Култура

Јаневска: Владата дејствува и ќе дејствува од позиција на третман на културните различности како светско богатство

Овој пат, тоа се главно писателите родени во четвртата деценија од 20 век, бидејќи, тогаш се родени многу од авторите што ќе придонесат за жанровската, поетска и стилска разновидност и за развојот на современата македонска книжевност.

Во годината кога славиме 80 годни од стандардизацијата на македонскиот јазик, убаво е уште еднаш да се потсетиме на зборовите на Блаже Конески, кој вели: „За нас јазикот претставува, со сè што е на него создадено како говорен и пишуван текст, најголемо приближување до идеалната татковина.“ Неговата мисла ја потенцирам сега и тука, затоа што и оваа меѓународна македонистичка конференција која ја организира Институтот за македонска литература при УКИМ со поддршка на Министерството за образование и наука, става акцент токму на пишаниот книжевен текст и на неговите врски со говорната традиција. Ова денеска го истакна министерката за образование и наука Весна Јаневска на отворањето на Меѓународната научна конференција „Книжевни проекци 2025: Година на значајни јубилеи“.

Обединети, како што рече, ја славиме посебноста на македонскиот народ, преку истакнување на делото на писателите и писателките кои се трајно запишани во историјата на македонската книжевност.

- Овој пат, тоа се главно писателите родени во четвртата деценија од 20 век, бидејќи, тогаш се родени многу од авторите што ќе придонесат за жанровската, поетска и стилска разновидност и за развојот на современата македонска книжевност. Секако, не ги забораваме и сите други кои се родени и делувале во други временски периоди, оставајќи печат и помагајќи во афирмацијата на македонската книжевност. Ако ги гледаме бројките, македонската книжевност е „мала“ книжевност. Но, истовремено и голема, ако ја гледаме низ призма на создадените книжевни ремек-дела. Токму затоа што македонските говорители не се многубројни, ние како Влада имаме за цел да ја зголемиме нејзината видливост во светски рамки, истакна Јаневска.

Таа потенцира дека посебно значајни се странските македонисти, кои се културни амбасадори на Македонија во своите средини, како и преведувачите.

- Веќе е јасно дека културната различност на светот може да биде место на раздор, но и место на средба. Оваа Влада дејствува и ќе дејствува од позиција на третман на културните различности како светско богатство за кое треба да се води исклучителна грижа. Почитувајќи ги сите култури, акцент ставаме на посебната македонска култура, која значајно придонесува за унапредување на универзалните човечки вредности, опишани во делата кои се предмет на интерес на оваа конференција, рече министерката Јаневска.

Директорката на Институтот за македонска литература проф. д-р Наташа Аврамовска информира дека конференцијата е посветена на македонските книжевни дејци родени во четвртата деценија на 20 век и на уште некои значајни јубилеи кои, како што рече, не можевме да ги одминеме. Тоа се: 125 години од раѓањето на Ристе Крле, 105 години од раѓањето на Славко Јаневски и 25 години од неговата смрт, 95 години од раѓањето на Георги Сталев Поповски, Димитар Солев, Ката Мисиркова Руменова, Симон Дракул и Бистрица Миркуловска, 90 години од раѓањето на Ташко Георгиевски, Живко Чинго, Слободан Мицковиќ, Лилјана Белева, Гордана Михаилова-Бошнакоска и други. Учесниците предложиле да се одбележат и 55 години од раѓањето на поетот Игор Исаковски (1970-2014).

Според проф. д-р Лорета Георгиевска-Јаковлева од Институтит за македонска литература при УКИМ - Скопје со чествувањето на овие македонски автори, како што рече, ги предаваме корените на современата македонска книжевност на идните генерации, поттикнуваме нови љубопитства и секое споменување на она што е напишано на македонски јазик всушност претставува една самоидентификација.

- Ние се наоѓаме во таа средина и на некој начин го формираме македонскиот идентитет, она со што сите ние се поистоветуваме, посочи Георгиевска-Јаковлева.

На отворањето на конференцијата присуствуваа декани, директори на јавни научни установи, универзитетски професори и семејства на авторите чие дело се одбележува денес.

Тагови: Весна Јаневска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Дали ова е најбизарниот спорт во светот? Натпреварувачки се удираат по задникот

Натпреварувачки се удираат по задникот, дали е ова најбизарниот спорт?.

Ако мислевте дека сте ги виделе сите можни боречки спортови, Романците најдоа начин да ги изненадат сите. Промоцијата RXF организира натпревар наречен „Booty Slap“, во кој жените се удираат со дланка по задникот.

Форматот е прилично едноставен. Две натпреварувачки стојат една спроти друга и наизменично упатуваат силни шлаканици со отворена дланка по задникот на противничката.

