Јани Бојаџи за „Утре наутро“: Филмот е инспириран од фаталниот 27 април 2017 година - Канал 5

Култура

Јани Бојаџи за „Утре наутро“: Филмот е инспириран од фаталниот 27 април 2017 година

-Филмот е инспириран од фаталниот 27 април 2017 година и се занимава со прашањето што после тоа.

Јани Бојаџи за „Утре наутро“: Филмот е инспириран од фаталниот 27 април 2017 година

Најновиот филм на режисерот Јани Бојаџи насловен „Утре наутро“ премиерно ќе биде прикажан на 19 ноември во киното Синеплекс во Скопје, а од 20 ноември ќе започне неговата дистрибуција низ кината во земјата. На денешната прес-конференција, на која беше промовиран трејлерот за филмот, режисерот Бојаџи истакна дека тој ги прикажува последиците со кои се соочуваат две семејства - македонско и ромско 18 месеци по настаните во Собранието од 27 април 2017 година, и е слика за тоа како одредени одлуки на високи општествени кругови влијаат врз нашиот живот. За првпат во овој филм, како што беше истакнато, ромите се прикажани како моќни и образовани луѓе.

- „Утре наутро“ е политичка драма во која ги опсервирам луѓето кои ги носат одлуките со чии последици се соочуваме ние. Мене живо ме интересира кои се луѓето кои ги носат одлуките со кои ние се носиме, оној висок општествен круг луѓе. Ова е приказна инспирирана од вистински настани кои се случиле меѓу 2014 и 2017 година. Плотот на приказната е фаталниот 27 април 2017 година и се занимава со прашањето што после тоа. Зборува за две семејства кои се соочуваат со последиците на одлуките кои ги носат т.н. глави на семејствата-татковците, мажи на извесна возраст од сите нации и религии во Македонија, неподготвени да се соочат со фактот дека последиците од одлуките кои тие ги носат најчесто ги сносат нивните семејства и сите други семејства, рече на прес – конференцијата Бојаџи, кој е и сценарист на филмот.

„Утре наутро“, додаде тој, е посветен на сите оние жени во Македонија кои се подготвени да ги одбранат семејствата и заедницата на која се посветени.

-Имав бескрајна среќа да имам во филмот актери со огромно човечко присуство. Ме интересира не само да се добри актери, туку и а се добри луѓе. Работевме 75 дена и навистина беше исклучително задоволство да се биде заедно, рече Бојаџи и додаде дека преку 75 актери има во филмот.

Извршниот продуцент Дејан Милошевски објасни дека почнале да снимаат серија и кога ја завршиле серијата сфатиле дека имаат филм.

-Освен филмот ќе има и серија со пет епизоди по 55 минути. Премиерата на филмот ќе се одржи на 19 ноември во Синеплекс, а од 20 ноември ќе почне целосна дистрибуција низ Македонија, рече Милошевски и додаде дека во моментот имаат еден фестивал на кој ќе биде прикажан филмот.

Главните улоги во филмот ги толкуваат Нина Деан, Васил Зафирчев, Ирена Илиевска, Кети Дончевска Илиќ и Бајрам Северџан, а во него се појавуваат и многу други македонски актери.

Актерката Нина Деан, која толкува една од главните улоги во филмот и рече дека си посакала да има голем лик и и се остварила желбата.

-Задоволна сум од целото искуство. Кога го градев ликот тргнав од аспект на жена и што се и се случува неа, без разлика која е, чија сопруга е. Имавме одлична соработка со колегите и се надевам дека сите ќе го видите филмот онака како што го правевме, рече Деан.

Ирена Илиевска, ја игра Аида, а улогата и била предизвик и поради тоа што за неа учела да зборува ромски јазик.

