Култура

Јапонија и Македонија потпишаа Меморандумот за културна соработка

Преку Меморандумот за соработка ги зближуваме македонската и јапонската култура

Министерот за култура и туризам, Зоран Љутков, денеска во Владата оствари билатерална средба со комесарот за културни врски на Јапонија, Шуничи Токура, кој е во дводневна работна посета на нашата држава. По средбата, Љутков и Токура потпишаа Меморандум за соработка во областа на културата, кој е прв билатерален документ во оваа сфера меѓу двете држави.

Во изјавата за медиумите, министерот Љутков посетата на јапонскиот комесар за култура ја оцени како историска, бидејќи, како што нагласи, сите наши заложби за продлабочување на блиските и пријателски односи со Јапонија, во оваа година кога се одбележува 30-годишнината од воспоставувањето на билатералните односи, се материјализираат со потпишувањето на Меморандумот за културна соработка.

Министерот за култура и туризам изрази очекување дека директната комуникација ќе овозможи реципрочни гостувања на ансамбли и репродуктивни уметници од музичко-сценската и театарската дејност, соработка меѓу музеите, галериите и уметничките центри, како и размена на искуства во управувањето на локалитетите кои се впишани на Листата на светското наследство на УНЕСКО, со оглед на тоа што Јапонија има впишано вкупно 26 локалитети.

Љутков ја нагласи можноста за соработка и во филмската дејност, имајќи го предвид фактот дека во Токио секоја година се одржува големиот филмски фестивал чиј еден од програмските директори е и Андријана Цветковиќ, на која ѝ упати благодарност за нејзиниот целокупен ангажман во реализацијата на оваа посета, но и за нејзиниот влог во градењето на односите меѓу двете држави, како прв резидентен амбасадор во Јапонија.

Упатувајќи благодарност за целокупната јапонска помош за нашата држава преку различни донации, грантови и проекти што го стимулираат нашиот економски, социјален и културен развој, министерот Љутков изрази уверување дека и во иднина ќе се реализираат уште многу иницијативи и проекти кои ќе ги унапредат нашите односи.

На средбата, министерот Љутков го запозна комесарот Токура и со претстојното претставување на нашата држава во рамките на EXPO OSAKA 2025 година, каде што во чест на одбележувањето на 60-годишнината од проектот на големиот Кензо Танге за реконструкција на централното подрачје на Скопје по катастрофалниот земјотрес во 1963 година, во Јапонија ќе биде презентирана и изложбена поставка која ќе ги претстави особеностите на овој проект, а ќе има и други значајни програмски содржини, настапи на нашите реномирани уметници.

Јапонскиот комесар за културни врски, Токура, во изјавата за медиумите потенцираше дека потпишувањето на Меморандумот во година кога се одбележуваат три децении од воспоставувањето на билатералните односи меѓу двете земји претставува огромен поттик за развој на соработката која ги покрива сите сфери од културата и уметноста.

За време на работната посета на нашата држава, комесарот за културни врски на Јапонија, Шуничи Токура, ќе ја посети и Филхармонијата, каде што ќе се сретне со репродуктивни уметници, а во текот на утрешниот ден ќе ги посети и Музејот на македонската борба за самостојност и Старата скопска чаршија, каде што во Даут-пашиниот амам ќе ја разгледа изложбата на македонскиот сликар Вангел Коџоман. Денеска во 18 часот во Македонскиот народен театар, министерот Љутков и комесарот Токура ќе присуствуваат на концерт на Оркестарот за џез-музика, во чест на одбележувањето на 30-годишнината од воспоставувањето на билатералните односи меѓу Република Македонија и Јапонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бруклин Бекам за милион долари си го „продаде“ семејството- сними реклама во која ги исмева (ВИДЕО)

Бруклин Бекам наводно добил 1 милион долари за неговата реклама за услугата за достава DoorDash, откако се соочил со критики поради тоа што профитирал од расправија со своето семејство.

Семејството Бекам сè уште е во жестока расправија, а Бруклин неодамна беше обвинет дека го предал семејството за голема сума пари по објавувањето на рекламна кампања во два дела.

Милион долари за контроверзна реклама

Пет месеци откако изјави дека тој и неговата сопруга Никола Пелц сакаат приватност, Бруклин се соочи со критики од обожавателите кои го нарекоа „безвреден“ поради соработката со компанија за достава на храна. Сега е објавено дека тој навистина добил значителна сума за кампањата. „Сè што му носи пари е добро - покажува дека неговиот бренд е таму и цвета“, рече еден извор, додавајќи дека бил платен „најмалку 1 милион долари“ за кампањата.

Сепак, кланот Бекам наводно бил помалку импресиониран. „Бруклин тврди дека сака мир и приватност и нема никаква врска со своето семејство - а сега се обидува да профитира од сè“, изјави извор за Page Six. Во промотивен клип објавен во понеделник, Бруклин се насмевнува и вели: „Веројатно се прашувате зошто го гледам Светското првенство во фудбал во 2026 година од дома... Тоа е долга приказна.“

View this post on Instagram

A post shared by @brooklynpeltzbeckham

Многумина го сфатија ова како потсмев на родителите на Дејвид и Викторија, со кои тој повеќе не разговара. Пријателите на семејството Бекам рекоа дека двајцата биле „срушени и скршени од срце“ од потегот. „Дејли меил“ контактираше со претставници на Бруклин Бекам и Дејвид и Викторија Бекам за коментар.

