и се надеваме дека ќе биде последен чекор, дека успехот е веќе на крајот, меѓутоа доколку се искористат овие правни норми и хипотетички се продолжи концесијата, ние сме на терен, ние отрпнавме на терен и остануваме на терен се додека не ја видиме нашата река онаква каква што треба да биде,- - Блаже Анакиевски, жител на с.Блатец.

Концесионерот во рок од 30 дена има право да ја обжали одлуката на Владата пред Управен суд, меѓутоа, градоначалникот на Виница – Митко Костадиновски е на ставот дека стручни лица всушност никогаш не отишле на терен да ја увидат фактичката состојба, односно дека трасата на хидроцентралата со моќност од 606 kW е на главната водоводна цевка на селото Блатец.

-Граѓаните треба да бидат спокојни и да немаат никаков проблем, затоа што без разлика и да се уваже жалбата, ние пред да биде укината концесијата на Енерџи Лукс, ние како општина Виница им дадовме прекин за изградба. // Тие имаат право да поднесат на ново за дозвола за градба, но кога ќе излезат на терен стручнаци и кога ќе видат дека таму каде што им е одобрено за градба минува линискиот инфраструктруен објект за водоснабдување на село Блатец, мислам дека не постојат стручњаци од таа област што би дозволиле да биде тоа,- -Митко Костадиновски, градоначалник на О.Виница.

Инвеститорот на хидроцентралата - Енерџи Лукс Кочани ја добил концесијата уште во 2013та година од кога и статусот на повластен производител на електрична енергија практично секоја година се обновувал, меѓутоа со оглед на тоа што не започнал со производство во утврдениот рок, Владата ја раскинала концесијата. Од Енерџи Лукс Кочани за Канал 5 изјавија дека се уште не ги добиле официјално документите за поништување на концесијата и најавија дека претстои правен спор за обжалување на одлуката пред Управен суд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.