-Ја играм Аида Мерџановска, Ромка по националност, докторка и за потребите на ликот учев ромски јазик, долго време се подготвував. Се плашев бидејќи не го познавав јазикот и денес од оваа дистанца гледам дека тоа беше најмал предизвик. Аида се бори со цел систем и тоа беше најголемиот предизвик-да ја научам како се игра кога антагонистот Ви е целиот систем, рече Илиевска и ги покани сите на премиерата на филмот.

Во филмот се зборува на македонски, ромски и малку на англиски јазик. Актерите учеле ромски, имале наставници и актерките мошне добро го совладале јазикот што воопшто не се правела разлика кога го говореле текстот на снимањето.

Актерката Кети Дончевска Илиќ ја толкува улогата на сопруга на Бајрам Северџан, а Аида и е ќерка.

-Јас цел живот играм на македонски јазик и навистина беше голем предизвик за мене да глумам на ромски. Кога ги учев репликите после пробите во неколку наврати сакав да се откажам. За актер кому му е природно да глуми на свој мајчин јазик навистина беше сериозен предизвик, но истовремено беше убав предизвик. И драго ми е што не се откажав, особено што поминав прекрасен процес, запознав прекрасни луѓе со кои досега не сум работела и мислам дека завршивме одлична работа, рече Дончевска Илиќ и потенцираше дека особено и е драго што женските ликови во филмот се особено силни и доминантни, сигурни во себе, знаат што сакаат и не се откажуваат.

Васил Зафирчев рече дека е навистина среќен поради филмот, бидејќи како што рече, толку малку се снима што бескрајно се радува на секој нов обид кој резултира со реализација на нов проект.

-По тв серијата „Бистра вода“ ова ми е втора соработка со Јани Бојаџи, но овој пат со малку поинаков предизвик. Не само што за прв пат се сретнавме со убавината на ромскиот јазик и што требаше да изградиме ликови кои носат некаков поинаков сензибилитет што е многу автентичен како што е ромската заедница, ромската култура, традиција, начин на размислување, дејствување...Предизвикот беше дотолку поголем што толкувам лик кој се вика Рустем и кој станува некаква референтна точка на оваа парадигма која е земена за наслов на филмот. Односно некаква светла точка за тоа дека навистина е можно утре да биде подобро, рече актерот.

Ликот што го толкува, вели, успева да изгради успешна кариера во Италија и се обидува сите позитивни искуства да ги пренесе во Македонија, каде формира мала задруга за производство на органско овошје и зеленчук.

Бајрам Северџан, кој толкува еден од главните ликови во филмот рече дека Ромите во филмот се прикажани како истакнати членови на општеството, образовани и се избегнува стереотипот на бедата и сиромаштијата.

-Токму тоа ми беше голем поттик и задоволство за да го толкувам ликот во овој филм. Сакам да истакнам и дека многу сум среќен што колегите навистина го совладаа ромскиот јазик, бидејќи бев скептичен кога го читав сценариото. Што се однесува до сценариото, исто така, сум многу задоволен со сите измени кои се направија за правдината да излезе на крај на еден многу елегантен начин, рече Северџан.

Македонскиот долгометражен филм „Утре наутро“ е работен по сценарио и режија на Јани Бојаџи, продукции: Синемон медија фактори, Релолушн продакшн во соработка со Алфа Национална телевизија.

Тагови: играни филмови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Иднината пристигнува во Скопје: Хуманоидни роботи на ЕНЕРГО ТЕХНОМА 2026

Роботизацијата веќе не е тема на иднината, туку реалност што го менува производството, логистиката и начинот на работа. 

Иднината пристигнува во Скопје: Хуманоидни роботи на ЕНЕРГО ТЕХНОМА 2026

За Македонија, нејзиното навремено прифаќање е можност за поголема продуктивност, развој на современи технички знаења и создавање работни места со повисока додадена вредност. Токму затоа, присуството на хуманоидните роботи на ЕНЕРГО ТЕХНОМА 2026 отвора важна дискусија за тоа како домашните компании, образованието и институциите да се подготват за економијата што веќе доаѓа.