Ескалација на семејниот конфликт

Втора, подолга верзија на рекламата беше објавена во среда, предизвикувајќи уште пожестоки критики. Рекламата на Бруклин е темпирана да се совпадне со Светското првенство и доаѓа само неколку дена откако Бекамови го негираа тврдењето на тимот од Бруклин дека неодамнешната посета на неговата сестра Харпер на неговиот дом во Беверли Хилс била „кореографирана“. Во петокот, Харпер, која беше во САД за да го гледа како нејзиниот татко Дејвид добива ѕвезда на Холивудската патека на славните, беше видена како пристигнува во домот во Бруклин за да достави писмо, но нејзиниот брат не беше дома.

Претставник на Бруклин и Никол ги обвини Бекамови за медиумски трик, велејќи: „Фактот дека фотографите биле присутни кога писмото било доставено кажува сè - ова било наместено за камерите“. Извор близок до семејството Бекам возврати: „Неверојатно е тажно што ова ужасно обвинение се упатува против невина млада девојка на која очајно ѝ недостига нејзиниот брат. Ништо не требаше да се каже, па затоа измислувањето на ова гадно обвинение е навистина непотребно“. Во јануари, Бруклин објави остра изјава од шест страници, обвинувајќи го своето семејство дека ја цени „јавната промоција и поддршка пред сè“ и тврдејќи дека неговите родители биле „изведувачи“.

Тагови: Бруклин Бекам

Македонија

СДСМ: ПГ на СДСМ и Коалицијата со 82 амандмани за спас на судската и јавнообвинителската служба

Пратеничката група на СДСМ и коалицијата, по темелна анализа и врз основа на директните забелешки и предлози од синдикатите и претставниците на судската и јавнообвинителската служба, поднесе вкупно 82 амандмани на предложените законски решенија.

Пратеничката група на СДСМ и коалицијата, по темелна анализа и врз основа на директните забелешки и предлози од синдикатите и претставниците на судската и јавнообвинителската служба, поднесе вкупно 82 амандмани на предложените законски решенија за судската и јавнообвинителската служба.

Од нив, 55 амандмани се однесуваат на Законот за судска служба, 27 на Законот за јавнообвинителска служба, а дополнително 19 амандмани ќе бидат поднесени како комисиски амандмани.

Предлог измените се резултат на сериозни укажувања од стручната јавност и синдикалните претставници, кои јасно предупредуваат дека предложените решенија во сегашна форма во Предлог законите ја загрозуваат независноста на судството и значително ја влошуваат положбата на вработените во правосудниот систем.

Пратеничката група на СДСМ и коалицијата јасно укажува дека овие служби не смеат да бидат игнорирани, бидејќи токму тие се носители на секојдневното функционирање на правосудниот систем и најдобро ги познаваат реалните предизвици во праксата.

Се упатува јасен повик до сите пратеници во Собранието да ги поддржат предложените амандмани, со цел да се обезбеди фер, функционално и независно судство, како и достоинствени услови за работа на судските и јавнообвинителските службеници.

Доколку овие амандмани не бидат прифатени, постои сериозно предупредување дека судската служба ќе биде вратена две децении наназад, со ризик од институционален хаос, дополнително ослабување на системот и забрзан одлив на веќе недоволниот стручен кадар.

Затоа, повикот е јасен да се слушне гласот на стручната служба и да се заштити независноста и достоинството на судската и јавнообвинителската служба, се наведува во партиското соопштение.

Европа

Страшен пожар во хотел во Хамбург- 160 спасувачи ги вадеа гостите од стихијата, 14 се повредени (ФОТО)

Кратко по полноќ голем пожар избувна во хотел во близина на главната железничка станица во Хамбург.

Густ чад се прошири низ подовите на зградата во населбата Сент Георг, предизвикувајќи масовна операција за спасување во која учествуваа околу 160 спасувачи. Вкупно 14 лица беа повредени во пожарот.

Пожар во хотелот Поло и итна евакуација

Противпожарната служба доби повик и беше алармирана околу 00:05 часот наутро. Чад одеднаш почна да се крева од подрумот на хотелот Поло на Аденауерале, кратко потоа се огласија детектори за чад во ходниците.

Бидејќи голем број гости спиеја во зградата во тој момент, а човечките животи беа во непосредна опасност, противпожарната служба веднаш прогласи општа вонредна состојба, објавува Mopo.de.

Неколку противпожарни возила, брза помош и главниот лекар на должност беа испратени на местото на настанот. Поради екстремно густиот чад што се ширеше брзо, гостите на хотелот не можеа сами да ја напуштат зградата. Пожарникарите мораа да користат преносни и мобилни скали за да ги евакуираат.

Број на повредени и гаснење на пожарот

Според официјалните информации дадени од портпаролот, 14 гости на хотелот биле успешно спасени од запалената зграда. Епилогот од несреќата е следниот:

• Едно лице се здобило со сериозни повреди.

• 13 лица се полесно повредени.

• Неколку повредени гости биле веднаш префрлени во болници за понатамошен медицински третман.

Противпожарната служба употребила неколку црева за да го изгасне пожарот во зградата. Покрај персоналот на терен, во операцијата бил користен и дрон за да се испита ситуацијата и локацијата од воздух.

Пожарот бил успешно ставен под контрола дури по неколку часа борба. На самиот почеток на истрагата, полицијата не можела да даде детали за точната причина за пожарот, како и информации за висината на предизвиканата материјална штета.

Тагови: пожар Хамбург