Според тековните правила на RXF, дуелот се состои од вкупно десет шлаканици, а победничката се одредува врз основа на силината на ударот – односно штетата што ја предизвикуваат ударите.

🍑 Romania has butt-slapping competitions Romanian promotion RXF even has a separate discipline called Booty Slap: contestants take turns slapping each other on the butt, with the winner decided by the force and effect of the hits. So… where do you sign up to be a judge?
— NEXTA (@nexta_tv) September 16, 2026

Натпреварувачките мора да имаат најмалку 18 години, а пред мечот нанесуваат специјална супстанца на рацете за да го максимизираат ефектот на шлаканиците. За разлика од класичниот „Power Slap“, целта овде не е да се нокаутира противничката со удар во главата.

Наместо тоа, натпреварувачките се стремат да зададат што е можно посилна шлаканица, принудувајќи ја ривалката да изгуби рамнотежа или едноставно оневозможувајќи ја да ја издржи болката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бред Пит ја „загубил“ девојката на свадбата на Тејлор Свифт

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси накратко ја изгубил од вид својата девојка, Инес де Рамон.

Еден од најголемите заводници во Холивуд, актерската ѕвезда Бред Пит откри дека за време на спектакуларната свадба на Тејлор Свифт и Тревис Келси – настан одржан на 3 јули во њујоршкиот „Медисон Сквер Гарден“, кој тој го опиша како „свадба на векот“ – накратко ја изгубил од вид својата девојка, Инес де Рамон, на преполниот подиум за танцување.

„Тоа беше неверојатна ноќ“ .

Говорејќи на премиерата на филмот *Heart of the Beast*, актерот раскажа дека тој и Инес поминале „10, можеби 12 часа“ на свадбата, на која присуствувале околу 1.000 гости, истакнувајќи дека тоа била „неверојатна ноќ“.

Поради правилото што им забранувало на гостите да ги користат своите телефони, Пит рече дека накратко ја изгубил Инес од вид во гужвата на подиумот, но брзо ја пронашол со помош на другите гости, додавајќи дека целата прослава била внимателно испланирана, емотивна и многу забавна.

Двојката, која е заедно од 2022 година, ја официјализираше својата врска на Инстаграм за време на свадбата.

Инаку на свадбата на векот меѓу истакнатите гости беа Џиџи Хадид, Бредли Купер, Ед Ширан, Сабрина Карпентер, Хју Грант, групата „Хаим“ и Том Хенкс.

Во меѓувреме, новиот филм на Пит, *Heart of the Beast*, пристигнува во кината на 23 септември, според „Филм-њуз“ (Film-News).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ФУЕН едногласно ја усвои Резолуцијата на Македонското друштво „Илинден“-Тирана

Федералната унија на европските националности (ФУЕН), на својот конгрес што се одржува во Хелсинки, Финска, денеска едногласно ја усвои Резолуцијата поднесена од Македонското друштво „Илинден“-Тирана.

Овој чин претставува уште еден голем дипломатски и институционален успех за македонското национално малцинство во Република Албанија.

Со усвоената резолуција, ФУЕН упатува четири клучни барања до албанските и меѓународните институции:

1. Ратификација на Европската повелба: Република Албанија итно да ја потпише и ратификува Европската повелба за регионални или малцински јазици.

2. Заштита на идентитетот: Да се преземат ефективни и конкретни мерки за заштита на македонскиот идентитет од зачестените притисоци, негирања и асимилација.

3. Зачувување на Општина Пустец: Општина Пустец да остане посебна единица на локалната самоуправа и во рамките на претстојната нова административно-територијална реформа во Албанија.

4. Преименување: Општина Пустец официјално да се преименува во Општина Преспа.

Веднаш по гласањето на делегатите, претседателот на Македонското друштво „Илинден“-Тирана, Никола Ѓурѓај, во изјава за весникот „Македониум“ го истакна значењето на овој момент.

„Ова е значаен чекор за зачувување на македонскиот јазик, идентитет, култура и сите права на Македонците во Република Албанија. Веќе 11 години, како рамноправна членка на ФУЕН, активно учествуваме во работата на оваа реномирана европска организација и ги застапуваме интересите на нашиот народ. Ова е можност за нови искуства, зајакнување на соработката со другите национални малцинства во Европа и дополнителна афирмација на македонскиот идентитет, јазик, култура и традиција. Со голем гордост го претставуваме македонското национално малцинство на европско ниво“, изјави Ѓурѓај.

Резолуцијата во најкраток рок ќе биде официјално доставена до сите релевантни албански државни органи, како и до клучните меѓународни и европски институции за заштита на човековите и малцинските права.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.