Токму во тој контекст, на ЕНЕРГО ТЕХНОМА 2026 во Скопје, благодарение на словенечката технолошка компанија Hiproject, ќе бидат претставени некои од најнапредните хуманоидни роботи во светот. Посетителите ќе имаат ретка можност да видат модели што се меѓу првите од ваков вид во Европа, но и да дознаат како Hiproject веќе развива и воведува хуманоидни роботи во реални работни средини — во индустријата, логистиката, фармацевтската индустрија, здравството, туризмот и други сектори.

Ова е само дел од многуте активности кои не очекуваат на меѓународните саеми ЕНЕРГО ТЕХНОМА 2026 и РЕАЛ ЕКСПО 2026, под мотото „Вклучи одржливи навики“, а кои ќе се одржат во период од 29 до 31 октомври 2026 година, во T Арена во Скопје.

Два настани на едно место кои ќе ја претвори престолнината во центар на иновации, енергетика, технологија, недвижности и паметни решенија за иднината.

Посетителите ќе имаат можност да се запознаат со најновите решенија од областа на роботиката, автоматизацијата, обновливите извори на енергија, циркуларната економија, дигиталната трансформација и одржливиот развој. Саемот ќе ги обедини компаниите, институциите, експертите, стартапите и младите иноватори на изложбена површина од над 2.500 m².

Паралелно ќе се одржи и РЕАЛ ЕКСПО 2026, специјализиран саем за недвижности, на кој ќе се претстават градежни компании, инвеститори, агенции и професионалци од секторот со актуелни понуди, инвестициски проекти и развојни иницијативи од Македонија и регионот.

Покрај изложбениот дел, посетителите ќе можат да следат стручни презентации, панел-дискусии, промоции на нови производи и услуги, деловни средби и активности за вмрежување. Работното време на саемите ќе биде од 10:30 до 18:30 часот во текот на сите три дена.

ЕНЕРГО ТЕХНОМА 2026 и РЕАЛ ЕКСПО 2026 ќе бидат место каде што се среќаваат роботиката, иновациите, бизнисот и иднината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Милано, луксузните брендови „Шанел“, „Тифани“, „Версаче“ и „Диор“ ги тргаат своите производи од излозите!

Луксузните брендови „Шанел“, „Тифани“, „Версаче“ и „Диор“ ги тргаат своите производи од излозите! Премиерката Мелони испраќа 500 војници на улиците во Милано.

Во Милано, луксузните брендови „Шанел“, „Тифани“, „Версаче“ и „Диор“ ги тргаат своите производи од излозите!

Загрижени поради од нови немири, продавниците во центарот на градот затвораат порано, додека луксузните модни брендови ја тргаат стоката од излозите и поставуваат заштитни бариери, пренесува британски „Гардијан“.

Италијанската влада планира да испрати дополнителни 500 војници во Милано, по дводневните насилни протести за време на кои демонстрантите се судрија со полицијата, ограбуваа продавници и уништуваа имот.

Поради страв од нови немири, продавниците во центарот на градот затвораат порано, додека луксузните модни брендови ја тргаат стоката од излозите и поставуваат заштитни бариери, пренесува британски „Гардијан“.

Италијанскиот заменик-премиер Матео Салвини најави распоредување дополнителни воени сили, наведувајќи дека целта е да се заштити градот. Луксузните продавници ги празнат излозите, полиција патролира по улиците.

На познатата шопинг-улица „Виа Монтенаполеоне“ во Милано, каде што се наоѓаат луксузни брендови како „Шанел“, „Тифани“ и „Диор“, повеќето трговци, како мерка на претпазливост, ги отстранија скапите производи од своите излози. Полициски патроли се движат низ овој дел од градот, додека некои продавници се целосно затворени, а нивните излози се заштитени со дрвени панели.

Во текот на викендот, неколку стотици демонстранти со качулки, од кои многу се проценува дека се малолетници, запалија контејнери, кршеа излози и ограбуваа продавници во центарот на Милано.

Насилството избувна по протестот во саботата, кој започна мирно, а чии учесници изразија незадоволство од зголемувањето на трошоците за живот и влошувањето на јавните услуги.

Демонстрантите ги нападнаа продавниците на спортските брендови Decathlon и Arkterix, како и филијалите на телекомуникациската компанија Vodafone. Брендовите Levi's, Under Armour и Decathlon ги заштитија своите прозорци со картон и дрвени штици за да спречат понатамошни оштетувања.

Мелони најавува построги мерки против малолетничкото насилство Италијанскиот премиер Џорџо Мелони го осуди насилството и во понеделник одржа итен состанок со министрите и претставниците на безбедносните служби.

Нејзината влада, која се соочува со парламентарни избори следната година, размислува за понатамошно заострување на законот за да спречи понатамошни немири.

Министерот за надворешни работи Антонио Тајани изјави дека властите решително ќе одговорат на насилството. „Владата решително ќе одговори на овие напади врз државата, вклучително и мерки насочени кон ограничување на малолетничкото насилство“, напиша Тајани на социјалната мрежа X.

Според италијанскиот весник „Кориере дела сера“, меѓу предложените мерки е продолжување на превентивниот притвор за малолетници, како и поодлучно сузбивање на малолетничките банди. Исто така, се разгледува и можноста за забрзано стапување во сила на одредени одредби од законот за безбедност, кој во моментов е во собраниска процедура.

Полицијата приведе 271 млади лица; немирите се проширија и во други градови. Според италијанската полиција, 271 млади лица биле приведени за време на немирите во неделата во Милано.

Насилството не се ограничи само на Милано. Судири меѓу демонстрантите и полицијата избија и во други градови во северна Италија, вклучувајќи ги Болоња, Бреша, Бергамо и Торино. Според податоците на полицијата, во Торино биле уапсени 28 демонстранти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Синди Крафорд се прости од својот син со трогателни зборови

Славната американска манекенка Синди Крафорд се прости од својот син, Пресли Вокер Гербер, кој почина на 27-годишна возраст, преку емотивна порака на Инстаграм. 

Синди Крафорд се прости од својот син со трогателни зборови

Скршена од загубата, таа изјави дека семејството секогаш ќе го сака и ќе го чува споменот за него. „Неизмерно сме скршени од загубата на нашиот сакан син и брат. Се чувствуваме благословени што го имавме Пресли во нашите животи 27 години. Тој беше нежна и прекрасна душа, која сакаше и беше сакана – сега и засекогаш“, напиша манекенката.

Таа додаде дека се горди на начинот на кој нејзиниот син се однесувал кон светот – со добрина и ранливост – и дека се благодарни за огромната поддршка што ја добиваат.

„Благодарни сме за љубовта и поддршката што ни ја покажаа многумина кои го познаваат и сакаат нашето семејство, како и целосни непознати луѓе кои ја споделуваат нашата болка. Додека повторно не се сретнеме, наше мило момче. Ќе те сакаме засекогаш“, напишаа мама, тато и Каја во објава на Инстаграм.

На крајот од објавата, Синди му се заблагодари на фотографот Себастијан Фаена, кој ја направил фотографијата што таа ја избра за да се прости од својот син. „Ти благодарам, Себастијан Фаена, што ја направи оваа прекрасна фотографија“, напиша таа.

Инаку, Пресли Вокер Гербер, синот на Синди Крафорд и бизнисменот Ренди Гербер, почина на 20 септември 2026 година, на 27-годишна возраст. Тој беше помлад брат на манекенката Каја Гербер.

Семејството сега се прости од него со емотивна порака, нагласувајќи дека засекогаш ќе го чуваат споменот на него.

Тагови: синди крафорд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер